Morgunblaðið - 28.08.2007, Síða 4

4 ÞRIÐJUDAGUR 28. ÁGÚST 2007 MORGUNBLAÐIÐ
FRÉTTIR
STEFÁN Eiríksson, lögreglustjóri
höfuðborgarsvæðisins, segir lög-
regluna ekki láta sóðaskap og
drykkjulæti óátalin í miðbænum
um helgar. Fríða Björk Ingv-
arsdóttir lýsti því í grein í Morg-
unblaðinu í gær að hún hefði geng-
ið í humátt á eftir einum af
gönguhópum lögreglunnar á
Menningarnótt og að hópurinn
hefði ekki haft afskipti af
„drukknu fólki sem lá þar afvelta,
fólki sem braut glös við nefið á
þeim eftir að hafa teygað úr þeim
síðasta sopann, né af þeim sem
migu utan í hús“.
Stefán segir lögregluna bregðast
við slíkum brotum þegar því verði
við komið. „Ég skal ekki taka fyrir
það að menn hafi, á leiðinni í önnur
verkefni, sleppt því að taka á slík-
um hlutum. Þegar mikið er um að
vera verða menn að forgangsraða
verkefnum. Við erum að taka
menn og konur um hverja einustu
helgi fyrir brot á lögreglusam-
þykkt.“
Fríða stakk upp á því í grein
sinni að því yrði sleppt að þrífa um
morguninn eftir næstu stórátök í
borginni svo fólk gæti séð um-
gengnina með eigin augum. Stefán
er efins um að það skili árangri.
„Það er ekki eins og þetta sé ein-
hver sér þjóðflokkur sem er að
skemmta sér þarna, þetta er sama
fólkið og kemur kannski helgina á
eftir með börnin sín til þess að fara
í Kolaportið eða niður að Tjörn.“
Vandamálið felst í agaleysi
Stefán segir vandamálið vera
margþætt og fyrst og fremt felast í
agaleysi, sem birtist í umgengn-
inni, en einnig í því að skemmti-
staðirnir tryggi ekki að menn taki
ekki glös og flöskur með sér út af
stöðunum. Hann nefnir einnig aga-
leysi sem tengist verslunarrekstri,
til dæmis á Lækjartorgi. „Þar eru
alls kyns sjoppur að selja mat án
þess að það séu skýrar skyldur á
herðum þeirra sem fyrir þeirri
starfsemi standa að sjá til þess að
það sé snyrtilegt í kringum þessa
staði.“
Stefán segir lausnina meðal ann-
ars felast í því að setja það með
skýrum hætti á herðar eigenda
skemmtistaðanna að það sé þrifa-
legt í kringum þeirra staði. „Það
þarf meiri þrif til viðbótar af hálfu
borgarinnar, það dugar ekki að
koma á morgnana með stórvirkar
vinnuvélar og þrífa. Það þarf fólk
til þess að ganga um og þrífa þetta
rusl og það þarf fleiri rusladalla.“
Stefán segir þessi mál hafa verið
rædd ýtarlega á fjölsóttum fundi
lögreglu, borgaryfirvalda og veit-
ingamanna í síðustu viku og vinna
sé þegar komin af stað til þess að
bæta úr þessum málum. „Það þarf
náttúrlega bætta umgengni, það er
undirrótin að þessu öllu saman.“
Björn Ingi Hrafnsson, formaður
borgarráðs, segir þrif í miðbænum
ganga ágætlega og sífellt sé verið
að auka við þau. Það dugi þó
skammt. „Við verðum náttúrlega
að höfða til þjóðarsálarinnar og
þeirra sem heimsækja miðbæinn
og fara fram á að það sé gengið
betur um.“
Hann minnir á að meðferð
áfengis utandyra sé bönnuð og
sömuleiðis ölvun á almannafæri og
