Morgunblaðið - 27.03.2008, Blaðsíða 21
ferðalög
MORGUNBLAÐIÐ FIMMTUDAGUR 27. MARS 2008 21
ÍÁstralíu er fjölskrúðugtmannlíf, ósnortin náttúra ogkristaltær sjór með litskrúð-ugu kóralrifi. Ástralir standa
mjög framarlega þegar kemur að
verndun náttúrunnar. Þeir eiga
marga þjóðgarða og nokkra staði á
heimsminjaskrá UNESCO sem vert
er að skoða,“ segir Guðbjörg Braga-
dóttir.
Þegar hún kom fyrst til Ástralíu
árið 1999 að heimsækja dóttur sína,
sem þá var skiptinemi í Nýja-
Sjálandi, hélt Guðbjörg að hún ætti
aldrei eftir að koma þangað aftur.
„En ég heillaðist gjörsamlega af
landinu og gæti vel hugsað mér að
búa þar um tíma.“ Síðasta ferð
þeirra hjóna til Ástralíu var í sept-
ember í fyrra en þá bauð móðir Guð-
bjargar börnum sínum og mökum
þeirra í tveggja vikna ferð um Ástr-
alíu í tilefni af áttræðisafmæli sínu.
Gómsætt sjávarfang
Guðbjörg og Kristján hafa á ferð-
um sínum um Ástralíu ávallt heim-
sótt borgina Brisbane. Borgin er í
um 12 tíma akstursfjarlægð norður
af Sidney og þar búa um 1,8 milljónir
manna. Brisbane er að sögn þeirra
hjóna mjög falleg og gróin. „Fljótið
Brisbane River rennur í gegnum
borgina og gaman er að fara í sigl-
ingu niður eftir ánni. Fallegar brýr
brúa fljótið á mörgum stöðum og
margir góðir veitingastaðir eru við
árbakkann sem og í bátum sem sigla
upp eftir fljótinu.“
Uppáhaldsveitingastaður Guð-
bjargar og Kristjáns heitir River-
side Restaurant en þar er boðið upp
á kínverskan mat sem klikkar ekki
að þeirra sögn. Annars bjóða mörg
veitingahús upp á gómsætt sjávar-
fang en Ástralir eru þekktir fyrir úr-
vals krabbarétti og mæla hjónin sér-
staklega með sjávarrétta-
hlaðborðunum.
Barnvæn borg
Í Brisbane er einnig athyglisvert
að skoða tré sem færist úr stað.
„Þetta tré er staðsett í miðri borg-
inni og bókstaflega gengur,“ segir
Guðbjörg og þegar Kristján sér
furðusvip blaðamanns bætir hann
við: „Tréð skýtur út loftrótum sem
fara að lokum niður í jörðina og
deyja. Nýjar rætur vaxa síðan niður
eftir trénu og þannig dregst það
áfram með tímanum.“
Brisbane er að sögn þeirra hjóna
mjög fjölskylduvæn borg. Þar eru
góðar samgöngur og mörg útivist-
arsvæði með grillaðstöðu og leik-
svæðum fyrir börnin. Í borginni eru
tvær sundlaugar með fersku sjó-
vatni, en aðgangseyrir er enginn
þrátt fyrir góðan aðbúnað og sturtu-
aðstöðu.
Guðbjörg og Kristján hafa einnig
farið til Sidney og Melbourne en
finnst Brisbane og svæðið þar í
kring mun áhugaverðara. Ósnortin
náttúra umlykur borgina og ferða-
mennskan er ekki allsráðandi.
Sandurinn eins og snjór
Stutt er að fara með ferju út í eyj-
ar sem eru í námunda við Brisbane.
Ein þeirra er Fraser Island sem er á
heimsminjaskrá UNESCO. „Eyjan
er stærsti sandskafl í heimi en á hon-
um vex regnskógur. Sandurinn virk-
ar í raun eins og snjóskaflarnir okk-
ar hér á Fróni og er svo gljúpur að
ekki er hægt að ferðast um eyjuna
nema á fjórhjóladrifnum trukkum,“
segir Guðbjörg. Fjölskyldan gisti
tvær nætur á eyjunni í sæluhúsi við
hótelið á staðnum. Villtir hundar er
kallast Dingo lifa á eyjunni, en láta
helst á sér kræla þegar skyggja tek-
ur. Hundarnir teljast ekki hættu-
legir og fjölskyldan varð ekki vör við
þá.
