Morgunblaðið - 09.11.2007, Side 4

4 FÖSTUDAGUR 9. NÓVEMBER 2007 MORGUNBLAÐIÐ
FRÉTTIR
markaðs- og sölumálum hverju sinni. Auk
Landsbankans voru Glitnir og Iceland Express
tilnefnd sem markaðsfyrirtæki ársins.
Í erindi Elísabetar B. Sveinsdóttur, formanns
ÍMARK, kom m.a. fram að Landsbankinn hefði
náð miklum og góðum árangri í sínum markaðs-
málum. Öll markmið hefðu náðst sem sett voru
eftir einkavæðingu bankans; að viðhalda mark-
aðshlutdeild, auka arðsemi og auka ánægju við-
LANDSBANKINN var í gær valinn Markaðs-
fyrirtæki ársins 2007 af ÍMARK, samtökum aug-
lýsenda, og Andri Már Ingólfsson, eigandi
Heimsferða, er Markaðsmaður ársins. Verð-
launin voru afhent af Ólafi Ragnari Grímssyni,
forseta Íslands, við athöfn á Hilton Reykjavík
Nordica hótelinu.
Þetta var í 17. sinn sem verðlaunin voru af-
hent þeim aðilum sem taldir eru standa fremst í
skiptavina bankans. Herferðir bankans á 120
ára afmælisári hefðu skilað góðum árangri.
Um Andra Má Ingólfsson sagði Ingólfur Guð-
mundsson, formaður dómnefndar, m.a. að hann
hefði með ráðdeild, dugnaði og útsjónarsemi
náð að byggja upp öflugt ferðaþjónustufyr-
irtæki með markaðsleiðandi stöðu á hörðum
samkeppnismarkaði á Norðurlöndunum og Ír-
landi.
Morgunblaðið/Ómar
Landsbankinn og Andri Már verðlaunaðir
ÍMARK-verðlaun afhent Frá vinstri: Elísabet Sveinsdóttir, Ólafur Ragnar Grímsson, Andri Már Ingólfsson, Hermann Jónasson frá Landsbankanum,
Bjarney Harðardóttir frá Glitni og Lee Roy Tipton frá Iceland Express. Verðlaunin voru afhent við athöfn á Hilton Reykjavík Nordica hótelinu í gær.
VIÐ erum að sjálfsögðu mjög ánægð
með þessa niðurstöðu og ástæða til
að óska íbúum vesturbæjar Kópa-
vogs til hamingju með þessi mála-
lok,“ sagði Arna Harðardóttir, for-
maður Samtaka um betri byggð á
Kársnesi.
Bæjarráð Kópavogs staðfesti í
gær ákvörðun skipulagsnefndar frá
6. nóvember sl. um að hafna tillögu
að breyttu skipulagi á hafnarsvæð-
inu, vestast á Kársnesi. Þessi
ákvörðun grundvallast á innsendum
athugasemdum en alls bárust at-
hugasemdir frá 1.674 einstaklingum
og samtökum, þar af 1.117 af Kárs-
nesinu sjálfu. Arna sagði niðurstöð-
una sýna að fólk geti haft áhrif með
því að senda inn athugasemdir. Hún
sagði þetta vera áfangasigur.
Ákvörðunin varði einungis skipulag
hafnarsvæðisins en einnig sé verið
að skipuleggja íbúðasvæði. „Við telj-
um að það þurfi að skoða þetta heild-
arskipulag og við komum til með að
taka þátt í hugmyndavinnu fyrir
svæðið ásamt Kópavogsbæ.“
Ákvörðun bæjarráðs Kópavogs
þýðir að önnur nálgun kemur á at-
vinnusvæðið á Kársnesi og er meiri-
hlutinn að vinna að því, að sögn
Gunnars I. Birgissonar bæjarstjóra í
Kópavogi. Hann sagði ljóst að fólkið
vildi ekki hafnsækna starfsemi.
Gunnar nefndi ýmsa létta atvinnu-
starfsemi og þjónustu sem hann taldi
að fólk myndi fremur sætta sig við.
Gunnar sagði að Kópavogshöfn
