Morgunblaðið - 14.08.2007, Síða 6

6 ÞRIÐJUDAGUR 14. ÁGÚST 2007 MORGUNBLAÐIÐ
FRÉTTIR
Eftir Unu Sighvatsdóttur
una@mbl.is
MÆÐRAVERND Heilsugæslu-
stöðvarinnar á Akureyri (HAK) hef-
ur í mörg ár boðið verðandi mæðr-
um upp á einstaklingsbundna
greiningu á hvers konar aðstoð þær
hafi þörf fyrir við meðgönguna. Þar
var nýlega framkvæmd rannsókn á
tengslum þunglyndis- og streituein-
kenna við heilsufar, félagslega
stöðu og líðan móðurinnar á með-
göngu. M.a. þykir sýnt að ungar
mæður og þær sem hafa áhyggjur
af búsetu- og fjármálum eru líklegri
til að fá fæðingarþunglyndi en aðr-
ar.
Meira en tíunda hver kona þjáist
af þunglyndi eftir fæðingu auk þess
sem fjölmargir nýbakaðir foreldrar
finna fyrir ýmsum kvillum sem skil-
greina má sem foreldrastreitu.
Þjónusta Mæðraverndar HAK hef-
ur m.a. miðað að því að finna þær
konur sem eru í áhættuhóp fyrir
fæðingarþunglyndi og koma til
móts við þær með sérstakri með-
ferð og forvörnum.
Að sögn Margrétar Guðjóns-
dóttur, hjúkrunarforstjóra HAK,
var ætlunin með rannsókninni að
varpa frekara ljósi á áhættuþætti
fæðingarþunglyndis og foreldra-
streitu, og kanna árangurinn af
vinnulagi mæðra- og ungbarna-
verndar á Akureyri við að finna
fjölskyldur sem þurfa meiri stuðn-
ing. Niðurstöðurnar sýna m.a. að
ungar mæður sem eru að eiga sitt
fyrsta barn og búa í foreldrahúsum
eða hjá tengdaforeldrum, höfðu
marktækt fleiri þunglyndiseinkenni
eftir fæðingu.
Eins sýndu konur sem ekki hafa
lokið grunnskólaprófi, konur sem
reykja á meðgöngu og þær sem
telja sig hafa ónógan stuðning frá
umhverfi á meðgöngu auknar líkur
foreldrastreitu. Þetta kemur að
mörgu leyti heim og saman við gát-
lista Mæðraverndar. „Það sýnir sig
mjög skýrt að það sem veldur
áhyggjum hjá konum er það sem
við þrengjum niður mjög snemma á
meðgöngunni og reynum þá að
bjóða viðeigandi aðstoð,“ segir Mar-
grét. Hún segir mikilvægt að sinna
vel þeim hópum þar sem tíðni þung-
lyndis er hve mest og þar geti for-
varnarstarfið haft mikið að segja.
„Við teljum að við séum algjörlega
á réttri braut með okkar vinnu-
brögð, en það má hins vegar alltaf
gera betur. Eitt af því sem kemur
fram er hve áhyggjur vegna hús-
næðis, atvinnu- og fjármála vega
þungt og þótt það séu kannski ekki
breytur sem við höfum bein áhrif á
í heilsugæslunni höfum við verið að
vinna miklu betur með til dæmis
sveitarfélaginu og félagsþjónust-
unni til að byggja upp stuðnings-
kerfi og finna lausnir fyrir þessar
konur.“
Mæðravernd forvörn gegn þunglyndi
Ungar mæður sem hafa áhyggjur af búsetu- eða fjármálum eru líklegri til að fá fæðingarþunglyndi
Morgunblaðið/Kristinn
Nýfædd Fæðing barns er flestum gleðiefni en þó getur þunglyndi og
streita fylgt í kjölfarið og verið mörgum foreldrum afar erfitt.
FRÉTTASKÝRING
Eftir Steinþór Guðbjartsson
steinthor@mbl.is
STEFÁN Eiríksson, lögreglustjóri á höfuð-
borgarsvæðinu, sagði í grein sinni í Morgun-
blaðinu í gær að samstarf lögreglu og dyra-
varða á mörgum skemmtistöðum væri jákvætt
en veitingamenn þyrftu að gera betur. Í því
sambandi nefnir hann til dæmis þrif og hreins-
un og fyrirbyggjandi aðgerðir til að koma í veg
fyrir ýmiss konar óþrifnað utanhúss, áfengis-
veitingar og reglur í sambandi við neyslu og
sölu fíkniefna á skemmtistöðum. Þá bendir
hann á að frá því lögreglan á höfuðborgarsvæð-
inu hafi tekið til starfa um síðustu áramót, hafi
hún lagt megináherslu á aukna, sýnilega lög-
gæslu, hugmyndir séu um færanlega lögreglu-
stöð og ætlunin sé að fjölga öryggismyndavél-
um í borginni.
