Morgunblaðið - 11.12.2007, Qupperneq 48

48 ÞRIÐJUDAGUR 11. DESEMBER 2007 MORGUNBLAÐIÐ
/ ÁLFABAKKA
SÝND Í ÁLFABAKKA
600 kr.
Miðaverð
SÝND Í ÁLFABAKKA, KRINGLUNNI, AKUREYRI, KEFLAVÍK OG SELFOSSI
JÓLAMYNDIN Í ÁR
WWW.SAMBIO.ISVERSLAÐU MIÐA Á NETINU Á
ATH. SÝND MEÐ ÍSLENSKU OG ENSKU TALI
BEE MOVIE m/ensku tali kl. 6 - 8 - 10:10 LEYFÐ
BÝFLUGUMYNDIN m/ísl. tali kl. 6D LEYFÐ DIGITAL
DUGGHOLUFÓLKIÐ kl. 6 - 8 LEYFÐ
BEOWULF kl. 83D - 10:303D B.i.12.ára 3D-DIGITAL
SYDNEY WHITE kl. 5:50 - 8 - 10:10 LEYFÐ
AMERICAN GANGSTER kl. 8:30 B.i.16.ára
AMERICAN GANGSTER kl. 5:30 - 8:30 LÚXUS VIP
30 DAYS OF NIGHT kl. 10:30 B.i.16.ára
ÍÞRÓTTAHETJAN m/ísl. tali kl. 6 LEYFÐ
SÝND Í ÁLFABAKKA, AKUREYRI OG SELFOSSI
eeee
KVIKMYNDIR.IS
S Í LF B
ÚR BÝFLUGNABÚINU
Í BULLANDI VANDRÆÐI
Eftir Ingveldi Geirsdóttur
ingveldur@mbl.is
LJÓTASTA gata Reykjavíkurborgar er hún
oft nefnd. Hverfisgatan hefur ekki notið mik-
illar virðingar meðal höfuðborgarbúa undan-
farin ár og kannski ekki að undra þar sem við-
haldi hennar er ábótavant. Hún er hið
gleymda barn borgarinnar.
Hverfisgatan nær frá Hlemmi og niður á
Lækjargötu og er samsíða Laugaveginum, á
fyrri hluta síðustu aldar var hún ein af fjöl-
mennustu götum borgarinnar. Gatan tilheyrir
Skuggahverfinu og ber það hverfisheiti með
rentu í dag því nokkuð skuggalegt er þar um
að litast. Höfuðborgarbúar virðast hafa sterk-
ar skoðanir á þessu gleymda barni og flestar
þeirra eru neikvæðar, öllum finnst gatan vera
að drabbast niður og segja þeir hana vera
„slömm“ borgarinnar. Sárindin leyna sér ekki,
gatan á ekki þessa meðferð skilið, allir telja
hana eiga stóran hlut af slæmri ímynd mið-
bæjarins. Ein kona sagðist hvergi í heiminum
vera eins hrædd að ganga ein í rökkri og á
Hverfisgötunni, veigraði sér jafnvel við að
borða á Austur-Indíafélaginu og fara í bíó í
Regnboganum vegna staðsetningarinnar. Þó
að ímynd götunnar sé neikvæð eru margir
bjartsýnir á framtíð hennar og segja hennar
tíma munu koma. Margir segja hana eiga
framtíð fyrir sér sem næstu listaelítugötu
borgarinnar, þangað muni unga fólkið flykkj-
ast með galleríin og búðirnar þegar fram líði
stundir. Sérstaklega fékk sú umræða byr und-
ir báða vængi í seinustu viku þegar Listahá-
skóli Íslands og Samson Properties ehf. undir-
rituðu samning um nýtt húsnæði fyrir skólann
á svokölluðum Frakkastígsreit við Laugaveg
með möguleika á stækkun norðan Hverfis-
götu.
