Morgunblaðið - 26.01.2008, Blaðsíða 18

18 LAUGARDAGUR 26. JANÚAR 2008 MORGUNBLAÐIÐ
ERLENT
GIORGIO Napolitano, forseti Ítalíu,
hóf í gær fimm daga samráðsfundi
með leiðtogum stjórnmálaflokk-
anna um hvort boða ætti til kosn-
inga eða mynda bráðabirgðastjórn
eftir að Romano Prodi forsætisráð-
herra sagði af sér.
Forystumenn ítalskra hægri-
manna, þeirra á meðal Silvio Ber-
lusconi, fyrrverandi forsætisráð-
herra, kröfðust þess að boðað yrði
til þingkosninga þegar í stað. Þrjár
nýlegar skoðanakannanir benda til
þess að hægriflokkarnir séu með
rúmlega tíu prósentustiga forskot á
vinstri- og miðflokkana.
Margir stjórnmálaskýrendur
telja þó ólíklegt að Napolitano boði
til kosninga áður en kosningalög-
gjöfinni verði
breytt til að
draga úr vægi
smáflokka og
auðvelda stóru
flokkunum að
mynda sterkar
ríkisstjórnir.
Napolitano hóf
samráðið með
því að ræða við
Franco Marini,
forseta öldungadeildar þingsins, og
Fausto Bertinotti, forseta neðri
deildarinnar. Marini er á meðal
þeirra sem taldir eru koma til
greina í stól forsætisráðherra
ákveði forsetinn að mynda bráða-
birgðastjórn.
Forseti Ítalíu ræðir hvort
mynda eigi bráðabirgðastjórn
Giorgio
Napolitano
NÝ skoðanakönnun bendir til þess
að Barack Obama sé sigurstrang-
legastur í forkosningum demókrata
í Suður-Karólínu í dag. Obama er
með 39% fylgi í ríkinu og Hillary
Clinton 24% ef marka má könnun-
ina. John Edwards, sem sigraði í
forkosningum demókrata í Suður-
Karólínu fyrir fjórum árum, er nú í
þriðja sæti, með 19% fylgi, sam-
kvæmt könnuninni.
Um 50% kjósenda demókrata í
Suður-Karolínu eru blökkumenn og
stuðningurinn við Barack Obama
stórjókst í ríkinu eftir sigur hans í
Iowa 3. janúar.
Obama spáð sigri í forkosn-
ingum í Suður-Karólínu
Í sókn Barack Obama á kosninga-
fundi í Suður-Karólínu.
Reuters
KONUR í Mexíkóborg hafa orðið
fyrir svo mikilli áreitni karlmanna í
strætisvögnum borgarinnar að yf-
irvöld hafa ákveðið að bjóða upp á
vagna sem aðeins verða ætlaðir
konum. Ákvörðunin hefur vakið
mikla ánægju meðal kvenna en
reiði meðal karlmanna sem þurfa
að bíða nokkrum mínútum lengur
eftir strætisvagni. Áður höfðu
borgaryfirvöldin komið upp sér-
stökum jarðlestavögnum fyrir kon-
ur til að þær gætu forðast ágenga
karlmenn. Boðið hefur verið upp á
sérstaka strætis- eða jarðlesta-
vagna fyrir konur á Indlandi, í
Brasilíu, Japan og fleiri löndum.
Strætisvagnar
fyrir konur
AP
Enga áreitni Kvennavagn í Mexíkó.
RÆNINGJAR á bifhjóli réðust á
konu, drógu upp sveðju og skáru af
henni sítt hár, sem hún hafði safnað
í tvo áratugi, að sögn lögreglunnar
í borginni Aracaju í norðaust-
anverðri Brasilíu.
Lögreglumaður í borginni sagði
að konan hefði verið á leið í kirkju
þegar ræningjarnir réðust á hana.
Konan hefði ekki látið klippa hárið
í 20 ár og það hefði verið um það bil
150 sentímetra sítt. Hann taldi að
ræningjarnir hygðust selja hárið
sem yrði síðan notað í hárkollu.
Hann sagði að svo sítt hár myndi
kosta sem svarar 35.000 krónum.
Rændu hári
STJÓRNVÖLD í
Zimbabve til-
kynntu í gær að
þing- og forseta-
kosningar yrðu
haldnar í land-
inu 29. mars.
Robert Mugabe
forseti, sem er
83 ára og hefur
stjórnað landinu
frá því að það fékk sjálfstæði árið
1980, ætlar að sækjast eftir endur-
kjöri.
Stærsti stjórnarandstöðuflokkur
landsins hefur hótað að taka ekki
þátt í kosningunum ef Mugabe og
flokkur hans reyna að hafa rangt
við.
Samkvæmt opinberum hagtöl-
um er verðbólgan í Zimbabve nær
8.000% en hagfræðingar telja að
hún sé í raun u.þ.b. 50.000%.
Atvinnuleysið er um 80%.
Kosið í mars
í Zimbabve
Robert Mugabe
ÖFLUG bílsprengja varð hátt-
settum rannsóknarlögreglumanni
og þremur öðrum að bana í Beirút í
Líbanon í gær, tugir að auki særð-
ust. Lögreglumaðurinn vann m.a.
að rannsókn á mörgum sprengju-
tilræðum gegn andstæðingum Sýr-
lendinga síðustu árin í Líbanon.