lögreglan hafi heimildir til þess að
sekta fólk sem kastar rusli, brýtur
gler eða kastar af sér vatni á göt-
um borgarinnar. „Við leysum þetta
ekki með einföldum tilskipunum,
það verða allir að taka sig á.“
Segir sóðaskap og drykkju-
læti ekki látin óátalin
Í HNOTSKURN
»Í lögreglusamþykktReykjavíkur segir að öll-
um beri „að ganga vel um á al-
mannafæri, valda þar ekki
óþrifum og skemma þar ekki
hluti, sem ætlaðir eru til al-
menningsnota eða prýði“.
»Á sama stað er tekið framað enginn megi „fleygja
rusli á almannafæri, nema í
þar til gerð ílát“ og bannað sé
að „hafast nokkuð að, sem
veldur ónæði eða raskar næt-
urró manna“.
Verslunarmenn og íbúar
í miðbænum kvarta
margir yfir síversnandi
umgengni um helgar.
Lögregla og borgaryf-
irvöld biðla til almenn-
ings og veitingamanna að
sýna meiri ábyrgð.
Morgunblaðið/Fríða
Sóðaskapur Lögreglustjórinn á höfuðborgarsvæðinu segir brot á lögreglusamþykkt ekki látin óátalin, en það
þurfi að forgangsraða verkefnum. Mörgum ofbýður sóðaskapurinn og ólætin í miðborginni um helgar.
Björn Ingi
Hrafnsson
Stefán
Eiríksson
STEFNT er að því að fyrirkomulag
allrar meginstarfsemi á nýjum
Landspítala liggi fyrir í febrúar
2008. Skipuð hefur verið stýrinefnd
LSH til þess að
vinna með fram-
kvæmdanefnd
vegna byggingar
nýs spítala og er-
lendum hönnuð-
um að því að
ljúka frumáætlun
byggingarinnar.
Í erindisbréfi
til nefndarinnar
segir meðal ann-
ars að hún eigi að
koma fram fyrir hönd spítalans sem
notanda í þessari vinnu og byggja
meðal annars á því umfangsmikla
starfi sem unnið hefur verið af hálfu
starfsmanna LSH til þessa við und-
irbúning nýs Landspítala.
Í frétt frá Landspítalanum segir
að þetta lokaferli frumáætlunar um
nýja spítalann verði mjög tímafrekt
og flókið en stjórnendur LSH leggi
ríka áherslu á það að gangi greiðlega
og verði árangursríkt. Að beiðni
Magnúsar Péturssonar forstjóra tók
Jóhannes M. Gunnarsson, fram-
kvæmdastjóri lækninga, að sér að
gegna formennsku í stýrinefndinni
og hafa það að meginstarfi á starfs-
tíma nefndarinnar fram í febrúar.
Þrír annarra nefndarmanna verða í
þessu verkefni í hlutastarfi, þ.e. Að-
alsteinn Pálsson, framkvæmdastjóri
tækni og eigna, Friðbjörn Sigurðs-
son sérfræðilæknir og Gyða Bald-
ursdóttir hjúkrunarfræðingur. Aðrir
sem sæti eiga í stýrinefndinni eru
Kolbrún Gísladóttir hjúkrunarfræð-
ingur, Kristján Erlendsson, fram-
kvæmdastjóri kennslu, vísinda og
þróunar, Margrét I. Hallgrímsson,
sviðsstjóri hjúkrunar, kvennasviði,
Páll Helgi Möller yfirlæknir og
Steinunn Ingvarsdóttir hjúkrunar-
deildarstjóri.
Fjalla um
meginstarf-
semi á nýj-
um spítala
Jóhannes
Gunnarsson
LANDSVIRKJUN og Norðurál
hafa undirritað samkomulag um að
Landsvirkjun afhendi álverinu á
Grundartanga
rafmagn fram til
nóvember árið
2008. Afhending
orkunnar hófst
fyrr á árinu en
hún er notuð við
gangsetningu á
síðari áfanga
