Morgunblaðið - 10.04.2008, Page 21

úr bæjarlífinu
MORGUNBLAÐIÐ FIMMTUDAGUR 10. APRÍL 2008 21
Mjög merkileg samkoma verður
haldin í Brekkuskóla á laugardag-
inn; Lýðræðisdagur. Ástæða er til
þess að hvetja alla Akureyringa sem
vettlingi geta valdið til þess að
mæta, hlusta og tjá skoðanir sínar.
Ballið byrjar kl. 13 og lýkur kl. 17.
  
Ýmis málefni ber á góma, m.a. sjálft
íbúalýðræðið. Allt er þetta spenn-
andi, ekki síst það sem Hólmkell
Hreinsson amtsbókavörður mun
halda framsögu um; það sem í út-
landinu er kallað Slow City eða Cit-
taslow og hefur á íslensku verið
nefnt hæglætisbær eða sældarbær.
  
„Þetta snýst ekki um að vera gam-
aldags. Og þó, ef það er gamaldags
að vilja gefa sér tíma og reyna að
vanda sig,“ sagði Hólmkell hér í
blaðinu í gær, spurður um Cittaslow.
Sumir halda að það, að vera sæld-
arbær að þessu leyti, sé afturhvarf
til moldarkofanna og að bann verði
sett á nútímann. Svo er ekki.
  
Samtökin Cittaslow urðu að veru-
leika skömmu fyrir aldamót og eru í
anda Slow Food sem Ítalinn Carlo
Petrini stofnaði 1986, þegar honum
ofbauð „innrás“ bandarískra skyndi-
bitastaða í Róm. Segja má að til-
gangur Cittaslow sé að gefa fólki
aðra kosti en þann að taka þátt í því
mikla kapphlaupi sem nú fer fram
víða í veröldinni.
  
„Mér finnst Akureyri vera sérstakur
staður. Hér er afslappað andrúms-
loft og ég er á því að það sé einn af
styrkleikum bæjarins að hér er ekki
mikið um ys og þys út af engu,“
sagði Hólmkell í Morgunblaðinu. Má
ég lýsa yfir stuðningi við þetta sjón-
armið? Ég vil búa í sældarbæ. Taka
menn það nærri sér þótt einhverjir
öfundarmenn kalli höfuðstað Norð-
urlands Latabæ eftir að við verðum
komin í þennan frábæra félagsskap,
Cittaslow? Ekki ég. Legg hér með til
að Akureyringar sameinist um það
sem fyrst að bærinn okkar fallegi
verði formlega sældarbær.
  
Mikill áhugi er á tónleikum Þursa-
flokksins á Græna hattinum annað
kvöld og skyldi engan undra. Reynd-
ar seldust allir miðar upp á svip-
stundu þannig að auglýstir voru aðr-
ir tónleikar á laugardagskvöldið. En
það dugði ekki til og búið er að bæta
þeim þriðju við – þeir hefjast á mið-
nætti á laugardagskvöld.
  
Haukur staðarhaldari á Græna hatt-
inum hefur sjaldan kynnst öðrum
eins spenningi fyrir tónleika að sögn.
Miðar hafa stundum selst hratt á
þeim bænum en aldrei sem nú, ef frá
eru taldir tónleikar með hinni
sænsku Lisu Ekdahl en þar seldust
upp miðar á örskotsstundu án þess
að nokkurs staðar væri auglýst!
  
Von er á góðu þegar Þursarnir stíga
á svið. Þeir voru frábærir í gamla
daga, ef stopult minnið svíkur ekki,
svo og í Laugardalshöllinni um dag-
inn.
  
Arna Schram, formaður Blaða-
mannafélags Íslands, er fyrirlesari
dagsins í fundaröðinni Mynd manns-
ins, vikulegri samkomu áhugafólks
um heimspeki í Amtsbókasafninu.
Arna hefur upp raust sína kl. 17.00
og umfjöllunarefnið er mynd manns-
ins í fjölmiðlum. Arna hefur unnið í
blaðamennsku í fimmtán ár, lengst
af á Morgunblaðinu en nú er hún
blaðamaður á Viðskiptablaðinu.
  
Annar áhugaverður opinn fyr-
irlestur er í boði í dag kl. 15.20 til
17.00 í Háskólanum á Akureyri á
Sólborg. Þar talar Lucyna Aleks-
androwicz-Pedich, prófessor í bók-
menntum og fjölmenningarsam-
skiptum við Sálfræðiháskólann í
Varsjá, og fjallar um hvernig bók-
menntir geta stuðlað að betri skiln-
ingi á „hinum“ og auðveldað sam-
skipti í heimi sem einkennist af æ
fjölbreyttari menningartengslum.
Morgunblaðið/Eggert
Von á góðu Egill og félagar fóru á
kostum í Laugardalshöllinni.
AKUREYRI
Skapti Hallgrímsson
Pétur Stefánsson heyrði afboðskap Al Gore og hefur aðra
meiningu:
Veðrin breytast á einhverra ára fresti,
ýmist kólnar og hitnar, sem dæmin
sanna.
Hef ég þá trú, þó haldbær rök mig
bresti;
að hlýnun jarðar sé ekki af völdum
manna.
Magnús Ólafsson frá
Sveinsstöðum frétti að bílakostur
fundargesta Al Gore eða „Alla Gor“
hefði verið til skoðunar á Stöð 2:
Eflaust kemur aftur vor
þó eitri miklu sleppum.
Allir mættu hjá Alla Gor
á eyðslufrekum jeppum.
Jón Gissurarson mótmælir Pétri:
Veðurguðinn heims um haf
hlýnun myndar slíka.
Þó að hún sé eflaust af
okkar völdum líka.
Þá Ólafur Stefánsson:
Þótt mengunar hann moki for,
og mælist vel á sviðinu,
er þó sjálfur Ali Gor
í einkaþotuliðinu.
Ármann Þorgrímsson kann
skýringu á vandanum:
Að vaxi hiti veröld í
varla neitað getið þið.
Eflaust stafar allt af því
hvað allir reka mikið við.
pebl@mbl.is
VÍSNAHORNIÐ
Af Gore
og hlýnun
jarðar