Sprengjutilræði
HJÓNASKILNUÐUM fjölgaði í 1,4 milljónir í Kína á síðasta ári, eða um
18,2% frá árinu áður. Kínverska fréttastofan Xinhua hafði eftir embættis-
mönnum að nýjar reglur, sem auðvelda fólki að fá skilnað, hefðu stuðlað að
fjölgun hjónaskilnaða. Aukið vinnuálag er einnig talið hafa stuðlað að þess-
ari þróun. Xu Anqi, fræðimaður við félagsvísindaháskóla í Sjanghæ, sagði
að Kínverjar væru auk þess ólíklegri en áður til að sætta sig við hjóna-
bandsvandamál á borð við framhjáhald.
Um 9,5 milljónir para gengu í hjónaband í Kína á síðasta ári, um 11,8%
fleiri en árið áður.
Skilnuðum fjölgar í Kína
STUTT
Eftir Kristján Jónsson
kjon@mbl.is
EGYPTUM virðist vera að mistakast
að stöðva ferðir Gaza-búa yfir landa-
mærin til að ná þar í ýmsar nauðsynj-
ar. Stóðu óeirðalögreglumenn að lok-
um aðgerðalausir hjá í gær þegar
herskáir liðsmenn Hamas-samtak-
anna óku stórri, gulri jarðýtu á
landamæramúrinn við borgina Rafah
og rufu með því enn eitt gatið á hann.
Lögreglumennirnir yfirgáfu að lok-
um staðinn enda rauf fólkið stöðugt
ný göt á múrinn. Áður hafði lögreglan
beitt rafbyssum og háþrýstivatnsdæl-
um til að reyna að stöðva fólkið og
fluttar voru gaddavírsrúllur og öflug-
ar keðjur að landamærunum. Byssu-
skot heyrðust og mun egypskur
landamæravörður hafa særst lítillega.
Tilkynnt var loks með gjallarhornum
að landamærunum yrði endanlega
lokað þegar liði á kvöldið í gær.
Geysilegur skortur er á flestum
brýnum nauðsynjum á Gaza vegna
þess að Ísraelar banna aðdrætti
vegna flugskeytaárása herskárra Pal-
estínumanna frá Gaza á Ísrael. Talið
er að um 700 þúsund manns eða nær
helmingur Gaza-búa hafi nú nýtt sér
tækifærið eftir að múrinn var fyrst
rofinn á miðvikudag og farið yfir til
Egyptalands til að birgja sig upp af
mat, eldsneyti og fleiri nauðsynjum.
Hamas-menn segjast styðja við-
leitni Egypta til að halda uppi lögum
og reglu á landamærunum. Þeir segja
einnig að þegar múrinn var rofinn á
miðvikudag hafi verið um að ræða
„sjálfsprottna“ aðgerð, yfirvöld hafi
ekki haft þar hönd í bagga. „Stjórn
okkar átti ekki hlut að máli, þetta
voru aðgerðir fólksins,“ sagði Taher
al-Nunu, talsmaður ríkisstjórnar Ha-
mas á Gaza. Stjórn Hamas nýtur
hvergi alþjóðlegrar viðurkenningar,
ríki heims viðurkenna aðeins stjórn
Mahmouds Abbas Palestínuforseta
sem ræður yfir Vesturbakkanum.
Ísraelar segja mikla hættu á að
herskáir Palestínumenn noti tæki-
færið til að smygla vopnum frá
Egyptalandi inn á Gaza en herská öfl
hafa oft grafið jarðgöng undir landa-
mærin í þessu skyni. Ísraelar segja
fjölda hryðjuverkamanna hafa yfir-
gefið Gaza síðustu daga og að mark-
mið þeirra sé að komast til Ísraels til
að stunda þar hryðjuverk.
Reuters
Mótmæli Jórdanir fordæma Ísrael í
gær og halda á mynd af Saddam
Hussein, fyrrv. Íraksforseta.
Gengur illa að loka
landamærunum
Enn brjótast Palestínumenn í gegnum múr við landamæra-
borgina Rafah og ná í nauðsynjavöru í Egyptalandi
KÍNVERSKAR stúlkur taka hér þátt í klappstýru-
keppni í Peking í tengslum við Ólympíuleikana sem
haldnir verða í borginni síðar á árinu. Klappstýruhóp-
ar frá öllum héruðum Kína tóku þátt í keppninni í von
um að fá tækifæri til að sýna listir sínar á leikunum
sem verða í Peking í ágúst.
AP
Klappstýrur keppa í Peking
Sérlega vönduð dönsk timbureiningahús
byggð og hönnuð fyrir íslenskar
aðstæður.
Einingarnar eru samsettar í verksmiðju í
Danmörku fluttar hingað heim og svo eru
h ú s i n r e i s t a f í s l e n s k u m
byggingameistara.
Allt byggingarlag húsanna er eins og best
verður á kosið m.a er lerki í utanhús-
klæðningunni sem þykir sérlega
endingargott. Gluggar eru úr mahogany
harðviði og gólfplötur steyptar með
hitaspíral. Einangrun er meiri en
gengur og gerist en 8” er í
útveggjum og 9” í þaki (Steinull)
Hægt er að fá húsin allt frá óuppsettum einingum, eða á einhverju því byggingarstigi sem þér hentar best. Sjá má
margar skemmtilegar útfærslur á heimasíðu Hiin-Husin www.hiin.eu en að auki bjóða Hiin-Husin upp á aðstoð við
hönnun á þínu draumahúsi. Hiin-Husin hafa þegar reist 2 sýningarhús í skipulögðu sumarhúsahverfi úr landi
Leirubakka í Landsveit—við Rangá skammt frá Heklu
Hiin-Husin:
Uppl. Í síma 899-5466 og rgt@hiin.eu