Morgunblaðið - 10.04.2008, Qupperneq 6

6 FIMMTUDAGUR 10. APRÍL 2008 MORGUNBLAÐIÐ
FRÉTTIR
Eftir Sigrúnu Ásmundsdóttur
sia@mbl.is
TVÆR tillögur af þremur um Óperuhús í Kópa-
vogi verða unnar áfram. Þremur íslenskum arki-
tektastofum var boðið að taka þátt í samkeppni
um húsið og skilyrt var að þær fengju til liðs við
sig erlenda samstarfsaðila sem hefðu reynslu af
hönnun óperuhúsa eða sambærilegra mann-
virkja. Engin tillagnanna þótti uppfylla markmið
samkeppninnar nægjanlega vel til að unnt yrði
að velja eina þeirra til útfærslu og var því farin
sú leið að velja tvær til frekari vinnslu. Í sam-
keppninni tóku þátt ASK Arkitektar ehf. ásamt
Lund & Valentin Arkitekter, ALARK arkitektar
ásamt David Crossfield Associates og Arkþing
ehf. ásamt Arkitema K/S. Tillögur ALARK arki-
tekta og Arkþings ehf. verða unnar áfram í sam-
vinnu við dómnefnd. Hana skipa Gunnar I. Birg-
isson, bæjarstjóri Kópavogsbæjar, formaður,
Stefán Baldursson óperustjóri og arkitektarnir
Ásdís Ingþórsdóttir, Ólafur Axelsson og Þor-
valdur S. Þorvaldsson. Vonast er til að hægt
verði að hefjast handa við framkvæmdir á þessu
ári og að byggingunni verði lokið árið 2010-2011.
Gunnar I. Birgisson flutti stutt ávarp á kynn-
ingarfundi um tillögurnar í Salnum í Kópavogi í
gær. Þar rifjaði hann upp að árið 2005 hefði hug-
mynd að óperuhúsi í Kópavogi kviknað hjá hon-
um, eftir að í ljós kom að í hinu nýja tónlistarhúsi
sem nú rís við Reykjavíkurhöfn væri ekki gert
ráð fyrir aðstöðu fyrir óperuna. „Áhugafólk um
óperu og óperufólk hafði samband við mig, þá
var ég formaður menntanefndar þingsins, og
spurði hvort ekki væri hægt að hafa þetta í sama
húsi. Ég taldi það náttúrlega alveg sjálfsagt,“
sagði Gunnar. Menntamálaráðherra tjáði honum
þó í samtali að aukakostnaður vegna óperu í tón-
listarhúsinu væri svo mikill að slíkt væri ekki
hægt að sinni.
Íslenska óperan mun reka húsið
Hugmynd Gunnars var að stór hluti fram-
kvæmdarinnar í Kópavogi yrði fjármagnaður af
einkaaðilum í atvinnulífinu. „Það var kannaður
áhugi atvinnulífsins og þegar fram komu loforð
um framlög og verulegar fjárhæðir var ákveðið
að fara með málið lengra,“ sagði Gunnar. Jafn-
framt ganga eignir Íslensku óperunnar inn í
framkvæmdina, Kópavogsbær styrkir hana og
loks ríkið. „Það er búið að ræða við mennta-
málaráðherra og forsætisráðherra, það er við
höfum ekki farið í formlegar viðræður en þau
hafa tekið málaleitan þessari vel.“
Íslenska óperan mun reka húsið og hugsunin
er að byggingarkostnaður vegna hússins verði
strax afskrifaður. Til gjalda mun einungis koma
kostnaður vegna reksturs hússins.
Á kynningarfundinum í gær sagði Þorvaldur
S. Þorvaldsson arkitekt frá störfum dómnefnd-
arinnar og markmiðum með hönnunarsam-
keppninni. Loks kom það í hlut Stefáns Bald-
urssonar að skýra frá úrslitum hönnunar-
samkeppninnar, en hann var í undirbúnings-
nefnd og síðar dómnefnd um óperuhús í
Kópavogi. Áður en hann kynnti úrslitin sagði
hann að sig langaði fyrir sína hönd og þeirra sem
starfa í Íslensku óperunni að segja „… að þessi
dagur er merkur áfangi inn í framtíðina því gert
er ráð fyrir því að þessi bygging hýsi til fram-
búðar starfsemi Íslensku óperunnar og bæti þar
af leiðandi alla hennar starfsaðstöðu og rekstr-
armöguleika. Eins og flestum er kunnugt býr Ís-
lenska óperan við mjög svo ófullkominn húsa-
kost sem gerir allan rekstur erfiðan þótt listrænt
hafi margur sigurinn unnist á því þrönga og
gamla sviði sem óperan hefur starfað á í rúman
aldarfjórðung.“ Byggingu óperuhússins sagði
hann lýsa miklum metnaði Kópavogsbæjar en
frumkvæðið hefði alfarið komið þaðan. Að svo
mæltu skýrði Stefán frá niðurstöðum dómnefnd-
arinnar.
