Morgunblaðið - 12.09.2007, Page 26

26 MIÐVIKUDAGUR 12. SEPTEMBER 2007 MORGUNBLAÐIÐ
UMRÆÐAN
MORGUNBLAÐIÐ hefur svo
sannarlega rekið af sér slyðruorðið
í umfjöllun um Grímseyjarferju-
málið með ítarlegri
og góðri úttekt síð-
astliðinn sunnudag.
Sama verður ekki
sagt um hina nýbök-
uðu ráðamenn Sam-
fylkingarinnar sem
með offorsi reyna nú
að eigna sjálfum sér
öll óhreinindi þessa
máls. Slíkt pólitískt
píslarvætti til dýrðar
hinum frelsandi
Sjálfstæðisflokki mun
einsdæmi og öllu
venjulegu fólki óskilj-
anlegt.
Morgunblaðið varpar ábyrgð
á ráðherra
Niðurstöður Morgunblaðsins í
Grímseyjarferjumálinu eru athygl-
isverðar og margra daga vinna
liggur að baki úttektinni. Það er
alveg ljóst að ráðist var í hana
löngu áður en mín gagnrýni barst
og ég get í þessu einstaka máli
dregið gagnrýni mína á blaðið til
baka. Í stuttu máli er niðurstaða
blaðamanns að þáttur bæði þáver-
andi samgönguráðherra og fjár-
málaráðherra í málinu er að
minnsta kosti óheppilegur og jafn-
vel utan hins pólitíska velsæmis.
Beitt er pólitískum þrýstingi til
þess að fá verkið unnið hjá skipa-
smiðum í Hafnarfirði þrátt fyrir að
það orki tvímælis að þeir séu
heppilegir eða jafnvel færir til
þess. Fleira mætti nefna af þeim
ávirðingum í garð fjármálaráð-
herra sem hljóta algera staðfest-
ingu í umfjöllun blaðsins.
Þó Grímseyingar séu vitaskuld
alls góðs maklegir þá er öll samn-
ingagerð samgönguráðherra við
Grímseyinga til þess fallin að
spenna kostnað takamarkalaust
upp. Þegar við bætist opinn og
heimildarlaus tékki fjármálaráð-
herra er í raun við því að búast að
kostnaður sem áætlaður er um eða
innan við 100 milljónir endi í hálf-
um milljarði. Grímseyjardómur
Morgunblaðsins er vandaður í hví-
vetna og hrópar á að fjár-
málaráðherra og fyrr-
verandi
samgönguráðherra axli
pólitíska ábyrgð.
Píslarvætti Sam-
fylkingarinnar
Píslarvætti Samfylk-
ingarinnar í málinu
kallar á eitthvað allt
annað og þá eink-
anlega að flokksmenn
þar lesi yfir ársgamla
ræðu formanns síns
þar sem hún skammaði
þá fyrir kjánaskap og
ábyrgðarleysi í stjórnmálum.
Þegar ferjumálið komst í hámæli
kaus núverandi samgönguráðherra
að drepa á dreif klúðri sjálfstæð-
ismanna með ómaklegum og
ósönnum ásökunum í garð Einars
Hermannssonar skipaverkfræðings
sem þó hefur unnið af heilindum
að málinu. Það er algerlega fá-
heyrt að stjórnmálamenn noti sér
pólitísk völd sín til þess að veitast
með slíkum orðum að starfsheiðri
manns og því síður forsvaranlegt
að ráðherra gefi undirstofnunum
sínum pólitísk fyrirmæli um að
ekki megi framar skipta við ráð-
gjafa sem reynst hefur landi og
þjóð vel með áratuga störfum sín-
um. Slíkt eru í reynd pólitískar of-
sóknir.
Sá sem hér skrifar hafði orð á
því á heimasíðu fyrir nokkrum
dögum að fágætt væri að vald gæti
á svo raunalega stuttum tíma spillt
eins og sæist á grátbroslegum
þætti Kristjáns L. Möller.