Samtenging skemmtistaða og lögreglu
Loftur Loftsson, rekstrarstjóri Café Olivers
við Laugaveg, segir að öll samvinna til að bæta
ástandið í miðbænum sé jákvæð. Hann hafi
reynslu af því að starfa á veitingahúsum á
Spáni, í Bretlandi og á Íslandi og umrætt of-
beldi hérlendis sé mun meira og grófara en
hann hafi kynnst erlendis. Hann tengir það
fyrst og fremst ofurölvun þeirra, sem hlut eiga
að máli, en leggur áherslu á að umrætt ofbeldi
þekkist ekki inni á Oliver, þótt stundum þurfi
að skerast í leikinn vegna einhvers ósættis. „Þá
bregðumst við skjótt við og vísum fólki frá ef
ástæða þykir til,“ segir hann.
Fíkniefnamál hafa ekki verið vandamál á
Oliver, að sögn Lofts, en fólki sem sé augljós-
lega undir áhrifum fíkniefna sé ekki hleypt inn
og komi fíkniefnamál upp, sé tafarlaust haft
samband við lögreglu. Í þessu sambandi segir
hann æskilegt að lögreglan sé í góðu sambandi
við staðina og kanni stöðuna reglulega. Hann
bendir á að þar sem hann hafi starfað á Spáni
hafi dyraverðir á viðkomandi svæði verið sam-
tengdir og þannig hafi þeir getað komið strax
til aðstoðar ef á hafi þurft að halda. Æskilegt
væri að koma á svipuðu kerfi hér samfara teng-
ingu við lögreglu auk þess sem nærvera lög-
reglu þyrfti að vera meiri en nú sé.
Oliver er vinsælasti skemmtistaður landsins.
Áætlað er að um 2.500 manns komi á staðinn á
venjulegu laugardagskvöldi en honum er lokað
kl. 3.30 aðfaranótt föstudags og 4 aðfaranótt
laugardags. Loftur segir að Íslendingar mæti
seint á skemmtistaði og því hafi þessi opnunar-
tími ekki áhrif á spennuna. Eins bæti ekkert að
flytja skemmtistaðina í úthverfin, því hegðun
fólks sé eins hvar sem er. Í þessu sambandi
bendir hann á að á tónleikahátíðina í Hróars-
keldu í Danmörku safnist saman um 50.000
manns og samkvæmt þeim rökum að hóp-
amyndun skapi ofbeldi ætti hátíðin að vera ein
stór hópslagsmál. Annað hafi komið í ljós enda
felist lausnin ekki í dreifingu skemmtistaða um
borgina, heldur fyrst og fremst í því að lög-
reglan verði sýnilegri þar sem fólkið sé og að
einstaklingarnir sýni hver öðrum meiri virð-
ingu en nú sé. „Við höfum alltaf haft mjög gott
samstarf við lögregluna og nærvera hennar
getur stöðvað ofurölvun fólks úti á götum,“
segir hann.
Óvarlegt að stytta opnunartímann
Óli Már Ólason, annar eigenda Vegamóta við
Vegamótastíg, er almennt á sama máli og Loft-
ur. Hann segir að öryggisgæsla á staðnum hafi
verið aukin og verið sé að senda alla dyraverði
á námskeið til að læra að takast á við ofbeldis-
mál. Hins vegar tekur hann fram að slagsmál
heyri til undantekninga á Vegamótum og
þakkar hann það fyrst og fremst öryggisgæsl-
unni.
Á Vegamótum er opið til klukkan 5 um helg-
ar. Óli Már segir að misjafn lokunartími
skemmtistaða sé af hinu góða því hann komi í
veg fyrir hópamyndun drukkins fólks úti á
götu sem bjóði upp á slagsmál og ofbeldi.
„Styttri opnunartími getur leyst einhver
vandamál en býr bara til önnur í staðinn,“ segir
hann. Reykingabannið hafi sums staðar valdið
vandræðum en á Vegamótum sé afmörkuð að-
staða utanhúss fyrir reykingafólk og þess gætt
að gestir fari ekki út með drykki.
Vegamót er veitingastaður og skemmtistað-
ur og segir Óli Már að það kæmi niður á rekstr-
inum yrði hann fluttur í úthverfi. Útlendingar
sem Íslendingar sæktu í miðbæinn og því yrði
ekki breytt. Aðalatriðið væri góð gæsla, sam-
vinna og aukið samstarf við lögreglu.
