Morgunblaðið - 09.11.2007, Blaðsíða 23

MORGUNBLAÐIÐ FÖSTUDAGUR 9. NÓVEMBER 2007 23
AUSTURLAND
LANDIÐ
Hellisheiði | Skipulags- og bygg-
inganefnd Hveragerðisbæjar leggst
alfarið gegn fyrirhugaðri Bitruvirkj-
un sem Orkuveita Reykjavíkur
hyggst koma upp á Hengilssvæðinu.
Virkjanasvæðið er í nágrenni Hvera-
gerðis en telst til Ölfuss og Gríms-
nes- og Grafningshrepps.
Skipulags- og byggingarnefnd
Hveragerðis fundaði um frummats-
skýrslu framkvæmdaaðila til að
veita umsögn um áformin. Ástæðan
fyrir því að nefndin leggst gegn
virkjuninni er að hún er sammála um
að framkvæmdin muni hafa veruleg
skaðleg áhrif á möguleika Hvera-
gerðis og nágrennis sem íbúðar- og
ferðamannasvæðis. Nefndin nefnir
nokkur atriði máli sínu til stuðnings
og nefnir önnur sem þurfti að rann-
saka betur. Telur nefndin að svæðið
sé eitt mikilvægasta óspillta útivist-
arsvæðið á Íslandi, meðal annars
vegna fjölbreytileika og nálægðar
við þéttbýlasta svæði landsins.
Framkvæmir muni draga úr fram-
tíðarmöguleikum þess. Sagt er að yf-
irborðslagnir muni þvera reiðleið á
svæðinu og nefndin telur að fram-
kvæmdir muni draga verulega úr
gæðum göngu- og reiðleiða. Varað er
við áhrifum framkvæmda á neyslu-
vatn Hvergerðinga og loftgæði íbúa
bæjarins.
Skipulagsnefnd Hvera-
gerðis á móti Bitruvirkjun
Eftir Atla Vigfússon
Reykjahverfi | „Við höfum mjög
gaman af kindunum,“ segir Þráinn
Ómar Sigtryggsson, bóndi sem
ásamt fjölskyldu sinni býr á Litlu-
Reykjum í Reykjahverfi. Einn
hrútur þeirra, Sproti að nafni,
mældist með einn þykkasta bak-
vöðvann á svæðinu nú í haust.
Litlu-Reykjabúið hefur lengi
verið með afurðasamt fé og var
með yfir 30 kg kjöts á hverja
skýrslufærða kind á síðasta ári.
Sproti sem er veturgamall vakti
strax athygli í fyrrahaust sem
lamb fyrir sérstaklega góða vöðva-
byggingu, en mældist svo með 48
mm bakvöðva í ómsjárskoðun nú í
haust sem er óvenjumikill vöðvi.
Til samanburðar skal geta þess að
meðalbakvöðvi á veturgömlum
hrútum er um 34 mm.
Ómsjá á 14 þúsund lömb
Samkvæmt upplýsingum hjá
ráðgjafaþjónustunni voru skoðuð
rúmlega 14 þúsund lömb í Þingeyj-
arsýslum nú í haust með ómsjá
sem auðveldar bændum mjög
ræktunarstarfið. Þetta er mikið
verk en er að skila miklu í mark-
aðsstarfi afurðastöðvanna sem lýs-
ir sér í mjög jöfnum gæðum fram-
leiðsluvörunnar. Fimmtán ár eru
síðan ómsjárskoðanir hófust í hér-
aðinu og á árunum 1997-1998 voru
nær allir bændur farnir að nýta
sér þessa þjónustu búnaðarsam-
bandanna.
Faðir Sprota er Moli frá Hjarð-
arfelli í Dölum en sæðingastöðv-
arnar gefa bændum mikla mögu-
leika í kynbótastarfinu. Almennar
hrútasýningar eru ekki haldnar í
Suður-Þingeyjarsýslu vegna riðu-
veikivarna og ekki má selja hrúta
á milli bæja í sumum sveitum. Og
þó að engin riða finnist takmarkar
hún hrútaval samkvæmt tuttugu
ára reglu sem í gildi er um flutn-
ing búfjár á milli bæja.
Nú er Sproti kominn á gjöf eins
og aðrir hrútar og Þráinn Ómar
segir að senn hefjist rúningur eins
og venja er á þessum árstíma.
