Morgunblaðið - 10.05.2008, Blaðsíða 6

6 LAUGARDAGUR 10. MAÍ 2008 MORGUNBLAÐIÐ
FRÉTTIR
Eftir Rúnar Pálmason
runarp@mbl.is
GUNNLAUGUR Júlíusson lang-
hlaupari, sem á að baki einhver erf-
iðustu hlaup sem Íslendingur hefur
tekið þátt í, hefur oft æft mikið en
aldrei eins mikið og nú. Síðastliðnar
vikur hefur hann hlaupið allt að 190
km á einni viku sem þýðir að hann
hleypur að meðaltali um 27 kíló-
metra á dag. Með þessu undirbýr
hann sig undir Spartaþonið, 246 km
hlaup á milli Aþenu og Spörtu sem
honum mistókst að klára í fyrra-
haust.
Það þýðir ekkert annað en að
undirbúa sig vel fyrir Spartaþonið.
Vegalengdina þarf að leggja að baki
á 36 tímum að hámarki og mikill hiti
og erfitt landslag gerir hlaupið sér-
staklega krefjandi.
Margt varð Gunnlaugi mótdrægt
þegar hann þreytti hlaupið í fyrra-
haust, hitinn var t.a.m. óvenju mik-
ill eða um 34°C yfir daginn. Ýmis-
legt í skipulagi hlaupsins brást, t.d.
vantaði stundum vatn á vatnsstöðv-
unum. Eftir 20 tíma hlaup neyddist
Gunnlaugur til að hætta keppni en
þá hafði hann lagt um 150 kílómetra
að baki.
Í haust mætir Gunnlaugur sterk-
ari til leiks, betur æfður og betur
undirbúinn. Að þessu sinni hefja
tveir Íslendingar keppni í Sparta-
þoni því auk Gunnlaugs hefur
Höskuldur Kristvinsson skráð sig
til keppni.
Æfingaáætlun sem gerir ráð fyr-
ir að hlaupnir séu 190 kílómetrar í
viku er ekki bara erfið, heldur líka
tímafrek. Reikna má með að Gunn-
laugur hlaupi í um 19 klukkustundir
á viku og oft hleypur hann þrisvar á
dag, á morgnana, í hádeginu og á
kvöldin, til að ná hlaupamagninu
upp í það sem hann telur nauðsyn-
legt. Dæmigerð helgi felst í því að
hlaupa um 40 km á laugardegi og 30
km á sunnudegi.
Hreinsaði til í mataræðinu
Þetta tekur á en Gunnlaugur seg-
ir aðspurður að líkaminn standist
álagið. „Skrokkurinn? Hann er
bara fínn. Aldrei verið betri,“ segir
hann. Gunnlaugur verður 56 ára í
haust, eða svo er honum sagt og
hann efast um að það geti verið
rétt.
Það munar miklu, og er að líkind-
um forsenda þess að líkaminn þolir
öll þessi hlaup, að Gunnlaugur
borðar aldrei mat nema hann sé
bráðhollur. „Ég er búinn að hreinsa
til í mataræðinu og borða ekkert
rusl. Ekki kökur, ekki kex, sælgæti,
gos eða ruslfæði eins og pulsur og
kjötfars. Ég borða bara ávexti og
grænmeti, kjöt og fisk. Svolítið
brauð líka en ekki mikið,“ segir
Gunnlaugur. Hann borðar ekki einu
sinni sætindi á afmælinu sínu, jól-
um eða páskum. „Ég snerti þetta
ekki, aldrei,“ segir hann.
Einn liður í æfingaáætlun Gunn-
laugs er þátttaka í sólarhrings-
hlaupi sem fram fer í Borgunda-
hólmi 24. og 25. maí næstkomandi
og verður þetta í annað skiptið sem
hann tekur þátt í því. Sá vinnur sem
lengst kemst á sólarhring. Gunn-
laugur tók þátt í fyrra og hljóp rúm-
lega 197 km og varð þriðji.
Hlaupaleiðin er ekki tilbreytinga-
rík því ávallt er hlaupinn sami 1.100
metra hringurinn sem Gunnlaugur
segir að sé ekkert þreytandi. „Nei,
maður bara lokar sig inni. Mér
finnst gott að hlaupa með útvarp og
sólgleraugu sem maður hættir hálf-
partinn að sjá út úr fyrir svita,“ seg-
ir hann. Það komist upp í vana að
rúlla hvern hringinn á fætur öðrum.
Alls verða hringirnir rúmlega 180,
takist Gunnlaugi að ná markmiði
sínu sem er að hlaupa meira en 200
km á þeim sólarhring sem keppnin
stendur yfir.
