Morgunblaðið - 23.04.2008, Blaðsíða 8

8 MIÐVIKUDAGUR 23. APRÍL 2008 MORGUNBLAÐIÐ
FRÉTTIR
„FYRIR mér persónulega er það mikill heiður að fá
þessi verðlaun. Þetta er eitthvað sem ég geri ekki þeg-
ar ég stend fyrir framan stólinn heldur á kvöldin. Þetta
er vinna sem fólk sér ekki og áttar sig ekki á.“ Þetta
segir Þórdís Helgadóttir, en hún er önnur tveggja vinn-
ingshafa á Global Salon Business Awards (GSBA) en
verðlaunin verða afhent í Hollywood í júní. Fjallað var
um hinn vinningshafann, Sigrúnu Ægisdóttur, í Morg-
unblaðinu í gær. Þórdís, sem rekur hárgreiðslustofuna
Hárný í Kópavogi, segir þetta vera ein stærstu og
mestu verðlaun sem hárgreiðslumaður getur fengið.
Um er að ræða viðskiptatengd verðlaun en til að búa
vinningshafana undir sjálfa afhendinguna var þeim
boðið til Ítalíu. Þar var farið í gegnum dagskrána sem
hefur verið skipulögð í Hollywood og þá voru allir látn-
ir kynna sig og æfa göngu á rauða dreglinum.
Æfðu göngu á rauða dreglinum
Eftir Rúnar Pálmason
runarp@mbl.is
SAMNINGUR upp á 100 milljónir, sem fyr-
irtæki Soffíu Vagnsdóttur og systur hennar
gerði við Ósafl um að útvega starfsmönnum
við Óshlíðargöng húsnæði og fæði meðan á
framkvæmdum stendur, varð til þess að
A-listinn krafðist þess að Soffía viki úr bæj-
arstjórn eða samstarfinu yrði slitið ella.
Soffía vék ekki og því sprakk meirihlutinn.
Oddviti A-listans, Anna Guðrún Edvards-
dóttir, segir að trúnaðarbrestur hafi orðið
og að Soffía hefði átt að greina frá því að
hún væri að stórauka umsvif sín í bænum
með því að gera samninginn. „Forsendur
samstarfsins breyttust með þessum samn-
ingi,“ sagði hún. Þessu hafnar Soffía og
kveðst hafa sagt Önnu frá því að hún myndi
sækjast eftir verkinu. Þar að auki snerti
umsvif hennar á engan hátt störf hennar í
bæjarstjórn.
Sjálfstæðisflokkurinn er auðvitað í lyk-
ilstöðu eftir þessar sviptingar. Eftir að
meirihlutinn sprakk hringdu bæði Anna og
Soffía í oddvita flokksins, Elías Jón-
atansson, nánast á sömu mínútunni að hans
sögn og óskuðu eftir samstarfsviðræðum.
Of mikið
Í samtali við Morgunblaðið í gær sagði
Anna Guðrún Edvardsdóttir, oddviti A-lista
(Afls til áhrifa), að óánægju og pirrings
hefði verið farið að gæta í samstarfinu, sér-
staklega af hálfu A-listans. Þegar sagt var
frá samningnum á mánudag hefði A-listinn
talið að umsvif Soffíu yrðu meiri en svo að
þau samrýmdust stöðu hennar í bæjar-
stjórn. Umsvifin væru orðin svo mikil að
það væri óhjákvæmilegt að til hagsmuna-
árekstra myndi koma því fyrr eða síðar
hlyti bærinn að þurfa að taka á málum sem
tengjast fyrirtækjum hennar. Anna kvaðst
hafa vitað að systkini Soffíu vildu fá verk-
efnið en hún hefði ekki vitað að Soffía stæði
sjálf í þessum viðskiptum. „Þú getur ekki
verið báðum megin við borðið endalaust. Sá
sem er æðsti maður sveitarfélags og í for-
svari fyrir það getur ekki bæði unnið að
uppbyggingu bæjarins með hag hans í huga
og einnig að uppbyggingu síns fyrirtækis
um leið,“ sagði hún. Anna tók hins vegar
fram að hún fagnaði að félag í bænum hefði
náð þessum samningi.
Réttlætir ekki slit
Soffía Vagnsdóttir sagðist hvorki kannast
við ágreining né trúnaðarbrest sem réttlæti
slit á meirihlutasamstarfi. Þetta snerist
ekki um ágreining um málefni heldur ein-
göngu margumræddan samning.
Samningurinn snýst um gistingu og fæði
fyrir starfsmenn við Óshlíðargöng sem
verða flestir um 50-60. Soffía og systir
hennar hafa stofnað sérstakt félag um verk-
efnið en öll systkinin, sjö talsins, koma að
verkinu með einum eða öðrum hætti. „Við
erum ekkert ein um að hafa reynt að ná
þessum samningi. Það hafa allir haft sömu
möguleika til þess,“ sagði Soffía. Samning-
urinn hefði á engan hátt komið til kasta
bæjarstjórnar og engin ástæða til að ætla
að hagsmunir hennar reksturs og stöðu
hennar í bæjarstjórn þyrftu að skarast.
Soffía er einnig skólastjóri grunnskóla
Bolungarvíkur en hún kveðst geta sinnt öll-
um þessu störfum og það sé síður en svo
einsdæmi að fólk úti á landi starfi að mörgu
í senn. „Margur hefur verið hér í stærri
umsvifum og setið í bæjarstjórn,“ sagði
hún.
 Oddviti A-lista telur að umsvif oddvita K-listans hafi orðið svo mikil að það samrýmdist ekki setu í
bæjarstjórn  Oddviti K-lista telur ekki hættu á hagsmunaárekstrum  Hringdu í sjálfstæðismenn
Samstarfi slitið vegna samnings
Elías
Jónatansson
Anna Guðrún
Edvardsdóttir
Soffía
Vagnsdóttir
HÁTÍÐ Jóns Sigurðssonar verður
haldin í Jónshúsi í Kaupmannhöfn
24. apríl, sumardaginn fyrsta. Sturla
Böðvarsson, forseti Alþingis, heldur
hátíðarræðu og afhendir í fyrsta sinn
Verðlaun Jóns Sigurðssonar forseta.
Markmiðið með hátíðinni er að
heiðra minningu Jóns Sigurðssonar
og halda á lofti verkum hans og hug-
sjónum. Stjórn húss Jóns Sigurðs-
sonar hefur frumkvæði að hátíðinni
með fulltingi forseta Alþingis og for-
sætisnefndar. Hátíð Jóns Sigurðs-
sonar í Jónshúsi verður árlegur við-
burður sumardaginn fyrsta héðan í
frá.
500 þúsund í verðlaun
Verðlaun Jóns Sigurðssonar for-
seta eru veitt af Alþingi í minningu
starfa Jóns Sigurðssonar í þágu Ís-
lands og Íslendinga þeim einstak-
lingi sem hefur unnið verk sem
tengjast hugsjónum og störfum Jóns
Sigurðssonar.
Í ár tekur forsætisnefnd Alþingis
ákvörðun um hvaða einstaklingur
hlýtur verðlaunin. Þau eru fjárhæð
sem Alþingi ákveður í fjárlögum
hverju sinni, en árið 2008 nemur
verðlaunafjárhæðin 500 þúsund
krónum.
Veiting
Verðlauna
Jóns forseta
„ÞETTA var mjög góður fundur,“
segir Guðlaugur Þór Þórðarson heil-
brigðisráðherra um fund sem hann
átti með Alan Johnson, heilbrigðis-
ráðherra Breta, í London gær. „Við
ræddum vítt og breitt um heilbrigð-
ismálin, töluðum um forvarnamál,
heilbrigðisþjónustu milli landa og
reynslu Breta af breytingum á sínu
heilbrigðiskerfi á síðustu misserum,
m.a. því að aðskilja milli kaupenda
og seljanda heilbrigðisþjónustunn-
ar,“ segir Guðlaugur og tekur fram
að afar mikilvægt sé að kynnast hlut-
um frá fyrstu hendi, en ráðherrarnir
tveir fóru yfir það sem vel hefur gef-
ist í breytingum á heilbrigðisþjón-
ustunni í Bretlandi og eins það sem
betur hefði mátt fara. Að sögn Guð-
laugs Þór ríkir almenn pólitísk sátt
um þær breytingar sem gerðar hafa
verið í Bretlandi og ljóst að enginn
myndi vilja hverfa til fyrra horfs. Al-
an Johnson þáði heimboð til Íslands.
Á morgun mun Guðlaugur Þór heim-
sækja Moorfields Eye-spítalann í
London og þakka þjónustu hans við
Íslendinga um áratuga skeið.
Ræddu
reynslu
Breta
Ráðherrarnir Alan Johnson og
Guðlaugur Þór Þórðarson.
Heimsækir Moor-
fields Eye-spítalann
EKKERT lát var á sinubrunum á
höfuðborgarsvæðinu í gær, og hafði
slökkvilið í nógu að snúast. Meðal
annars barst tilkynning um eld suð-
vestan við Hvaleyrarvatn í Hafnar-
firði og þakti eldurinn tæplega þrjú
þúsund fermetra svæði.
Líkt og síðustu daga virðast flestir
eldar kveiktir í Hafnarfirði því einn-
ig var kveikt í í Setbergslandi.
Slökkvilið náði þó fljótt tökum á
þeim eldi. Þá var kveikt í sinu efst í
Árbænum.
Enn mikið
um sinubruna
♦♦♦
Eftir Ásgeir Ingvarsson
asgeiri@mbl.is
FUNDUR var haldinn í Vestmannaeyjum á
sunnudag þar sem veiðifélögum og veiðimönn-
um var kynnt skýrsla Náttúrustofu Suðurlands
um ástand lundastofnsins í Eyjum.
Að sögn dr. Erps Snæs Hansen, sviðsstjóra
viðstfræðirannsókna hjá náttúrustofunni, er
hætta á að næsti árgangur lunda verði svo rýr
að hann muni ekki mælast, en síðustu þrjú ár
hefur mælst mikil fækkun lunda, og talar Erpur
um að í raun vanti þrjá árganga í stofninn.
Þarf að takmarka veiðar
Segir Erpur nauðsynlegt að takmarka mjög
veiðar á lunda eða friða hann algjörlega því veiði
í sumar geti tekið síðustu viðbótina í varp-
stofninn, og gæti lundastofninn í Vestmanna-
eyjum verið áratugi að ná sér aftur á strik.
Talið er að í Vestmannaeyjum lifi um helm-
ingur íslenska lundastofnsins. Lundinn laðar að
ferðamenn sem heimsækja Eyjar en einnig er
hann hluti af matarhefð Vestmannaeyinga.
Margir frístundaveiðimenn búa í Eyjum en
einnig hafa nokkrir lundaveiðar að atvinnu.
Erpur segir líklegustu skýringuna á fækkun
lundans lélegt ástand sílastofnsins kringum
Eyjar sem svo þýðir að pysjurnar fá ekki nóg að
éta: „Stóra spurningin er hvort framhald verður
þar á og hvað verður þá um lundann,“ segir
Erpur.
Fækkun síla er rakin til hitnandi sjávar sunn-
an við landið en hlýrri og saltari sjór teygir sig
æ norðar með landinu.
Á sama tíma og lunda hefur fækkað í Vest-
mannaeyjum benda mælingar til þess að honum
fjölgi annars staðar á landinu, en fjölgunin er þó
óveruleg samanborið við fækkunina sem mælist
í Vestmannaeyjum.
Bærinn ræður veiðunum
Veiðimenn og veiðifélög munu í framhaldi af
fundinum á sunnudag leggja tillögur fyrir
Vestmannaeyjabæ en bærinn er eigandi veiði-
svæða og hefur því úrslitaákvörðunarvald um
veiðar í Eyjum.
Hætta á að lundastofninn
verði marga áratugi að ná sér
Talið er að helmingur íslenska lundastofnsins lifi við Vestmannaeyjar
Morgunblaðið/Ómar