Sproti með einn
þykkasta bakvöðvann
Morgunblaðið/Atli Vigfússon
Metfé Þráinn Ómar Sigtryggsson, bóndi á Litlu-Reykjum, er ánægður
með nýja kynbótahrútinn, Sprota, í fjárhúsunum.
Glæsilegur kyn-
bótahrútur vekur
athygli bænda
Í HNOTSKURN
»SauðfjársæðingastöðNorðurlands hóf starfsemi
sína 1964 í litlum bragga á
Rangárvöllum fyrir ofan Ak-
ureyri. Fyrsta haustið voru
keyptir 5 hrútar, allir ættaðir
úr Þistilfirði.
»Tímamót urðu í rekstristöðvarinnar 1985 þegar
tekið var á leigu húsnæði á
Möðruvöllum. Starfaði stöðin
út árið 2002. Í dag eru ein-
ungis tvær sauðfjársæð-
ingastöðvar á landinu, þ.e. í
Borgarnesi og í Þorleifskoti
við Selfoss.
Ísafjörður | „Vestfirðir á teikni-
borðinu“ er yfirskrift vetrarþings
sem Framtíðarlandið efnir til í Ed-
inborgarhúsinu á Ísafirði á morg-
un, laugardag, á milli kl. 9 og 17.
Sest verður á rökstóla um stöðu ný-
sköpunar á Vestfjörðum.
Framtíðarlandið mun leiða sam-
an sérfræðinga á sviði nýsköpunar
og fremstu eldhuga vestfirsks at-
vinnulífs, að því er fram kemur í
fréttatilkynningu frá Framtíð-
arlandinu.
Fyrri hluta dags verða flutt
framsöguerindi undir yfirskriftinni
„Nýsköpun í verki“. Þar verður
meðal annars rætt um frum-
kvöðlaverkefni og ímynd svæðisins.
„Auðlind sérstöðunnar“ er yf-
irskrift eftirmiðdagspallborðs með
þátttöku fimm einstaklinga.
Þingið er öllum opið en óskað er
eftir að þátttakendur tilkynni komu
sína á vef Framtíðarlandsins.
Vestfirðir á
teikniborðinu
Eftir Steinunni Ásmundsdóttur
steinunn@mbl.is
UM 250 nemar eru nú í fjarháskóla-
námi á Austurlandi og fjölgar þeim
sem sækja í slíkt nám jafnt og þétt,
þó námsframboð hafi ekki aukist til
muna. Flestir eru í fjarnámi frá
Kennaraháskóla Íslands og Háskól-
anum á Akureyri, en einnig er nokk-
ur fjöldi í fjarnámi frá Bifröst og Há-
skólanum í Reykjavík og færri við
aðrar stofnanir. Í fyrra voru 198 í
fjarháskólanámi.
Góð aðstaða er til fjarnáms á Eg-
ilsstöðum, í Neskaupstað og á Höfn
og fræðasetur á viðkomandi stöðum
njóta góðs af návistinni og hafa tæki-
færi til að kenna t.d. suður til höf-
uðborgarsvæðis gegnum fjarfunda-
búnað og í staðbundnu námi.
Efling tækni- og verknáms
Auk þess sem unnið er með hug-
mynd að netháskóla vinnur Þekking-
arnet Austurlands (ÞNA) með þekk-
ingarsetrum og sveitarfélögum á
Austurlandi að þróun hugmyndar
um staðbundið háskólanám, byggt á
austfirskri sérstöðu og sérfræði-
þekkingu.
Þá eru á byrjunarstigi hugmyndir
sem varða samstarf Fjarðabyggðar,
Verkmenntaskóla Austurlands og
Háskólans í Reykjavík um mögu-
leika á því að efla tækni- og verknám
í sveitarfélaginu og hugsanlega að
opna námsver á Reyðarfirði í
tengslum við slíkt. ÞNA kæmi að
slíku með námsveri og þjónustu.
Mikil uppbygging hefur verið á
námsmöguleikum á Höfn og þar er
t.a.m. í farvatninu hugmynd um
staðbundið háskólanám í tengslum
við þjóðgarðafræði, umhverfis-
menntun, sumarháskóla, námskeið
fyrir bændur o.fl.