Tvær tillögur áfram
 Vonast til að hægt verði að hefja framkvæmdir við Óperuhús í Kópavogi á
þessu ári  Óperustjóri sagði að dagurinn væri merkur áfangi inn í framtíðina
ALARK Arkitektar ehf. Dómnefnd telur grunnhugmynd hússins áhugaverða og „torgmyndun að
Salnum og að hluta til Gerðarsafni er snjöll og tengir öll húsin skemmtilega saman …“
Arkþing ehf. Í áliti dómnefndar segir m.a.: „Form hússins er hreint og heildarmynd er áhuga-
verð og einföld… Tilvísun höfunda um álfaborg er komið vel til skila í formi og efnisvali…“
SJÖ tilboð bárust í út-
boði Vegagerðarinnar
á tvöföldum Reykjanes-
brautarinnar en verkið
var boðið út á ný eftir
að fyrri verktaki varð
að segja sig frá því.
Samkvæmt útboðinu á
brautin að vera akst-
urshæf 16. október en
fullbúin fyrir 1. júní á næsta ári.
Áætlaður kostnaður við verkið er 770
milljónir króna. Sex tilboðanna sem bár-
ust voru hærri en eitt lægra. Tilboðin
voru eftirtalin:
Malbikunarstöðin Hlaðbær–Colas hf.
969 milljónir, Íslenskir aðalverktakar hf.
955 milljónir, Glaumur og Árni Helgason
918 milljónir, Loftorka ehf. og Suð-
urverk hf. 847 milljónir, Háafell ehf. 842
milljónir, Ístak hf. 807 milljónir og
Adakris uab./Toppverktakar ehf. 699
milljónir.
Sjö buðu í
Reykjanesbraut
DANSPARIÐ Sigurður Már Atlason og
Sara Rós Jakobsdóttir frá Dansskóla
Hafnarfjarðar heldur til Danmerkur til að
taka þar þátt í heimsmeistaramóti í dansi
sem fram fer í Árósum um helgina. Sig-
urður og Sara eru bæði 15 ára gömul og
hafa dansað frá unga aldri, en bæði hófu
dansnám sex ára gömul. Þau hafa dansað
saman sl. átta ár og á þeim tíma unnið
fjölda verðlauna. Þau eru margfaldir Ís-
landsmeistarar og hafa auk þess unnið til
verðlauna erlendis, náðu t.d. 1. sæti í Lat-
in-dönsum á Copenhagen Open árið 2007.
Sigurður og Sara dansa alla tíu samkvæm-
isdansana sem samanstanda af fimm
Ballroom-dönsum og fimm Latin-dönsum.
Á leið á heims-
meistaramót
Glæsilegt danspar Sigurður Már Atlason
og Sara Rós Jakobsdóttir stefna hátt í
dansheiminum.
Þ
að eru bráðum sjö ár síðan ég
tók þátt í því að stofna laga-
deild við Viðskiptaháskól-
ann á Bifröst. Það var byrj-
að smátt, við einbeittum
okkur að kennslu í viðskiptalögfræði til
þess að nýta sem best þá færni sem fyrir
var í skólanum. Síðan var smám saman
byggt ofan á og nú er lögfræði kennd á
meistarastigi við skólann. Mörgum þótti
mikil bjartsýni að kenna lögfræði á há-
skólastigi lengst uppi í sveit, það yrði
erfitt að fá nemendur til að setjast þar að
og nær ómögulegt að fá kennara.
Það reyndist hins vegar ekki raunin.
Með því að kynna skólann vel og rétt var
hægt að sýna fólki fram á hvað það væri
eftirsóknarvert að setjast að í Borg-
arfirðinum og njóta þeirrar sérstöðu
sem skólinn og allt umhverfi hans hafði
upp á að bjóða.
Um svipað leyti ákvað ég að bæta við
mig námi í viðskiptafræði og settist á
skólabekk við Háskólann í Reykjavík og
innritaði mig í MBA-nám. Ég var á sama
tíma kennari í Viðskiptaháskólanum á
Bifröst og nemandi í Háskólanum í
Reykjavík. Annar skólinn byggði á
gömlum merg Samvinnuskólans en hinn
var ungur skóli, rétt að slíta barns-
skónum.