Fá far með hákörlum
Önnur áhugaverð eyja rétt við
Brisbane er Heron og tekur ferðin
þangað um tvo tíma með ferju. Þar
er að sögn Guðbjargar hægt að fá
kennslu í köfun. „Litlir kóral-
hákarlar synda um í víkinni og vel er
hægt að fá sér far með þeim. Þeir
eru alveg hættulausir en fólk tekur í
uggana á þeim og lætur þá synda
með sig“. Risaskjaldbökur verpa á
eyjunni og þar er einnig mikið fugla-
líf. „Þarna sáum við fugl sem var ná-
kvæmlega eins og krían okkar nema
hvað hún var svört með hvítan haus.
Fuglinn heitir Tern en við kölluðum
hann kríusystur,“ segir Guðbjörg.
Eyjan er ekki nema 800x300 m að
stærð og segir Kristján að hægt sé
að fara í í kringum hana á sérstökum
báti sem er með glæran botn. Þann-
ig megi upplifa litadýrð kóralsins,
fiskana og skjaldbökurnar í sjónum.
Upp í fjalli rétt fyrir utan Bris-
bane er lítið þorp sem nefnist Mont-
ville og mæla Guðbjörg og Kristján
sérstaklega með að fólk geri sér far
þangað. Þar hafa íbúarnir atvinnu af
ýmiss konar handverki og selja fal-
lega muni eins kristal, leðurvörur,
klukkur o.fl. Þorpið er rétt hjá
skemmtilegum dýragarði, Australia
Zoo, þar sem hinn þekkti krókódíla-
veiðimaður, Steve Irwin, átti heima
en þangað er um 40 mínútna akstur
norður frá Brisbane. „Í garðinum
eru öll þau dýr sem hugsast geta,
ljón, fílar, krókódílar, kóalabirnir og
spakar kengúrur sem hægt er að
klappa. Þreyttir ferðalangar geta
hoppað í og úr lest sem keyrir um
dýragarðinn en þarna er auðvelt að
eyða heilum degi og njóta umhverf-
isins,“ segir Guðbjörg.
Gengið á milli trjátoppa
Lamington-þjóðgarðurinn sunnan
við Brisbane er á heimsminjaskrá
UNESCO. Þar er mikil náttúrufeg-
urð og fjölskrúðugt fuglalíf að sögn
Guðbjargar og Kristjáns. „Hundruð
páfagauka í öllum regnbogans litum
lifa í trjánum sem sum eru nokkuð
sérstök. Eina trjátegundina, Black
Boy, nýttu frumbyggjarnir forðum
til þess að búa sér til vopn en n.k.
spjót vex upp frá stofninum. Í þjóð-
garðinum er einnig að finna 25
metra hátt, lifandi tré sem er holt að
innan og manngengt. „Maður getur
farið inn í tréð og horft upp í him-
ininn. Ég hélt að tré hol að innan
væru bara til í teiknimyndasögum
en þarna var það ljóslifandi fyrir
framan mig,“ segir Guðbjörg upp-
rifin. Hengibrýr eru efst uppi á milli
trjátoppanna og því hægt að ganga
um skóginn ofan frá.
Að sögn Kristjáns er mjög auðvelt
að aka um Ástralíu en þó þarf að
venjast vinstri umferð. „Vegakerfið
er mjög þægilegt, góðar merkingar
og auðvelt að rata.“ Þau hjónin hafa
skipulagt hópferð til Ástralíu í októ-
ber á þessu ári en þá hyggjast þau
kynna álfuna fyrir ævintýraþyrstum
Íslendingum.
„Gangandi“ Móðir Guðbjargar, Pálína Pálsdóttir, við tréð góða sem „gengur“ yfir bekkinn.
Gangandi tré er ekki
bara í teiknimyndum
Brisbane River Guðbjörg og Kristján við fljótið í Brisbane sem er í baksýn.
Spakar Viktoria Rose, bróðurdóttir Guðbjargar, klappar kengúru í dýragarðinum við Brisbane.
Ástralía hefur svo
sannarlega heillað
hjónin Guðbjörgu
Bragadóttur og Krist-
ján Guðmundsson upp
úr skónum. Þau hafa
þrisvar sinnum flogið
yfir hálfan hnöttinn á
vit ævintýranna í Ástr-
alíu og hyggjast nú fara
þangað árlega. Elín
Lilja Jónasdóttir tók
hús á þeim og fræddist
um borgina Brisbane
og aðra markverða
staði í Ástralíu.
www.kgbtours.is
Höfundur er í meistaranámi í blaða-
og fréttamennsku og var í starfskynn-
ingu hjá Morgunblaðinu.