Stefanía G. Kristinsdóttir, fram-
kvæmdastjóri Þekkingarnets Aust-
urlands, segir að Austfirðingar þurfi
að vera ófeimnir við að búa til náms-
brautir og margt sé að sækja á Aust-
urland. Hún tekur skógfræði og
rannsóknir þeim tengdar sem dæmi,
umhverfismenntun og félagsvísinda-
nám. Hún segir dreifbýlið bæði kost
og rannsóknarefni. Hugsa mætti sér
að fólk úr strjálbýli t.d. frá Austur-
Evrópu eða Kanada kæmi til að sjá
hvernig Austurland er rekið. Hvern-
ig Samband sveitarfélaga virkar,
Heilbrigðisstofnun Austurlands,
Svæðisskrifstofa málefna fatlaðra,
sveitarfélögin, Þekkingarnetið, Þró-
unarfélagið og fleiri stofnanir eru
reknar. Búa mætti til „best practice
center“ á Austurlandi um stjórn-
sýslu, stjórnmál, rekstur og sam-
starf og gæti fullt eins virkað og
heimsóknir erlendra aðila til Reykja-
víkurborgar.
Ófeimnir að búa
til námsbrautir
Morgunblaðið/Steinunn Ásmundsdóttir
Kátir Einhverjir þessara ungu Eg-
ilsstaðabúa fara líklega í háskóla.
NÚ á haustdögum var slátrað um 1.100 hreindýrum úr
hjörð Stefáns Hrafns Magnússonar sem býr með hrein-
dýr í Isortoq á Grænlandi. Þar hefur Stefán reist full-
komið sláturhús með Evrópuviðurkenningu. Hreindýr-
unum var smalað saman nú í október úr
sumarhögunum á þyrlu inn í sláturhagana, sem eru af-
girtir. Þaðan eru dýrin rekin eftir hendinni, oft 200 til
300 inn í réttina. Þar eru tarfarnir eru teknir úr, snar-
aðir með lassó, heftir, markaðir og síðan dregnir út úr
réttinni og þeim sleppt, vegna þess að ekki er hægt
lóga törfum þetta seint vegna brundbragðs sem kemur
í tarfana á fengitímanum. Síðan eru lífdýrin, ungar kýr
og efnilegar kvígur, teknar úr til ásetnings og sleppt,
en restinni svo lógað.
Morgunblaðið/Sigurður Aðalsteinsson
Tarfarnir snaraðir og merktir
ÍBÚAR í Langanesbyggð ætla að ganga frá Bakka-
firði til Þórshafnar á morgun til að vekja athygli á að
einn samborgari þeirra, Wioleta Kuczynska, þarfnast
stuðnings í baráttu sinni við illvígt krabbamein. Lagt
verður upp kl. 10 og endað við íþróttahúsið á Þórs-
höfn, þar sem kvenfélagið mun bjóða upp á heitt kakó
og meðlæti fyrir þreytta göngugarpa.
„Eins og við íbúar í Langanesbyggð vitum er Wio-
leta Kuczynska mikið veik og barátta hennar við
krabbamein heldur áfram. Staða Wioletu og fjöl-
skyldu hennar er mjög erfið þar sem dýrt er að dvelja
fjarri heimabyggð og standa straum af öllum kostnaði
sem fylgir meðferð sem þessari. Hún á ekki rétt á
framfærslu frá Tryggingastofnun eða öðrum bóta-
sjóðum eins og um íslenskan ríkisborgara væri að
ræða og hlaðast því reikningarnir upp. Þrátt fyrir
einstakan velvilja íbúa Langanesbyggðar í fyrri söfn-
unum er enn brýn þörf á áframhaldandi stuðningi
ykkar,“ segir á vef Langanesbyggðar. Sjá nánar á
www.bakkafjordur.is.
Gengið í þágu Wioletu
Íbúar í Langanesbyggð hlúa að krabbameinssjúkri konu
SENDUM Í PÓSTKRÖFU
www.simnet.is/heilsuhorn
Spektro
Multivítamín, steinefnablanda
ásamt spirulinu, Lecthini,
Aloe vera o.fl. fæðubótarefnum
Ein með öllu
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Maður Lifandi Hæðarsmára 6,
Lyfja, heilsuvörudeild, Selfossi,
Yggdrasil Skólavörðustíg 16 og Fjarðarkaupum,
Lyfjaval Hæðasmára og Þönglabakka,
Krónan Mosfellsbæ
Nóatún Hafnarfirði