Morgunblaðið - 26.01.2008, Blaðsíða 29
MORGUNBLAÐIÐ LAUGARDAGUR 26. JANÚAR 2008 29
opið í dag 11–16
lokað sunnudag
MIRALE
Síðumúla 33
108 Reykjavík
sími: 517 1020
www.mirale.is
Opið
mánud.–föstud. 11–18
laugardag 11–16
afsláttur
15–70% húsgögn
gjafavara
ljós
heiðri mínum sem einstaklings,
læknis og stjórnmálamanns. Að-
standendum mínum hefur ekki
verið hlíft í þessari aðför. Þeim
finnst illskan í þessu máli keyra
um þverbak og ótrúleg ósannindi
borin á borð fyrir fólk. Mér finnst
tími til kominn að ég njóti skiln-
ings og fordómaleysis vegna veik-
inda minna. Læknar og stjórn-
málamenn þurfa að vera
mannlegir. Aðalatriðið er að ég
sinni störfum mínum af alúð og
heilindum og láti hagsmuni al-
mennings ganga fyrir mínum eig-
in.“
Gerðist of snöggt
– Stendur yfir rógsherferð gegn
þér?
„Ég hef orðið var við hugmynda-
flug og illkvittni sem ég hélt að
væri ekki til hjá fólki. Ég set
spurningamerki við mannlegar til-
finningar slíks fólks og starfs-
heiður þeirra fjölmiðlamanna sem
lengst hafa gengið í aðförinni gegn
mér. Ég hefði ekki tekið við borg-
arstjórastarfinu nema í þeirri trú
að ég gæti staðið mig vel og komið
fram stefnumálum mínum og hug-
sjónum. Enda hef ég miklu að
tapa, því ég lít ekki sjálfur framhjá
þeirri staðreynd, að ég hef náð
miklum árangri í stjórnmálum á
átján ára ferli. Mér er annt um
mannorð mitt og ljóst að ég gæti
skemmt það ef væntingar and-
stæðinga minna rættust.“
– Hvað var það sem gerði út-
slagið um að síðasti meirihluti
sprakk?
„Sú staðreynd að F-listinn var
ekki að ná fram sínum stefnu-
málum eða áhrifum í ráðum og
nefndum með viðunandi hætti.
Hluti skýringarinnar er einnig sá
að áður en ég kom aftur til starfa
sem oddviti var ekki haldið á þess-
um málum af nægilegri festu enda
tengsl staðgengils míns í oddvita-
hlutverkinu önnur en mín við gras-
rótina í F-listanum. Afstaðan í
flugvallarmálinu hefur ekki verið
jafnskýr hjá Margréti [Sverr-
isdóttur] eins og mér, sem hefur
komið fram í atkvæðagreiðslu í
borgarstjórn. Miðað við hvernig
Margrét talar um mig í nýlegu
opnuviðtali í Morgunblaðinu, hefur
komið fram trúnaðarbrestur á milli
okkar. Okkur Margréti hefur einn-
ig greint á um það hverjir geti
starfað með F-listanum. Undir
minni forystu er fólk velkomið til
starfa fyrir F-listann, hvort sem
það er í Frjálslynda flokknum, Ís-
landshreyfingunni eða telst til
óháðra. Nefndakjör á borg-
arstjórnarfundi í gær ber skýran
vott um það. Allir sem sitja nú í
nefndum og ráðum fyrir hönd F-
listans styðja oddvitann og nær
allir sem tóku sæti á listanum fyrir
síðustu borgarstjórnarkosningar
gera það.“
– Hefðirðu ekki þurft að tala við
Margréti fyrr?
„Í ljósi þess sem gerðist hefði
það vissulega verið æskilegt, en
aðstæður leyfðu það ekki vegna
þess hve hröð atburðarásin var.
Margréti var hinsvegar fullkunn-
ugt um að þreifingar af hálfu Sjálf-
stæðisflokksins höfðu átt sér stað
við oddvita fyrrverandi meirihluta,
ef undan er skilin Samfylkingin.“
– Hvaða málefni vógu þyngst?
„Í málefnaskrá nýs meirihluta
náum við fram öllum helstu
áherslum F-listans, sérstaklega í
samgöngu- og skipulagsmálum, en
þó einkum í flugvallarmálinu. Ég
hefði vart getað trúað því fyrr að
við næðum svo langt sem raun ber
vitni.
Ég hef áður rakið það að
áhersluatriðum F-listans var ekki
haldið nægilega vel á lofti í fjar-
veru minni. Og að áhrif okkar í
nefndum og ráðum voru of lítil.
Fráfarandi meirihluti var mynd-
aður um almannahagsmuni í orku-
málum, mál sem ég hef lengi bar-
ist fyrir og ber fyrir brjósti. Mér
virðist sem þverpólitísk sátt sé að
nást í málefnum Orkuveitu
Reykjavíkur og eignarhald al-
mennings á fyrirtækinu og orku-
lindum þess er tryggt hjá nýja
meirihlutanum.“
– Fannst þér þú njóta sann-
mælis í síðasta meirihluta?
„Af ástæðum sem ég hef þegar
rakið átti ég nokkuð erfitt upp-
dráttar í fráfarandi meirihluta sem
oddviti F-listans og helsti tals-
maður málefna hans um árabil.
Dagur B. Eggertsson, fráfarandi
borgarstjóri, var undantekningin í
þeim efnum.“
– Stóð ekkert í þér hvernig síð-
ustu viðræður höfðu farið við sjálf-
stæðismenn?
„Jú, svo sannarlega. En þegar
upp er staðið skiptir trúnaður við
kjósendur mína mestu máli. Hann
verður best sýndur með þeim mál-
efnum og verkum sem ég stend
fyrir.“
Friðrikarnir fjórir
– Kæmi til greina að ganga aft-
ur í Sjálfstæðisflokkinn?
„Ég hef ekkert verið að hugleiða
það, enda önnum kafinn við að
byggja aftur upp grasrót F-
listans.“
– Þú ert nýorðinn afi!
„Það má kallast skemmtileg til-
viljun að annað barnabarnið mitt
skuli fæðast sama dag og tilkynnt
var að ég yrði næsti borgarstjóri í
Reykjavík, en dóttir mín Anna Sig-
ríður fæddi dóttur þann dag, 21.
janúar síðastliðinn. Það er jafn-
framt fyrsta stúlkan í fjölskyldunni
frá því að Anna Sigríður fæddist
fyrir tæplega 34 árum, hún eign-
aðist soninn Jakob Yngva fyrir
þremur árum. Svo á ég þrjá syni,
tvíburabræðurna Magnús Friðrik
og Kjartan Friðrik, sem eru 28 ára
gamlir, og Egil Friðrik, sem er 15
ára. Ég var og er ákaflega stoltur
af fjölskyldu minni.“
– Millinafn þitt er Friðrik – það
nafn virðist vera þér kært.
„Móðir þeirra ákvað Friðriks-
nafnið og vildi með því tengja tví-
burasynina saman innbyrðis og við
föður sinn. Og auðvitað varð yngsti
sonurinn að fá þetta nafn líka,
enda ljón eins og allir Friðrikarnir
fjórir.“
»Ég lenti í miklu mót-læti og veikindum á
síðastliðnu ári og var frá
vinnu um skeið. En hef
nú um nokkurra mán-
aða tíma sinnt störfum á
ný. Ég hef verið nið-
urdreginn og leitað mér
hjálpar við því. En ég
vænti þess að ég og fjöl-
skylda mín þurfum ekki
að finna meir fyrir þeim
rætnu árásum, lygum
og fordómum sem við
höfum setið undir.