Morgunblaðið - 19.01.2008, Page 4

4 LAUGARDAGUR 19. JANÚAR 2008 MORGUNBLAÐIÐ
FRÉTTIR
Eftir Andra Karl
andri@mbl.is
„ER EKKI hægt að koma þessu
pakki út?“ spurði einn af sex sak-
borningum í Fáskrúðsfjarðarmálinu
svonefnda, áður en það var þingfest
í Héraðsdómi Reykjavíkur í gær-
morgun og átti þar við ljósmyndara
og myndatökumenn fjölmiðla. Sak-
borningar reyndu sem mest þeir
gátu að hylja andlitið en ágangur
fjölmiðla kom þeim greinilega í
opna skjöldu. Við þingfestinguna
játuðu allir að hafa átt þátt að mál-
inu en gerðir voru fyrirvarar við
magn þeirra fíkniefna sem ákært er
fyrir. Af þeim sökum var farið fram
á endurvigtun sem dómari málsins
samþykkti.
Í Fáskrúðsfjarðarmálinu er
ákært fyrir tilraun til innflutnings
23,5 kílóa af amfetamíni, 14 kílóa af
MDMA (e-töfludufti) og 1.747
e-taflna til landsins með skútu 20.
september sl.
Mótmæltu magni fíkniefnanna
Fimm af sex sakborningum hafa
setið í gæsluvarðhaldi frá því málið
kom upp og urðu með þeim lág-
stemmdir fagnaðarfundir þegar
þeir loks hittust í réttarsalnum.
Gleðin var þó skammvinn og alvar-
an tók við þegar héraðsdómarinn
Guðjón St. Marteinsson tók til við
að spyrja um afstöðu þeirra til
ákærunnar. Samkvæmt henni átti
stærstan þátt Einar Jökull Einars-
son og játaði hann skýlaust þeim
hluta sem að honum lýtur, þ.e.
skipulagningu innflutningsins,
skiptingu verkefna og afhendingu
þeirra til meðákærðu í Danmörku.
Einar Jökull mótmælti hins vegar
því magni fíkniefna sem tilgreint er
í ákærunni.
Slíkt hið sama gerði Bjarni
Hrafnkelsson sem, líkt og aðrir, ját-
aði sinn þátt í málinu; að hafa búið
efnin til fararinnar í ágúst á sl. ári.
„Ég stóð ekki að þessum innflutn-
ingi, pakkaði aðeins efnunum,“
áréttaði Bjarni við dómara og tók
fram að Einar hefði beðið hann um
viðvikið. Hann sagði ákvörðun sína
hafa verið tekna í skyndi en bar
annars við minnisleysi þegar hann
var frekar spurður.
Alvar Óskarsson og Guðbjarni
Traustason játuðu að hafa tekið við
efnunum í Danmörku og siglt skút-
unni til landsins. Marinó Einar
Árnason játaði þá að hafa tekið á
móti efnunum á Fáskrúðsfirði og
Arnar Gústafsson að hafa ætlað að
fela efnin á sumarbústaðarlóð for-
eldra sinna í Rangárvallasýslu. Arn-
ar tók þó fram að Einar Jökull hefði
aðeins beðið sig um að geyma
pakka og hann hefði ekki vitað
hvert innihald hans var.
Þar sem um játningarmál er að
ræða er ekki reiknað með öðru en
að aðalmeðferð taki aðeins einn
dag. Hún fer fram 31. janúar nk.
Fóru fram á endur-
vigtun fíkniefnanna
Árvakur/Golli
Huldir Sakborningar í Fáskrúðsfjarðarmálinu svonefnda reyndu hvað þeir
gátu til að hylja andlitið fyrir fjölmiðlamönnum í héraðsdómi í gær.
Skýlausar játn-
ingar fengust í
Fáskrúðsfjarðar-
málinu svonefnda
Eftir Sunnu Ósk Logadóttur
sunna@mbl.is
LJÓST er að gæðaöryggi er ábóta-
vant í íslenska grunnskólakerfinu.
Fáeinir grunnskólar skera sig al-
gjörlega úr að því leyti að árangur
nemenda er hvað eftir annað langt
undir meðaltali á samræmdum próf-
um. Allir nema einn eru þessir skólar
á landsbyggðinni. Þrátt fyrir eftirlits-
skyldu menntamálaráðuneytis sam-
kvæmt lögum er ekkert ferli fyrir
hendi sem grípur inn í þegar ástæða
er til. Því má halda fram að gæði
skóla séu misjöfn, a.m.k. ef litið er til
hlutfalls réttindakennara og því
hugsanlegt að nemendur fái misgóða
þjónustu.
