Morgunblaðið - 26.01.2008, Blaðsíða 28
28 LAUGARDAGUR 26. JANÚAR 2008 MORGUNBLAÐIÐ
E
ftir atburðarás und-
anfarinna daga hefur
varla farið framhjá
neinum að nýr meiri-
hluti F-listans og
Sjálfstæðisflokks er tekinn við í
Reykjavík. Ólafur F. Magnússon
fékk lyklavöld á fimmtudag og
varð fimmti borgarstjórinn á jafn-
mörgum árum.
Allt var dottið í dúnalogn í Ráð-
húsinu á föstudag eftir hávær mót-
mæli daginn áður. Nýi borg-
arstjórinn tekur innilega í höndina
á blaðamanni og vísar honum inn á
skrifstofu sína. Ólafur er hagvanur
þar, enda oft fundað þar sem odd-
viti F-listans í fráfarandi meiri-
hluta. Fyrir það hafði hann sjaldan
komið þar inn og aldrei á meðan
Vilhjálmur Þ. Vilhjálmsson var
borgarstjóri. „Það sýnir hvað leiðir
hafði skilið rækilega,“ segir hann.
„Endilega spurðu!“ bætir hann
svo við einbeittur á meðan hann
stillir sér upp fyrir ljósmyndara:
„Ég er nefnilega ólíkur sumum
læknaprófessorum. Ég get bæði
talað og staðið í einu!“
Mér var misboðið
Kannski er annasamasti dag-
urinn í starfi borgarstjóra sá
fyrsti. Heimsóknirnar eru ófáar
inn á skrifstofuna meðan á viðtal-
inu stendur og reglulega heyrist
stefið úr Já ráðherra. Þannig eru
hringitónarnir í farsímanum hans
Ólafs. Fjölmiðlamenn eru á línunni
að spyrja út í kaupin á húsunum
við Laugaveg og einn hringir
gagngert til að lýsa yfir stuðningi
við hann vegna óvæginnar umræðu
í fjölmiðlum.
„Ég byrjaði daginn á því að
kveðja Dag [B. Eggertsson] sem
borgarstjóra ásamt öðru starfsfólki
Ráðhússins. Frá þeim tíma hef ég
varla vikið frá skrifstofunni vegna
erinda, fyrirspurna og viðtala. Ég
hef gefið mér tíma til að tala við
blaðamenn, sem ég hef alls ekki
getað gert frá því á þriðjudag
vegna anna.“
– Hvernig leið þér undir hróp-
unum í gær [á fimmtudag]?
„Ég held að þetta hafi ekki vald-
ið mér eins miklum óþægindum og
ætla mætti vegna þess að mér var
misboðið eins og fjölmörgum sjón-
varpsáhorfendum vafalítið líka og
öllum sem mættu í friðsamlegum
tilgangi og höfðu ekki eins hátt og
mótmælendurnir, sem og starfs-
fólki borgarinnar.“
– Heilsa þín hefur verið mikið til
umræðu síðustu daga – finnst þér
að þér vegið?
„Fimmtán ára sonur minn sagði
tvennt við mig í gær. Hann sagði:
„Pabbi, ég er stoltur af þér.“ Og
svo nefndi hann jafnaldra sína á
fyrsta ári í framhaldsskóla sem var
hópum saman gefið frí í skólanum
til að mæta í Ráðhúsið. Ekki endi-
lega af pólitískum ástæðum, heldur
af því að það er gaman að fá frí í
skólanum og mæta á pallana til að
hrópa og baula á stjórnmálamenn.
Það var miður að fráfarandi
meirihluti ýtti undir þetta með því
að breyta röðun ræðumanna á
fundinum. Oddvitar fráfarandi
meirihluta báðu um orðið áður en
ég var kjörinn og flutti mína inn-
setningarræðu. Auðvitað hefði ver-
ið eðlilegra að þeir kæmu á eftir.
En þeir gerðu þetta til að koma í
veg fyrir að ég fengi að byrja eðli-
lega sem borgarstjóri.
Mér finnst vont að kjör borg-
arstjóra geti ekki farið fram með
eðlilegum hætti, hann fái ekki að
flytja sína innsetningarræðu strax
í upphafi. Ég trúi því og treysti að
svona ofbeldi gegn lýðræðinu verði
ekki beitt aftur. Það var vísvitandi
verið að skemma fundinn, ekki
bara mótmæla. Þegar farið er
svona langt yfir strikið, þá finnur
maður að fólki er misboðið. Ég hef
fengið mjög mörg skilaboð og
skeyti, og það sýnir að margir hafa
tekið okkar málstað. Hér sé of
langt gengið í persónulegri aðför
og truflun á fundarsköpum. Það er
allt annað mál að ég virði rétt
fólks til að mótmæla, en það er
líka réttur kjörinna fulltrúa að fá
að tjá sig á fundum óáreittir.“
– Geturðu sagt mér frá veik-
indum þínum?
„Ég hef litið svo á að persónu-
legt líf og heilsufar mitt væru
einkamál,“ segir Ólafur, lítur yfir
tjörnina og velur hvert orð gaum-
gæfilega. „Ég þekki engin önnur
dæmi um stjórnmálamann sem
hefur nánast verið lagður í einelti
vegna veikinda. Ég lenti í miklu
mótlæti og veikindum á síðastliðnu
ári og var frá vinnu um skeið. En
hef nú um nokkurra mánaða tíma
sinnt störfum á ný. Ég hef verið
niðurdreginn og leitað mér hjálpar
við því. En ég vænti þess að ég og
fjölskylda mín þurfum ekki að
finna meir fyrir þeim rætnu árás-
um, lygum og fordómum sem við
höfum setið undir. Ég held að á
undanförnum dögum hafi allt í
senn gerst, að vegið hefur verið að
Læknar og stjórnmálamenn
þurfa að vera mannlegir
Árvakur/Árni Sæberg
Fyrsti dagur Ólafs F.
Magnússonar í emb-
ætti borgarstjóra var á
föstudag. Það gekk
mikið á þegar hann tók
við embætti borg-
arstjóra á fimmtudag,
efnt var til mótmæla á
pöllum Ráðhússins af
ungliðahreyfingum frá-
farandi meirihluta og
varð að gera hlé á fund-
inum áður en að inn-
setningarræðu hans
kom. Pétur Blöndal
ræðir við Ólaf um póli-
tíkina, mótmælin, rógs-
herferðina, veikindin
og fjölskylduna.
Borgarstjórinn Ólafur F. Magnússon segir samstarf fyrri meirihluta hafa strandað á því að áherslumálum F-listans hafi ekki verið haldið nægilega á lofti í fjarveru sinni.
»Mér finnst vont aðkjör borgarstjóra
geti ekki farið fram með
eðlilegum hætti, hann
fái ekki að flytja sína
innsetningarræðu strax
í upphafi. Ég trúi því og
treysti að svona ofbeldi
gegn lýðræðinu verði
ekki beitt aftur.