Engin jólaljós
Þegar Hverfisgatan er farin eru skilin á
gatnamótum hennar og Klapparstígs áber-
andi, fyrir neðan Klapparstíginn er gatan hin
snyrtilegasta með Þjóðmenningarhúsinu, Al-
þjóðahúsi, Gráa kettinum, Danska sendiráðinu
og Max Mara-versluninni svo eitthvað sé
nefnt. En því meira sem Lækjargatan fjar-
lægist verður gatan subbulegri og nær há-
marki er nær dregur Hlemmi. Veggjakrot er
sérstaklega áberandi, brotnar rúður, hlerar
fyrir gluggum og lóðir sem er illa við haldið.
Húsin eru orðin mjög hrörleg en inni á milli
má finna gamla gullmola sem hefur verið vel
við haldið.
„Eignirnar eru komnar í hendur fárra aðila
sem hugsa ekkert um umhverfið og halda
engu við enda búa þeir ekki á staðnum. Maður
labbar fram hjá sömu brotnu rúðunni í mörg
ár,“ segir Sigurður Þór Sigurðsson, eigandi
mynddiska- og spóluverslunarinnar 2001. Sig-
urður hefur rekið 2001 í fimmtán ár, var fyrst
á Frakkastígnum en flutti sig á Hverfisgötuna
fyrir átta árum.
„Ég man nú ekki til þess að borgin hafi gert
neitt sérstakt fyrir Hverfisgötuna, þeir líta
bara á hana sem umferðaræð ekki sem hluta
af miðbænum, ekki fær hún jólaljós eins og
Laugavegurinn og Skólavörðustígurinn. Það
leyfa allir svæðinu að drabbast niður.“
Magnús Örn Óskarsson hefur verið með
Reiðhjólaþjónustuna Borgarhjól á Hverfisgöt-
unni síðan 1985. „Ég er ekkert stoltur af
Hverfisgötunni, hún er alltaf subbuleg og mér
finnst hún hafa verið það lengi, það er ekki
verið að gera hana að sóma í miðbænum. Mér
finnst ekki vera að færast líf í verslunarum-
hverfið, það þrífst ekkert hérna, nema eitt-
hvað alveg sérstakt, í lengri tíma,“ segir
Magnús sem hefur enga trú á því að fólk eigi
eftir að sækja í Hverfisgötuna með gallerí eða
annan verslunarrekstur í framtíðinni. „Ég er
ekki bjartsýnn fyrir hönd Hverfisgötunnar.“
„Ég hef verið hér í slömminu í sex ár, þetta
er eflaust ljótasta gatan í miðbænum en það
væri hægt að gera margt fyrir hana,“ segir
Birta Björnsdóttir fatahönnuður í Júníform.
„Gatan hefur gleymst og ég verð farin héðan á
næsta ári.“
Þó að þeir rótgrónu á Hverfisgötunni séu
nokkuð svartsýnir opnaði Edda Heiðrún
Backman nýlega búðina Súkkulaði og rósir á
Hverfisgötu 52. Hún hefur trú á götunni og
segir að með búðinni sé hún að leggja sitt af
mörkum til að koma lífi á svæðið.
Fyrir neðan Hverfisgötuna á sér stað mikil
uppbygging – hinar svokölluðu Skuggahverf-
isblokkir og fyrir ofan trónir aðalverslunaræð
miðborgarinnar, það er vonandi að gatan fái
uppreisn æru þegar fram líða stundir hvort
sem hún verður lögð súkkulaði og rósum eða
bara haldið eðlilega við svo sómi sé að.
Hryggðarmynd Hverfisgötunnar
Morgunblaðið/Frikki
Hverfisgatan Er að margra mati ósómi miðbæjarins og segja verslunarmenn við götuna borgaryfirvöld ekki hafa áhuga á að bæta hana.
Morgunblaðið/Golli
Óánægður Sigurður Þór Sigurðsson í 2001.
Morgunblaðið/Golli
Skuggalegt Birtu fatahönnuði í Júníform finnst Hverfisgatan hafa gleymst.