Þetta er meðal helstu niðurstaðna
stjórnsýsluúttektar Ríkisendurskoð-
unar á Jöfnunarsjóði sveitarfélaga og
grunnskólanum. Ríkisendurskoðun
telur nauðsynlegt að mennta-
málaráðuneytið setji skýr markmið
með grunnskóla og viðmið um árang-
ur. Þá bendir stofnunin á að engin
tengsl séu á milli gæðaeftirlits ráðu-
neytisins og framlaga Jöfnunarsjóðs
og sjóðnum því ekki beitt til að ýta
undir og aðstoða skóla við að uppfylla
gæðakröfur. Telur Ríkisendurskoðun
að Jöfnunarsjóður sveitarfélaga geti
nýst á ýmsan hátt til að styrkja það
ferli. Skoða þurfi hvort sjóðurinn ætti
að veita framlög sem taki mið af
þyngd skólasvæða eða úrbótum í
gæðamálum.
Einnig bendir Ríkisendurskoðun á
að söfnun upplýsinga um kostnað
sveitarfélaga vegna grunnskóla sé
fjarri því að vera nógu góð og mik-
ilvægt að hún verði samræmd.
Samkvæmt skýrslunni er mikill
munur, allt að sexfaldur, á kostnaði
við rekstur grunnskólans eftir sveit-
arfélögum. Helgast það helst af stærð
skólanna og íbúafjölda í viðkomandi
sveitarfélagi. Árið 2004 vörðu sveit-
arfélögin frá 27%-69% útgjalda til
grunnskólans.
Framlög til grunnskóla eru há hér
á landi miðað við nágrannalöndin án
þess að árangur íslenskra nemenda
sé í fremstu röð (sbr. PISA-
könnunina). Það „misræmi“, segir í
skýrslu Ríkisendurskoðunar, virðist
eiga rætur að rekja til þess að fé sem
varið er til skólamála hér á landi nýt-
ist illa til að auka námsárangur.
Á árinu 2004 var hlutfall rétt-
indakennara minna en 50% í 13 skól-
um á landinu. Allir eru skólarnir á
landsbyggðinni. Meðal þessara skóla
eru þeir sem sýnt hafa hvað lakasta
niðurstöðu á samræmdum prófum á
síðustu árum en einnig skólar sem
sýna ágæta útkomu.
Menntun ekki fullnægjandi
Í skýrslunni eru skólar með 350
nemendum sérstaklega bornir sam-
an. Almennt reyndust framlög til
skóla á landsbyggðinni lægri en til
sambærilegra skóla á höfuðborg-
arsvæðinu. „Eftir stendur svo augljós
munur milli svæðanna að ekki er
hægt að fullyrða að grunnskólabörn
sitji við sama borð alls staðar á land-
inu,“ segir í skýrslunni. Þá séu vís-
bendingar um að sums staðar sé ekki
veitt fullnægjandi menntun.
Í niðurstöðum skýrslu Ríkisend-
urskoðunar segir að ekki sé sjálfgefið
að hægt sé að bæta árangur nemenda
með því að auka frekar framlög til
skólamála. Hins vegar séu fræði-
menn sammála um að aðstæður nem-
endanna hafi veruleg áhrif, ekki síst
menntun foreldra.
Að mati Ríkisendurskoðunar má
jafna byrði sveitarfélaga af rekstri
grunnskóla enn meir með einfaldari
reglum en nú eru notaðar án aukins
tilkostnaðar. Skýrsluhöfundar velta
því m.a. fyrir sér hvers vegna sveit-
arfélög sem búa við hagstætt um-
hverfi fái framlög á meðan ekki hefur
verið jafnaður betur aðstöðumunur
fámennari og dýrari skóla. „Spyrja
má hvort ekki megi ná betri árangri
með því að deila markvissar úr pott-
inum til jöfnunar,“ segir í skýrslunni.
Nokkrir skólar
ítrekað undir meðaltali
Ekki er hægt að fullyrða að öll skólabörn sitji við sama borð
Í HNOTSKURN
»Árið 2004 var fámennastiskóli landsins með þrjá nem-
endur en sá fjölmennasti með
815.
»Það ár voru fámennir skólarþar sem samkennsla var
nauðsynleg 36% allra skóla
landsins.
»Nemendafjöldi á hvert stöðu-gildi var allt frá 1,5 upp í tíu.
Nám Fé til reksturs grunnskóla er
misskipt eftir landshlutum.
Árvakur/Golli
LÖGFRÆÐINGAR Saga Capital
Fjárfestingarbanka hf., hafa ákveðið
að áfrýja dómi Héraðsdóms Reykja-
víkur frá því í gær til Hæstaréttar,
samkvæmt upplýsingum Þorvaldar
L. Sigurjónssonar, forstjóra Saga
Capital.