stækkunar ál-
versins. Norðurál
hefur samið við
Orkuveitu
Reykjavíkur um að veita raforku til
reksturs áfangans fram í nóvember
2008 eða þangað til að stækkuð
Hellisheiðarvirkjun hefur rekstur.
Þorsteinn Hilmarsson, upplýs-
ingafulltrúi Landsvirkjunar, segir
að aflið sem um ræði sé 75-80 MW
og orkan sé til í núverandi raf-
orkukerfi. Með hlýnandi loftslagi
fáist meira orka úr vatnsaflsvirkj-
unum og endurmat á vatnsrennsl-
inu sýni að 5-7% meiri orku megi fá
úr kerfinu nú en samkvæmt þeim
gögnum sem áður hefur verið mið-
að við. Jafnframt kaupi önnur raf-
orkufyrirtæki, s.s. Hitaveita Suð-
urnesja og Orkuveita Reykjavíkur,
minna af rafmagni frá Landsvirkj-
un og hafi heldur stækkað eigin
virkjanir.
Raforku-
kaup til
skamms
tíma
Orkan fer til álvers
á Grundartanga.
Eftir Guðna Einarsson
gudni@mbl.is
HAFÍSKORT sem byggist á
ENVISAT-gervitunglamyndum
frá dönsku fjarkönnunarmiðstöð-
inni sýnir talsvert mikinn borgarís
í Grænlandssundi. Eru m.a. tveir
stórir borgarísjakar um 45 sjómíl-
ur frá Horni.
Páli Bergþórssyni veðurfræðingi
þótti athyglisvert að sjá allan
þennan borgarís á Grænlands-
sundi á kortinu. Hann sagði að
undanfarið hefði verið þónokkuð
mikið um frekar hæga vestanátt á
hafinu milli Vestfjarða og Græn-
lands. Hún hefði fleytt köldum sjó
austur með Norðurlandi og eins
þessum borgarísjökum. „Nú eiga
þeir alveg frítt spil og enginn hafís
til að trufla þá. Þeir eru komnir
þarna út um allan sjó,“ sagði Páll.
Ingibjörg Jónsdóttir, dósent í
landfræði við Háskóla Íslands,
vinnur að rannsóknum á hafís við
Ísland og gerði fyrrnefnt kort.
Hún kvaðst vera farin að fá miklu
nákvæmari gervitunglamyndir en
áður og því sæjust borgarísjakar
nú sem eldri myndir sýndu ekki.
Því væri betur hægt að fylgjast
með borgarís og hafís. Ingibjörg
sagði myndirnar vissulega sýna
marga borgarísjaka á Grænlands-
sundi en ekki væri vitað hvort þeir
væru óvenjumargir miðað við árs-
tíma. Til þess skorti samanburð
við lengra tímabil. „Svona ná-
kvæmar myndir opna marga nýja
rannsóknarmöguleika og við erum
þegar byrjuð á slíkum verkefn-
um,“ sagði Ingibjörg. Hún sagði
gervitunglamyndirnar sýna að haf-
ís væri oft vanmetinn. Borgarís og
hafísjakar komi oft fram á gervi-
tunglamyndum, þótt ekki sé teikn-
aður ís á hafískort.
Kalt bræðsluvatn á yfirborði
Kaldi sjórinn sem teygir sig
austur með Norðurlandi er aðeins
kalt bræðsluvatn á yfirborði og
ekki óeðlilegt á þessum árstíma,
að sögn Héðins Valdimarssonar,
haffræðings hjá Hafrannsókna-
stofnun.
Hafrannsóknaskipið Bjarni Sæ-
mundsson hefur verið í rannsókna-
leiðangri fyrir norðan land og er
hlýrri sjór undir þessu kalda yf-
irborðslagi.
Borgarísjakar á
Grænlandssundi


 




 




  



  
  
  !"# $%
 &
'
(
&$)*
 
+$$,-./$# $   
0 * 1 0  *0  
 &

'(
&$)*








 

 


   
 
Rannsóknir á gervitunglamyndum
leiða í ljós að hafís er oft vanmetinn
♦♦♦