yrði þarna áfram en eftir væri að
ræða um framtíðarhlutverk hennar.
Hann sagði sínar hugmyndir m.a.
gera ráð fyrir að setja þarna veit-
ingahús fram í sjó. Hann sagði meiri-
hlutann vera að vinna í málinu og að
haft verði samráð við íbúasamtökin
við þá vinnu. Ljóst sé að fólk vilji
taka til á Kársnesi en það hafi m.a.
óttast aukinn umferðarþunga.
Hætt við stækkun á Kársnesi
Arna
Harðardóttir
Gunnar I.
Birgisson
RANNSÓKNANEFND flugslysa,
sem rannsakar flugatvikið á Aust-
urlandi þegar Fokkervél Flug-
félags Íslands varð að snúa við til
Egilsstaða eftir hreyfilbilun, beinir
sjónum sínum að jafnþrýstikerfi
vélarinnar ásamt olíukerfi. Vélin
var í 16 þúsund feta hæð þegar bil-
unin varð og urðu flugmenn að
lækka flugið niður í 10 þúsund fet,
eða sem samsvarar 2 þúsund metr-
um. Þorkell Ágústsson, stjórnandi
flugrannsóknarinnar, segir að
þetta hafi samt ekki falið í sér að
vélin hafi hrapað í hæð. Farþegar
voru búnir undir nauðlendingu og
sátu drykklanga stund í neyð-
arstellingu samkvæmt tilmælum
flugfreyju með höfuð milli fótanna
án þess að sjá út um glugga eða vita
hvort vélinni yrði nauðlent uppi á
reginöræfum í svartamyrkri. Flug-
mennirnir upplýstu síðan að vélinni
yrði lent á Egilsstaðaflugvelli sem
hún gerði nokkru síðar óhappa-
laust.
Vélin lækkaði
sig um 2.000
metra
SVANDÍS Svavarsdóttir, borg-
arfulltrúi Vinstri grænna og odd-
viti stýrihóps um málefni Orku-
veitu Reykjavíkur og REI, gerir
ekki athugasemd við þau orð Dags
B. Eggertssonar borgarstjóra að
stefnan sé sú að Orkuveitan verði
áfram í útrás og að alls ekki sé úti-
lokað af hálfu aðaleiganda fyr-
irtækisins að af frekara samstarfi
kunni að verða við Geysir Green
Energy. „Við í þessum borg-
arstjórnarmeirihluta erum sam-
mála um allar ákvarðanir þó að við
skrifum ekki hvert annars ræður
og nálgumst hlutina frá ólíkum
sjónarhóli,“ segir Svandís.
Ummælin lét Dagur falla á fundi
með starfsmönnum OR í gær en
haft er eftir honum á vefsíðu OR að
við skoðun á samrunasamningi REI
og Geysir Green Energy hafi ým-
islegt komið fram varðandi verð-
mat og þjónustusamninginn sem
leiddi til þess að réttast hefði þótt
að láta samrunann ganga til baka.
Nú væri stjórn Orkuveitunnar að
finna útrásinni nýjan grundvöll.
Svandís segir í tilefni ummæla
borgarstjóra að mönnum sé full-
ljóst að það þurfi að liggja fyrir
fyrr en síðar á hvaða vegferð menn
séu með þessi mál. „Það hefur eng-
inn, mér vitanlega, talað gegn
verkefnum Orkuveitunnar á er-
lendri grundu en ég hef verið
þeirrar skoðunar að það þyrfti að
marka þeim verkefnum skýrari
ramma heldur en hefur verið fyrir
hendi fram að þessu,“ sagði hún.
„Það hefur verið mitt hlutverk
að sitja á friðarstóli í þessu máli og
halda utan um sjónarmið allra
stjórnmálaflokka og beina þeim í
einn uppbyggilegan farveg sem
hefur ekki alltaf verið heiglum
hent. Ég hef sagt að með nið-
urstöðu borgarráðs í síðustu viku
