Morgunblaðið - 09.11.2007, Blaðsíða 24
Ég var upp á mitt besta þegar Bítl-arnir, Stones, Kinks og fleiri hljóm-sveitir voru á toppi ferils síns. Éghlakka því sannarlega til að rifja
upp þessi ár og þessa tónlist á Sviðamessunni,“
segir Björn Hafþór Guðmundsson sveitastjóri
á Djúpavogi sem ætlar að bregða sér í hlutverk
sögumanns á árlegri Sviðamessu sem haldin
verður á Hótel Framtíð á Djúpavogi á morgun.
„Eftir að fólk hefur fyllt maga sína af sviðum
sem ýmist verða í formi sviðahausa, sviðalappa
eða sem álegg á sviðapitsum, þá verður tónlist-
arsýning á vegum Tónleikafélags Djúpavogs
og þemað í ár verður erlend tónlist frá 1965-
1975. Þarna verða spiluð tóndæmi frá Cream,
The Who, The Doors, Bítlunum, Rolling Stones
og mörgum öðrum snillingum og ég ætla að
fræða fólk um þessar hljómsveitir, þennan frá-
bæra tíma og þá ódauðlegu tónlist sem þá
blómstraði. En ég má ekki ljóstra upp um allt
sem ég ætla að segja frá, ég þarf líka að reyna
að vera pínulítið skemmtilegur. Ég byrjaði
sjálfur að spila í hljómsveit þegar ég var innan
við tvítugt og dáðist að öllum þessum tónlistar-
hetjum.“
Veiðimennska og æðardúnn
Hafþóri finnst svið vera mikill herramanns-
matur en hann er líka þó nokkuð fyrir lifandi
sauðfé, sérstaklega hefur hann gaman að því að
elta það upp um fjöll og firnindi. „Ég veit fátt
skemmtilegra en smalamennsku og hef farið
nokkrum sinnum í haust, því sveitarfélagið
þarf að standa skil á sínu í þessum efnum.
Þetta er mjög erfitt land að smala, mikið um gil
og kjarr, þannig að við getum ekki smalað á
hestum heldur verðum að vera á tveimur jafn-
fljótum. Ég ætla líka að fara og skjóta rjúpu en
veiðimennska er eitt af mínum áhugamálum og
mér finnst gaman að veiða á stöng á sumrin.
Eins tíni ég æðardún á sumrin úti í eyju sem ég
á hlut í og dvel þar eins oft og ég get í júnímán-
uði,“ segir Hafþór sem er mikill náttúruunn-
andi en hann býr í Álftafirði rétt sunnan við
Djúpavog þar sem hann segir umhverfið vera
einstaklega fallegt. „Það er ekki svo gott að ég
sé með búskap en ég er mikið í músík og hef
komið mér upp mínum eigin upptökugræjum
og er að dunda við að semja tónlist og taka upp
í mínu heimastúdíói.“
Hafþór segir Sviðamessuna vera mikla
menningarveislu sem félagsskapur sem kallar
sig Vísnavini hafi staðið að framan af. „Þá voru
þjóðleg skemmtiatriði en eftir að Tónleikafélag
Djúpavogs tók við þessu þá er þetta blanda af
þjóðlegri hátíð og hrekkjavöku sem er siður frá
Vesturheimi. Þessi Sviðamessa er hrekkjavaka
okkar Djúpavogsbúa og margir mæta í bún-
ingum, nornir og fleiri forynjur sveima um og
veitt eru verðlaun fyrir besta búninginn. Þetta
er mikil hátíð og burtfluttir Djúpavogsbúar og
þeir sem eru í námi frá heimahögunum láta sig
ekki vanta.“
Aðdáandi sviða
Hafþór ætlar bæði
að borða svið og
stíga á svið á morg-
un á Sviðamessu þar
sem sviðalappir og
sviðakjammar verða
á borðum.
Hann nýtur þess að smala,
veiða, búa til tónlist og borða
svið. Kristín Heiða
Kristinsdóttir heyrði í
væntanlegum sögumanni á
Sviðamessu.
Svaka-
legt
fjör á
Sviða-
messu
Morgunblaðið/Andrés Skúlason
khk@mbl.is
daglegtlíf
Pálína litar ull
sína með
jurtalitum.
»27
vaxtarsprotar
Helgason með Niss-
an-auglýsingu þar
sem jeppi er utan-
vegar að böðlast yfir
læk í ósnortinni nátt-
úru.