Það svíður kannski undan orðum
þessum og máske gat ég orðað
þetta af meiri nærgætni. Þau eru
þó ekkert á við þann skaða sem
Kristján hefur kosið að valda sak-
lausum verkfræðingi, starfsheiðri
hans og atvinnumöguleikum.
Morgunblaðið fullyrðir einfaldlega
í úttekt sinni að ráðherrann hljóti
að draga ummæli sín um Einar
fyrr eða síðar til baka.
Tuddi, ruddi og fíll
Um þátt Össurar Skarphéð-
inssonar hefi ég áður fjallað í
Morgunblaðinu en hann er hluti af
því píslarvætti sem fyrr er drepið
á. Með því leggja samfylking-
armenn sig í líma við að skaða
sjálfa sig og eigin flokk á máli sem
þeir hefðu hæglega getað leitt al-
gerlega hjá sér.
Þriðja og vonandi síðasta dæmið
um raunalegan þátt Samfylking-
arinnar í Grímseyjarferjumáli er
svo ritsmíð Róberts Marshall að-
stoðarsamgönguráðherra í Morg-
unblaðinu síðasta sunnudag. Sé
blaðamanninum fyrrverandi fró í
að kalla mig í senn naut, tudda,
rudda og fíl þá er honum það vel-
komið. Greinin ýtir nú heldur und-
ir getgátur sem komið hafa fram í
fjölmiðlum um að hin afleitu af-
skipti Kristjáns Möller af málinu
séu runnin undan rifjum Róberts
Marshalls. Við Róbert erum ósam-
mála um margt í þessu máli en ég
hefi nú samt haft á honum nokkurt
álit þó mér bregði við hversu orð-
ljótur hann getur verið.
Athyglisverðast er að aðstoð-
arráðherrann eyðir löngu máli í að
níða Framsóknarflokkinn niður
fyrir þá höfuðsynd að vera á miðj-
unni í stjórnmálum þar sem eng-
inn skyldi vera nema hinn spillti
og vondi. Hvað skyldi venjulegu og
hófstilltu samfylkingarfólki þykja
um þá palladóma?
Píslarvætti Samfylkingar-
innar og Grímseyjar-
dómur Morgunblaðsins
Bjarni Harðarson skrifar um
Grímseyjarferjumálið og að-
komu samfylkingarfólks að því
» Sé blaðamanninumfyrrverandi fró í að
kalla mig í senn naut,
tudda, rudda og fíl þá er
honum það velkomið.
Bjarni
Harðarson
Höfundur er þingmaður.
NÝLEGA voru samþykktar í
menntaráði Reykjavíkur verklags-
reglur um hvernig
skuli bregðast við of-
beldi, lögbrotum og
brotum á skóla-
reglum í grunn-
skólum borgarinnar.
Tilgangur verklags-
reglnanna er að
tryggja rétta með-
höndlun mála sem
varða nemendur með
hegðunar- og sam-
skiptavanda sem
stunda nám í grunn-
skólum sem reknir
eru af Reykjavík-
urborg. Að gerð
þeirra komu fulltrúar
Menntasviðs, skóla-
stjóra, þjónustu-
miðstöðvanna og
Barnaverndar
Reykjavíkur. Samráð
var haft við lögfræð-
inga og fulltrúa lög-
reglunnar. Allt er
þetta fólk sem hefur
langa reynslu af úr-
vinnslu erfiðra mála í
grunnskólunum.
Við hjá SAMFOK
(samband foreldra-
félaga og foreldraráða í grunn-
skólum Reykjavíkur) fögnum gerð
þessara verklagsreglna og teljum
að með þeim sé stigið stórt skref í
að skýra hvar ábyrgðin liggur
hverju sinni. Við teljum ennfremur
að verkferlarnir muni stuðla að því
að réttur barnanna og hagsmunir
séu ávallt hafðir að leiðarljósi.