vorum við ekki að útiloka neitt um
næstu skref en við erum jafnframt
þeirrar skoðunar að það verði ekk-
ert gert nema hagsmunir almenn-
ings séu tryggðir. Það er algerlega
á hreinu og það er það sem mis-
fórst í þessu samrunaferli og að-
draganda fundarins 3. október.“
Útrásinni
fundinn nýr
grundvöllur
Svandís
Svavarsdóttir
Dagur B.
Eggertsson
DRÖG að fjárhagsáætlun Reykja-
víkurborgar gera ráð fyrir að leik-
skólagjöld hækki um 2,5% 1. janúar
nk. og að kostnaður foreldra vegna
fæðis leikskólabarna hækki um 1.350
krónur. Meirihluti leikskólaráðs
samþykkti hins vegar á fundi ráðsins
á miðvikudag að leggja til við borg-
arráð að foreldrar verði ekki látnir
taka á sig fæðisgjaldshækkunina og
Sigrún Elsa Smáradóttir, formaður
leikskólaráðs, segir líklegt að á það
verði fallist. Þetta þýðir viðbótar-
kostnað fyrir borgarsjóð umfram
drög að fjárhagsáætlun sem nemur
91,4 milljónum króna.
Sigrún Elsa segir að fjárhagsáætl-
unin hafi verið undirbúin í tíð fyrri
meirihluta. Nýr meirihluti geti ekki
endurgert fjárhagsáætlun frá grunni
á þessum tímapunkti. Þá bendir hún
á að 2,5% hækkun leikskólagjalda
tengist verðlagsbreytingum en raun-
ar sé verðbólga mun meiri.
Flokkarnir sem standa að meiri-
hlutanum í Reykjavík hafa flestir
lýst yfir vilja til að gera leikskólann
gjaldfrjálsan og Sigrún Elsa segir að
það sé vissulega draumur manna, að
það geti orðið. Ekki sé hins vegar
raunhæft að ætla að sá meirihluti
sem nú sé tekinn við geti náð því
markmiði á þeim tveimur og hálfa
ári sem hann hafi til stefnu til næstu
kosninga. Fyrri meirihluti hafi tekið
skuldbindandi ákvarðanir sem nýr
meirihluti hljóti að taka mið af, menn
byrji ekki með hreint borð.
Hækkun á fæðisgjaldi sem drög
að fjárhagsáætlun gerðu ráð fyrir er
að hluta til tilkomin vegna hækkunar
á hráefniskostnaði samfara átaki í
gæðum, að því er Sigrún Elsa full-
yrðir en þó átti hlutur foreldra að
aukast um 500 krónur. Það verður þó
ekki verði tillögur meirihluta leik-
skólaráðs samþykktar, um að borg-
arsjóður taki 1.350 krónurnar á sig.
Leikskólagjöld
hækka um 2,5%
Borgin taki fæðisgjaldshækkun á sig
 

 
   


    

 !

"  
 #



    
  



 




 
  

#  $ %     
!"# #
$

 %  Námskeiðið Þú ert það
sem þú hugsar með
Guðjóni Bergmann verður
haldið í síðasta sinn fyrir jól
helgina 16. til 18. nóv.
Á því lærir þú raunverulegar
aðferðir til að ná betri stjórn
á eigin hugsunum, draga
úr streitu og víða, byggja
upp sjálfstraust, efla jákvætt
hugarfar og koma lífinu í
betra jafnvægi.
Námskeiðið verður haldið á
Grand hótel Reykjavík.
Kennt er föstudag frá 20:00
til 22:30, laugardag og
sunnudag frá 9:00 til 17:00.
Verð fyrir helgarnámskeiðið,
vinnubók og samnefnda bók
er aðeins 29.800 kr.
Skráning og nánari upplýs-
ingar í síma 690-1818 og á
www.gbergmann.is..
Lærðu að
byggja upp
sjálfstraust
og jákvæðni
með Guðjóni Bergmann