Valið eigenda
Árni Björnsson, eigandi Players við Bæjar-
lind í Kópavogi og Thorvaldsen Bar í Austur-
stræti, segir að lögreglan sé allt of lítið sjáan-
leg í miðborginni um helgar og fólk komist upp
með að drekka úti á götu nú sem fyrr. Á þessu
þurfi að taka en það sé eigenda fyrirtækjanna
að ákveða hvar þeir vilji vera með rekstur sinn
en ekki lögreglu. Hann hafi meira verið í út-
hverfum með sinn rekstur en aðrir velji frekar
miðbæinn.
Players er lokað klukkan 4 um helgar en
Thorvaldsen Bar hálftíma til klukkutíma fyrr.
Árni segir að leyfi hafi verið til þess að hafa op-
ið á Players til 6.30 en það hafi ekki verið nýtt.
Vandamál í sambandi við gesti geti alltaf komið
upp og á þeim sé tekið með aðstoð lögreglu sé
ástæða til.
Mismunandi lokunartími betri
Þröstur Hjálmsson, deildarstjóri hjá
Hreyfli-Bæjarleiðum bifreiðastöð, segir að 560
leyfi til leigubílaaksturs séu á höfuðborgar-
svæðinu og talan hafi lítið breyst frá aldamót-
um. Um helgar sé mest að gera um klukkan
eitt til tvö eftir miðnætti en síðan dreifist álagið
og ástandið versni ef öllum skemmtistöðum
yrði lokað á sama tíma eins og áður.
Sýnileg löggæsla mikilvægust
Miðbærinn er miðstöð skemmt-
anahalds og það breytist
hvorki með færslu einhverra
skemmtistaða í úthverfin
né styttingu opnunartíma,
að mati talsmanna þeirra.
Morgunblaðið/Júlíus
Löggæsla Gjarnan er mikið um að vera í miðbæ Reykjavíkur um helgar og ekki síst á Menn-
ingarnótt en þá hefur lögreglan verið vel sýnileg og haft í nógu að snúast.
AÐ frumkvæði Björns Inga
Hrafnssonar, formanns
borgarráðs Reykjavíkur, og
Vilhjálms Þ. Vilhjálmssonar
borgarstjóra voru málefni
miðborgarinnar og tiltek-
inna skemmtistaða í borginni
rædd á fundi borgarráðs 2.
ágúst síðastliðinn. Björn Ingi
Hrafnsson segir að á fund-
inum hafi verið ákveðið að
boða lögreglustjóra höf-
uðborgarsvæðisins á fund
borgarráðs til að ræða þessi
mál og á hann von á að sú
umræða fari fram á fimmtu-
dag.
Stefán Eiríksson, lög-
reglustjóri höfuðborg-
arsvæðisins, tók fyrir vanda
miðborgarinnar, „ofbeldi og
annan ólifnað sem virðist
tengjast skemmtanahaldi í
miðborg Reykjavíkur“, og
raunhæfar lausnir í grein í
Morgunblaðinu í gær. Þar
kom meðal annars fram að
meta bæri reynsluna af
löngum afgreiðslutíma
skemmtistaða í miðborginni
og breyta honum, ef í ljós
kæmi, að of langt hefði verið
gengið í því efni. Huga þyrfti
að fjölda og gerð skemmti-
staða í miðborginni og borg-
aryfirvöld þyrftu að ákveða,
hvort beina ætti starfsemi
dansstaða og næturklúbba á
önnur svæði í höfuðborginni.
Skiptar skoðanir
Björn Ingi Hrafnsson seg-
ist fagna því að lög-
reglustjóri vilji taka sér-
staklega á í því að bæta
ástandið í miðborginni og
borgaryfirvöld séu tilbúin í
þá vegferð. Hvað varði til
dæmis afgreiðslutíma
skemmtistaða breyti ekki
öllu hvort þeir séu í miðborg-
inni eða í úthverfum og ekki
sé víst að friður skapist yrðu
þeir í auknum mæli fluttir í
úthverfin. Hins vegar sé
sjálfsagt mál að fara yfir af-
greiðslutímann og mjög
skiptar skoðanir séu um
hvort rétt skref hafi verið
stigið í þessu máli 1999. Lög-
reglan og veitingamenn séu
fyrst og fremst umsagnarað-
ilar borgarinnar í þessu máli
og það verði væntanlega
rætt á fimmtudag.
Lögreglustjóri boðaður á fund
Morgunblaðið/Júlíus
Öryggi Lögreglan ætlar að fjölga löggæslumyndavélum.