Héraðsdómur hafnaði kröfu Saga
Capital fjárfestingarbanka, um að
bankinn verði skráður eigandi allra
hluta í fjárfestingarfyrirtækinu Insol-
idum ehf. og að bankanum verði feng-
in umráð hlutaskrár fyrirtækisins.
Málsatvik voru þau að Insolidum
ehf. keypti stofnfjárbréf í SPRON að
nafnverði 47,5 milljónir á genginu
11,797232. Kaupverðið nam því
560.368.521 krónu. Saga Capital hafði
milligöngu um viðskiptin og lánaði In-
solidum 582 milljónir króna til kaup-
anna.
Til tryggingar skuldinni voru, auk
verðbréfa í eigu Insolidum, settir að
veði allir hlutir eigendanna Daggar
Pálsdóttur og Páls Ágústs Ólafssonar
í fyrirtækinu.
Síðla hausts lækkaði gengi hluta-
bréfa á íslenskum verðbréfamarkaði
mikið og leiddu lækkanirnar til þess
að Insolidum „uppfyllti ekki lengur
skilyrði lánssamningsins um 150%
tryggingaþekju gagnvart lánsfjár-
hæð og um að eigið fé næmi 150% af
lánsfjárhæð,“ segir í dómnum. Saga
Capital tilkynnti um gjaldfellingu
skuldarinnar og skoraði á Insolidum
að greiða kröfuna eða leggja fram
fullnægjandi tryggingar innan
tveggja sólarhringa. Tryggingaþekja
Insoldium mun þá hafa numið 108%
m.v. lánsfjárhæð og eigið fé þess inn-
an við 16% af lánsfjárhæð.
Eigendur Insolidum urðu ekki við
kröfum Saga Capital, sem krafðist þá
beinnar aðfarar hjá þeim og gerði
kröfu til að hlutaskrá Insolidum yrði
breytt og Saga Capital skráður eig-
andi allra hluta í fyrirtækinu.
Í niðurstöðu sinni segir héraðs-
dómur að beinni aðfarargerð verði
ekki beitt í öðru skyni en til að ná um-
ráðum yfir einhverju frá gerðarþola
(Insolidum) eða skyldu til að veita að-
gang að tilteknum hlut eða fasteign.
Öðrum athafnaskyldum, sem kveðið
sé á um í ákvæðum 11. kafla aðfar-
arlaga, þ.e. skyldu gerðarþola til að
gefa út eða rita undir skjal eða til að
standa á annan hátt að löggerningi og
skyldu til að láta eitthvað ógert, verði
því ekki fullnægt með beinni aðfar-
argerð. Samkvæmt því verði skyldu
til breytingar á hlutaskrá, þannig að
gerðarbeiðandi (Saga Capital) verði
skráður eigandi allra hluta, ekki full-
nægt með beinni aðför. Kröfu bank-
ans var því hafnað.
Þorgerður Erlendsdóttir héraðs-
dómari kvað upp dóminn.
Kröfumáli Saga
Capital áfrýjað
Héraðsdómur Reykjavíkur hafnaði kröfum
Saga Capital á hendur Insolidum ehf.
Í HNOTSKURN
»Eftir gengislækkun hluta-bréfa í haust fór Saga Capital
fram á auknar tryggingar vegna
skuldar Insolidum ehf.
»Eigendur Insolidum ehf.urðu ekki við kröfunum og
krafðist Saga Capital þá beinnar
aðfarar hjá fyrirtækinu.
ÁRIÐ 2007 var í fyrsta
sinn selt meira af ein-
hverri annarri kjötteg-
und en kindakjöti á Ís-
landi sé miðað við
kílóafjölda. Meira seld-
ist af alifuglakjöti en
framleiðsla á því jókst
um 14,2% miðað við ár-
ið 2006.
Bráðabirgðatölur um
framleiðslu og sölu bú-
vara fyrir árið 2007 liggja nú fyrir og
ber þar hæst að alifuglakjöt og
kindakjöt hafa haft sætaskipti á list-
anum yfir mest selda kjötið á ís-
lenskum matvörumark-
aði. Sala á öllu kjöti
jókst um rétt rúmlega
6,3% og nam 26.864 kg.
Framleiðsla mjólkur
var 124.849.835 lítrar
sem er það mesta sem
skráð hefur verið á einu
ári hingað til. Þegar lit-
ið er á breytingar í ein-
stökum vöruflokkum
milli ára dróst sala á
drykkjarmjólk lítillega saman, um
0,55%, og skyri um 11,69%.
Sala á viðbiti jókst hins vegar um
6,73 og ostum um 5,66%.
Meira selt af alifugli en
kindakjöti í fyrsta skipti
Lystugt Sala á alifuglakjöti
hefur aldrei verið meiri.
Girnileg nýjung með 2 í pakka.
Fæst í næstu verslun.
Meistara-flokkssúpur
Masterklass
      
Nýjung