Skólarnir áttu það hins vegar báðir
sameiginlegt að vaxa og dafna vegna
þess að stjórnvöld höfðu ákveðið að losa
um menntakerfið og gefa skólum kost á
að setja á stofn brautir sem fram til þess
tíma höfðu aðeins verið stundaðar í Há-
skóla Íslands. Ég fullyrði að sú stefnu-
mörkun stjórnvalda hefur reynst öllum
skólunum í landinu vel og kannski ekki
síst vöggu rannsókna og fræða á Íslandi,
Háskóla Íslands. Nú liggur fyrir þinginu
frumvarp menntamálaráðherra um
opinbera háskóla. Í því frumvarpi er ver-
ið að stíga skref til þess að efla opinberu
háskólana og ég er sannfærð um að
þetta frumvarp, verði það að lögum,
muni skipta miklu máli fyrir þróun Há-
skóla Íslands og Háskólans á Akureyri.
Í allri umræðu um háskóla og há-
skólasetur hefur mörgum þótt vanta upp
á að verknámi og starfsnámi sé sýndur
nægilegur sómi. Á meðan ég styð heils
hugar áherslu á uppbyggingu þekking-
arsetra á landsbyggðinni og tel það vera
einn lykilþátt í að efla fjölbreytni og
styrkja búsetu þá spyr ég: af hverju
horfum við ekki með sömu athygli á mik-
ilvægi og nauðsyn iðnmenntunar? Á
þessum uppgangstímum sem við höfum
gengið í gegnum höfum við flutt inn er-
lenda iðnaðarmenn í stórum stíl. Hvern-
ig vekjum við áhuga íslenskra ungmenna
á rafvirkjun og byggingariðn?
Ég held, að við verðum að gera iðn-
menntun og starfsmenntun hátt undir
höfði og gera okkur grein fyrir mik-
ilvægi þessa hlekks í menntakerfi þjóð-
arinnar. Þess vegna er ég ánægð með
sameiningu Iðnskólans í Reykjavík og
Fjöltækniskólans og held því fram að
það upplegg að skipta skólanum í sjálf-
stæðar einingar sé skynsamlegt og til
þess fallið að efla hverja grein fyrir sig.
Hættan er nefnilega sú, þegar um svo
stóran skóla er að ræða eins og þennan
nýja skóla, að einhverjar greinar verði
undir. Með þessu skipulagi er verið að
tryggja að svo verði ekki. Ég vona líka
að skólanum takist það ætlunarverk sitt
að ná góðu sambandi við atvinnulífið
þannig að bæði nemendur og fyrirtæki
njóti samstarfs og samvinnu og auki
þannig áhuga á náminu í skólanum. Iðn-
nám og starfsnám hefur byggst á góðu
sambandi við atvinnulífið og með því að
tryggja það enn betur í skipulagi skólans
vænti ég að enn betri árangur náist. Ég
bind líka vonir við að nýi skólinn muni
verða öðrum skólum á þessu sviði hvatn-
ing til enn frekari árangurs.
Menntun er grundvöllur vaxtar í land-
inu, um það þarf ekki að deila. Við verð-
um að hlúa að menntun á öllum stigum
og í víðu samhengi. Litlu börnin í leik-
skólanum eru svo forvitin og strax þá má
PISTILL » Við verðum að gera
iðnmenntun og starfs-
menntun hátt undir höfði
og gera okkur grein fyrir
mikilvægi þessa hlekks í
menntakerfi þjóðarinnar.
Ólöf
Nordal
Traustar undirstöður
sjá ákveðnar tilhneigingar og færni í
vissar áttir. Við verðum að haga því
þannig að nemendur fái að njóta hæfi-
leika sinna, hvort sem er í bóknámi, list-
námi eða verknámi, enn fyrr á mennta-
brautinni. Atvinnulíf á Íslandi hefur
aldrei verið fjölbreyttara en nú. Það kall-
ar á að við höfum stöðugar gætur á und-
irstöðunum, menntuninni í landinu. Með
því að auka fjölbreytni stuðlum við nefni-
lega líka að því að hver og einn einstak-
lingur geti betur sérhæft sig í því sem
hann tekur sér fyrir hendur. Þannig
hjálpumst við að í því að tryggja stöðu
Íslands í framtíðinni.
Hljóðpistlar Morgunblaðsins,
Ólöf Nordal les pistilinn
HLJÓÐVARP mbl.is