Um þrenns konar verklags-
reglur er að ræða. Verklagsregla
um viðbrögð við hegðunar- og
samskiptavanda nemenda gildir
þegar nemandi á við
hegðunar- og sam-
skiptavanda að stríða
og fer ekki eftir skóla-
reglum viðkomandi
skóla. Í öðru lagi er
verklagsregla um við-
brögð við skólasóknar-
og ástundunarvanda
nemenda og í þriðja
lagi er verklagsregla
um viðbrögð við lög-
brotum og alvarlegum
brotum nemenda á
skólareglum.
Það er mikilvægt að
hafa alltaf í huga að
foreldrar bera ábyrgð
á uppeldi og menntun
barnsins og þurfa að
vinna með grunnskól-
anum að farsælu námi
barnsins. Kennari ber
ábyrgð á að hvetja
nemanda til að bæta
sig og vinna með for-
eldrum eða for-
ráðamönnum og öðr-
um aðilum að bættri
hegðun nemenda.
Skólastjóri ber ábyrgð
á að boða foreldra eða
forráðamenn til fundar og vinna að
úrlausn í samvinnu við nemanda,
foreldra eða forráðamenn, kennara
og ráðgjafa. Kennari og skólastjóri
bera ábyrgð á að skrá alla meðferð
málsins. Á Menntasviði er ráðgjafi
sem veitir ráðgjöf sé þess óskað.
Vegvísir og verk-
ferlar í grunnskól-
um Reykjavíkur
Bergþóra Valsdóttir
fjallar um nýjar verklags-
reglur í grunnskólum
Bergþóra Valsdóttir
» SAMFOKfagnar gerð
þessara verk-
lagsreglna og
telur að með
þeim sé stigið
stórt skref í að
skýra hvar
ábyrgðin liggur
hverju sinni.
ÞAÐ er ekkert smáverkefni að
breyta gangi sögunnar. Margir
hafa lagt til þeirrar atlögu en
færri náð að marka þar spor. Ma-
hatma Ghandi er einn risanna.
Aðrir hafa sett markið enn hærra
og sóst eftir heimsyfirráðum en
orðið að lúta í gras,
s.s. Napóleon og Hit-
ler. Sem stendur ligg-
ur heimurinn ekki að
fótum neins eða
neinna.
Nú ætlar Síminn
sér ekki aðeins að
marka spor í sögu-
slóðina heldur breyta
gangi hennar. Ná
endastöð tilverunnar,
spanna alheimssviðið,
ná himinhæðum og
hyldýpi helvítis. Í um-
deildri auglýsingu
Símans þessa dagana er vísað til
samskipta Krists og Júdasar, þar
sem látið er að því liggja að inn-
grip Símans í aftur-til-fortíðar geti
eða hefði getað afstýrt píslagöngu
Krists, en hann er sýndur, eilítið
hvumsa, sjá svik Júdasar í beinni
útsendingu. Breyting sögunnar
felst hér í því að með upplýsinga-
tæknina í höndum sér hefði Krist-
ur getað gripið fram fyrir hendur
Júdasi og hefði þ.a.l. ekki þurft að
deyja. Í leiðinni hefði hann bjargað
Júdasi frá honum sjálfum. Reynd-
ar er greint er frá því í guðspjöll-
unum að Kristur vissi af þessari
ætlan Júdasar, en hvorki höfundur
auglýsingarinnar né Síminn virðast
átta sig á því. Leyni-
vopn og um leið lausn-
arorð Símans eru G-in
þrjú, heilög þrenning
kristinnar trúar. Að
breyta þannig gangi
sögunnar er að yf-
irtaka þá stýringu eða
vald sem fyrir er.
Ætla má að Síminn
boði hér tilkomu yf-
irguðsins 3G. Meg-
inþráður kristninnar
er að eina von manns-
ins til eilífs lífs felst í
fórnardauða Krists.
Sérhver breyting á þeim gangi
sögunnar er breyting á eðli syndar
og dauða. Yfirguðinn 3G fær því
ekki breytt. Hér er því höggvið
bæði þétt og nærri rótum kristn-
innar, hvort heldur eiga í hlut kaþ-
ólskir eða mótmælendur.