Bílaumboðunum er
hér með óskað til
hamingju með að
leggja sín lóð á vog-
arskálarnar í barátt-
unni gegn ut-
anvegaakstri. Eða
þannig.
x x x
En hinn pirraðiVíkverji verður
samt að minnast á
Toyota Rav auglýsingu þar sem jepp-
inn er ekki sýndur utanvegar, heldur
á vegi! Hugsa sér. Það skyldi þó ekki
vera að Toyota menn átti sig á því að
rétti staðurinn fyrir bíla eru einmitt
vegir. Já, það er fyrir bíla sem vegir
landsins hafa verið lagðir. Víkverja
finnst að Brimborg og Ingvar Helga-
son ættu beinlínis að herma eftir
Toyota næst þegar gera á jeppaaug-
lýsingar.
x x x
Víkverji hefur á þessum vettvangistundum talað um Blóðbankann,
sinn eftirlætisbanka. Hingað til hefur
Víkverji einungis lagt inn á reikning-
inn, en vera kann að einhvern tíma
þurfi hann að taka út. Þeir eru ólíkir,
Gleðibankinn og Blóðbankinn. Í þeim
fyrrnefnda leggur maður víst ekkert
inn – tekur bara út. Reyndar er nú
Blóðbankinn í augum Víkverji hálf-
gerður Gleðibanki, það er svo gaman
að koma þangað. Og ekki er verra að
hann er í næsta húsi við Víkverja. Það
má gefa blóð fjórum sinnum á ári.
Hvað skyldi annars gerast ef Blóð-
bankinn yrði einkavæddur? Í Blood
Group hf. Auknar arðsemiskröfur
myndu e.t.v. valda því að maður ætti
að gefa blóð daglega. Og maður fengi
ekkert með kaffinu. Það yrði heldur
en ekki blóðugt.
Lifi Blóðbankinn.
Hvað á það aðþýða af hálfu
sumra bílaumboða að
ögra viti bornu fólki
með jeppaauglýs-
ingum þar sem ut-
anvegaakstur er bein-
línis gerður
eftirsóknarverður?
Fyrir nokkru var
Brimborg að auglýsa
Volvojeppa þar sem
sýnilega hafði verið
ekið út í viðkvæman
og ósnortinn moldar-
fláka. Jeppinn sjálfur
var drullugur upp á
þak og gaf þannig til
kynna að brosandi
konan undir stýri hafði verið í torfær-
um. Gott og vel, undangenginn tor-
færuakstur hefði getað verið á lögleg-
um vegslóða en þegar myndmálið er
skoðað í samhengi er svo greinilega
verið að mæra utanvegaakstur að
manni ofbýður.
Nokkru síðar kemur Ingvar
víkverji skrifar | vikverji@mbl.is
Þennan girnilega súkkulaðieftirrétt er að finna á veitingastaðnum Ser-
endipity-3 í New York-borg. Verðmiðinn er þó ekki við allra hæfi því að
Heimsmetabók Guiness hefur staðfest að hann sé dýrasti eftirréttur í
heimi. Verðmiðinn er líka litlir 25.000 dollarar eða 1,5 milljónir kr.
Reuters
Dýrasti desertinn
Wellington-nautasteik er góður
matur á veisluborðið segir
meistarakokkurinn Nanna
Rögnvaldardóttir. »26
matur
|föstudagur|9. 11. 2007| mbl.is
Gömlu góða lifrarpylsunni og blóðmör:
Til að halda heilsu yfir veturinn. Hollmetið
er að sjálfsögðu heimagert en Hafþór er
sjálfur lítt liðtækur í sláturgerðinni en
segist bæta það upp með verkgleði þegar
setja þarf niður kartöflur á vorin og taka
þær upp á haustin.
Lambakjöti: Helst matreitt af tengdasyn-
inum Alberti, en kokkurinn sem starfar á
Hótel Framtíð er líka einstaklega flinkur
með lambið.
Franska píanistanum Jacques Lous-
sier: Til að hlusta á þegar köldu vetr-
arkvöldin skella á. Hann sérhæfir sig í
tónlist eftir Bach og gerir það á frábæran
hátt.
Djúpavogi: Einn af áhugaverðustu stöð-
um til að heimsækja á Íslandi. Til dæmis
er frábært að skreppa út í Papey.
Hafþór mælir með: