Morgunblaðið - 06.05.2008, Síða 6

6 ÞRIÐJUDAGUR 6. MAÍ 2008 MORGUNBLAÐIÐ
FRÉTTIR
Eftir Ylfu Kristínu K. Árnadóttur
og Kristján Jónsson
HEIMSÓKN krónprinshjóna Dan-
merkur er í boði Ólafs Ragnars
Grímssonar, forseta Íslands, og Dor-
rit Moussaieff, forsetafrúar, en hún
mun standa fram á fimmtudag.
Laust fyrir hádegi í gær renndu
hjónin konunglegu í hlað á Bessa-
stöðum ásamt fríðu föruneyti. Ólafur
Ragnar og Dorrit voru ekki þau einu
sem biðu komu þeirra en fjöldi er-
lendra ljósmyndara og blaðamanna,
auk nokkurra innlendra, hafði komið
sér fyrir við Bessastaði. Fjórmenn-
ingarnir stilltu sér upp fyrir framan
útidyrnar og ljósmyndarar smelltu
af í gríð og erg. Dorrit sló á létta
strengi og stakk upp á því að þau
færðu sig úr skugganum og í sólina
þar sem hún ætti líklega ekki eftir
að skína nema í tíu mínútur til við-
bótar. Þá lagði hún til að þau notuðu
ensku til að ræða saman sín á milli
en ekki dönsku, íslenskan reyndist
henni nógu erfið.
Spenntur að fara á hestbak
Eftir stutta stund úti við í tölu-
verðu hvassviðri var boðið til blaða-
mannafundar í salarkynnum Bessa-
staða. Friðrik krónprins lýsti
ánægju sinni með að þau hjónin
væru komin hingað í fyrsta sinn
saman en sjálfur hefur hann komið
hingað til lands nokkrum sinnum.
Hann sagðist vera spenntur að
skoða svæði sem forfeður hans hafa
heimsótt við ýmis tækifæri og væri
sérstaklega ánægjulegt að geta deilt
reynslunni með eiginkonu sinni.
Aðspurður sagðist hann hlakka
einna mest til að vera úti í íslenskri
náttúru og fara á hestbak og væri
hann sérstaklega spenntur að kom-
ast að því hvort þau væru í nógu
góðu líkamlegu standi til þess.
Spurð hvað henni fyndist um að
íslensk börn læri dönsku í skólum
sagði Mary það ánægjulegt hve mik-
il tengsl væru milli Íslands og Dan-
merkur. Í kjölfarið var hún spurð að
því hvort henni hefði þótt danskan
erfið, en hún er uppalin í Ástralíu.
Sagði hún að henni hefði þótt það og
hefði námið tekið sinn tíma. Þá skaut
Friðrik því inn í að væri maður for-
vitinn gengi námið hraðar fyrir sig.
Spurður út í Íslendingasögurnar
sagði Friðrik kennara sinn í grunn-
skóla hafa sagt sér frá þeim og væru
þær blóðugar en spennandi.
Þéttskipuð dagskrá
Krónprinshjónin halda af landi
brott næstkomandi fimmtudag en
þau munu hafa í nógu að snúast
þangað til. Í gær skoðuðu þau m.a.
handritasýninguna í Þjóðmenning-
arhúsinu. Þá fóru Friðrik og Ólafur
Ragnar á ráðstefnu um jöklafræði
og loftslagsbreytingar í Öskju, húsi
náttúruvísinda HÍ, en Mary og Dor-
rit kynntu sér íslenska hönnun.
Í dag fara Friðrik og Mary á hest-
bak í Dallandi í Mosfellsbæ. Þá verð-
ur haldið að Þingvöllum þar sem þau
munu m.a. snæða hádegisverð með
Geir H. Haarde forsætisráðherra og
eiginkonu hans Ingu Jónu Þórðar-
dóttur. Að því loknu verður gengið
að hinum svokölluðu konungs-
steinum í hlíðinni fyrir ofan Geysi. Á
morgun verður Stykkishólmur
heimsóttur og verður m.a. farið í
Vatnasafnið. Síðdegis verður sendi-
herra Danmerkur á Íslandi með
móttöku um borð í Vædderen í
Reykjavíkurhöfn.
Spenntur að skoða svæði
sem forfeðurnir hafa heimsótt
Friðrik, krónprins Dan-
merkur, og eiginkona
hans, Mary krónprins-
essa, komu til landsins í
gærmorgun og voru
Bessastaðir fyrsti
áfangastaður fjögurra
daga heimsóknarinnar.
Morgunblaðið/Kristinn Ingvarsson
Á Bessastöðum Friðrik sagði á blaðamannafundi að samstarf milli Íslands og Danmerkur væri afar mikilvægt.
Hlýlegar móttökur Nemendur í Áslandsskóla í Hafnarfirði tóku vel á móti krónprinshjónunum Friðriki og Mary
sem og forsetahjónunum Ólafi Ragnari og Dorrit. Þar var m.a. dönskukennslan í skólanum kynnt.
Eftir Ásgeir Ingvarsson
asgeiri@mbl.is
MATS Hägg, rannsóknarlögreglu-
maður og sérfræðingur í blóðferl-
um, segir þau vinnubrögð sem sýnd
eru í hasarþáttum í sjónvarpi af
rannsóknum lögreglu á vettvangi
nokkuð nærri lagi, þó sjónvarps-
löggurnar séu óvenju fundvísar á
rétta hárið eða fingrafarið sem þarf
til að leysa málið.
Mats starfar hjá lögreglunni á
Skáni og hefur í röskan áratug sér-
hæft sig í blóðferlarannsóknum.
Hann var staddur hér á landi í byrj-
un vikunnar til að veita umsögn fyr-
ir Héraðsdómi Reykjavíkur um
gæði niðurstaðna tæknirannsóknar-
deildar lögreglunnar hér á landi í
morðmáli, Hringbrautarmálinu svo-
kallaða, en hinn grunaði hefur neit-
að sök í málinu og því reynt mikið á
rannsóknir lögreglu.
Sammála niðurstöðum
tæknirannsóknardeildar
Þó að Mats geti ekki tjáð sig um
rannsóknina segist hann ljóst að
sérfræðingar lögreglunnar hér á
landi séu vel þjálfaðir og að hann
hafi verið fullkomlega sammála
þeim niðurstöðum sem þeir drógu
af rannsóknum á vettvangi. Blóð-
ferlarannsóknir taka m.a. til dreif-
ingar, staðsetningar og stærðar
blóðdropa á vettvangi árásar og
segir Mats um þaulrannsakaða og
margreynda rannsóknaraðferð að
ræða. „Blóðferlarannsóknir geta
skipt sköpum og gefið rannsakend-
um mun skýrari mynd af hvað gerð-
ist á vettvangi glæps. Stundum má,
t.d. með því að skoða hvar og hvern-
ig blóðslettur lentu á fatnaði við-
staddra, sjá hver var valdur að
árásinni, en einnig má með blóð-
ferlarannsókn útiloka það sem ekki
gerðist, sem getur síðan haft áhrif á
stefnu rannsóknarinnar og yfir-
heyrslur,“ segir hann.
Gefur mynd af atburðum
„Með því að skoða dreifingu blóð-
bletta má finna út hvaðan og hvern-
ig dreifingin átti upptök sín og jafn-
vel um hvers konar áverka var að
ræða. Þannig kemur t.d. meira blóð-
magn ef beitt er stóru barefli, en ef
einhver verður fyrir skoti. Finna
má út hvort fórnarlambið var liggj-
andi eða standandi og í sumum til-
vikum má greina hvaða atburðarás
átti sér stað.“
Starfið segir Mats að krefjist
mikillar vinnu. „Á nokkrum klukku-
stundum má yfirleitt fá grófa mynd
af því sem gerðist, en ítarlegri nið-
urstöður krefjast ítrekaðrar ljós-
myndunar og mælinga og geta blóð-
ferlarannsóknir á vettvangi jafnvel
tekið nokkra daga ef um mikið
magn af blóði er að ræða,“ segir
hann. „Þá bætist við vinna á rann-
sóknarstofu, því með því að rýna í
blóðdropa á fötum grunaðra kemur
oft ýmislegt áhugavert í ljós.“
Blóðið getur upplýst glæpinn
 Sænskur sérfræðingur í blóðferlarannsóknum staddur hér á landi  Gefur íslenskum rannsóknum
góða umsögn  Rannsóknir á staðsetningu og stærð blóðdropa geta skipt miklu við lausn sakamála
Dropar með sögu Blóð á vettvangi árásar getur sagt mikið um hvað gerð-
ist. Myndin hér að ofan er af vettvangi sem sviðsettur var til kennslu.
Rannsakandi Mats Hägg virðir fyrir sér vettvang glæps. Skoða þarf hvern
krók og kima og hér athugar hann hvort dropar sjáist í loftinu.