Fyrir margt löngu hlýddi ég á
útvarpsleikritið Allah heitir hundr-
að nöfnum, sem gekk út á að upp-
lýsa skref fyrir skref heiti og inn-
tak allra hundrað nafna Allah.
Gekk það eftir nema það hundr-
aðasta, sem ekki var hægt að út-
skýra þar sem í því nafni fólst sjálf
lífsgátan. Ég bendi Símanum á að
arftaki 3G-símans geti verið þetta
hundraðasta nafn Allah. Fengist
þá endanleg lausn á gátunni miklu,
þ.e. hinn eini og sanni GSM – Guð-
legt Samband Milliliðalaust. Ligg-
ur beint við að næst verði tekið
fyrir þegar Múhameð fékk Kór-
aninn, í því tilviki milliliðalaust.
Arabaheimurinn mun eflaust telja
sig standa í mikilli þakkarskuld við
Símann fyrir viðvikið.
Að breyta gangi
sögunnar með 3G
Ómar Torfason skrifar um nýja
sjónvarpsauglýsingu Símans » Síminn auglýsir nýjatækni á kostnað
kristinnar trúar. Aug-
lýsingunni er beint gegn
grundvallarhugsun
kristninnar með skrum-
skælinguna að vopni.
Ómar Torfason
Höfundur er sjúkraþjálfari.
Á FUNDI menntaráðs hinn 19.
febrúar sl. var samþykkt tillaga
meirihluta menntaráðs, að efna til
umhverfisdaga í grunnskólum
borgarinnar þannig að tveir dagar
yrðu sérstaklega skilgreindir á
skóladagatali sem
grænir dagar. Ann-
ar dagurinn yrði að
hausti til, hinn 12.
september, tileink-
aður náttúrunni.
Skólarnir gætu t.d.
nýtt sér þá til
fræðslu um skóga,
mýrar, fjörur eða
umhverfismál al-
mennt. Seinni dag-
urinn yrði að vori
til og þá tengdur
nánasta umhverfinu
og afstöðu okkar til
þess, t.d. fegrun þess og hreinsun.
Í kjölfarið var starfshópur sett-
ur á laggirnar, en í honum eiga
sæti skólastjórar, fulltrúi frá
Náttúruskólanum, fulltrúi verk-
efnisins Lesið í skóginn, og auk
þess fulltrúar frá menntasviði,
framkvæmdasviði, þjónustu-
miðstöðvum og vinnuskólanum.
Starfshópurinn hefur nú lagt til að
í dag, hinn 12. september, muni
skólarnir leggja áherslu á það að
börn gangi í skólann þar sem því
verður við komið, og að foreldrar
fylgi yngstu nemendunum. Í fram-
haldi af slíkri viðleitni
gætu skólarnir síðan
gert kannanir um það
hve margir hefðu geng-
ið í skólann þennan dag,
mælt vegalengdir ein-
staka nemenda frá
heimili þeirra að skól-
anum, mælt tímann sem
gangan tók og hugað að
öryggi og heppilegum
gönguleiðum. Síðast en
ekki síst gæti slík við-
leitni vakið nemendur
og foreldra til umhugs-
unar og umræðu um gildi hreyf-
ingar í daglegu lífi og gildi þess
fyrir umhverfið að við förum ekki
alltaf allra okkar ferða utandyra á
bíl.
Þetta á einmitt vel við það meg-
inmarkmið umhverfisdaganna að
glæða skilning okkar á mikilvægi
umhverfis og ábyrgð okkar, hvers
og eins, gagnvart því.
Grænir dagar
í grunnskólum
borgarinnar
Nemendur eru hvattir til að
ganga í skólann í dag, segir
Marta Guðjónsdóttir
Marta Guðjónsdóttir
»Meginmarkmið um-hverfisdaganna er
að glæða skilning okkar
á mikilvægi umhverfis
og ábyrgð okkar, hvers
og eins gagnvart því.
Höfundur er varaborgar-
fulltrúi og fulltrúi Sjálfstæðis-
flokks í menntaráði.