Seint í ágúst stefnir Gunnlaugur
að því að hlaupa á milli Flókalundar
og Bjarkalundar fyrir vestan en
þetta er um 140 km löng leið. Leiðin
er áþekk landslaginu á seinni hluta
leiðarinnar í Grikklandi og því er
gott að þessi leið verði lokaæfing.
Kolvetni duga ekki
Í ofurhlaupum eins og þessum
þarf auðvitað að gæta vel að því að
drekka nóg og ekki síður að fá
næga næringu. Í venjulegum mara-
þonhlaupum eru töluverð vísindi á
bakvið það hversu mikið af kolvetn-
um hlauparar þurfa að innbyrða til
að þeir hafi næga orku til að komast
á leiðarenda en í ofurhlaupum duga
kolvetnin ekki til. Í ofurhlaupum
þarf alvöru næringu, segir Gunn-
laugur, þ.e. prótín. „Maraþon tekur
svo fljótt af að þar duga kolvetna-
drykkir og orkubitar sem næring,“
segir Gunnlaugur sem aðhyllist þá
þumalputtareglu að ef hlaupið er
lengur en í fimm klukkustundir
þurfi líkaminn prótín.
Í vetur hefur Gunnlaugur gert
tilraunir með að drekka fljótandi
blöndu af Herbalife-prótíni fyrir og
eftir hlaup og hefur það að hans
sögn reynst vel. Í Borgundarhólmi
mun hann drekka slíka blöndu á um
3-4 tíma fresti, milli þess sem hann
drekkur vatn og gæðir sér á ávöxt-
um.
Galdurinn er að borða og drekka
hvorki of lítið né of mikið en þetta
einstigi getur verið vandratað. „Í
Grikklandi drakk ég ofboðslega
vegna hitans og endaði með því að
æla lifur og lungum, maður bara
fylltist,“ segir Gunnlaugur.
Það er sem sagt að ýmsu að
hyggja þegar hlaupa á 246 kíló-
metra með hörðustu tímamörkum
sem finnast í hlaupi af þessari teg-
und í heiminum. Þegar flautað
verður til leiks í Spörtu í haust
verður Gunnlaugur reynslunni rík-
ari, með endurbætta næringar-
áætlun fyrir hlaupið og með meiri
innlegg í hlaupabankanum en
nokkru sinni fyrr. Nú tekst þetta!
Dæmigerð helgi er 40 km á
laugardegi og 30 á sunnudegi
Morgunblaðið/Golli
Gunnlaugur Júlíusson Skrokkurinn? Hann er bara fínn. Aldrei betri.
ENN var rætt um ráðn-
ingu Jakobs F. Magn-
ússonar í starf fram-
kvæmdastjóra miðborg-
ar í gær. Ólöf Guðný
Valdimarsdóttir, að-
stoðarmaður borgar-
stjóra, sagði þannig í
tilkynningu að full ein-
ing hafi verið á skrif-
stofu borgarstjóra um
að ráða í stöðuna með
þeim hætti sem gert var. Þá sagði hún að
heiðarleika borgarstjórans skyldi ekki
draga í efa og óskaði eftir vinnufriði.
Aðstoðarmaðurinn bæðist vægðar
Óskar Bergsson, borgarfulltrúi Fram-
sóknarflokksins, sagði í framhaldinu að
Ólöf Guðný bæðist vægðar í umræðunni
um ítrekað klúður í stjórnsýslu borgar-
innar, og kvað borgarstjóra ekki ráða við
„það verkefni sem Sjálfstæðisflokkurinn
fól honum.“ Þá sagði Óskar það nokkuð
sérstakt að lögð sé jafn rík áhersla á heið-
arleika einstaklinga eins og borgarstjóri
og aðstoðarmaður hans geri. Kvað hann
Ólaf F. Magnússon sennilega hafa sýnt af
sér mestu óheilindi sem nokkur stjórn-
málamaður hafi gert, í stjórnarmynd-
unarviðræðum í borginni á kosninganótt
vorið 2006 og í janúar sl., þar sem hann
hafi logið að fyrrum samherjum sínum í
100 daga meirihlutanum.
Regína Ástvaldsdóttir, skrifstofustjóri
borgarstjóra, sendi einnig frá sér yfirlýs-
ingu þar sem hún sagðist fagna ráðningu
Jakobs. Hún hefði ráðlagt Ólafi F. Magn-
ússyni að auglýsa starfið, en staðfest að
heimild væri til þess að gera það ekki. Áð-
ur hafði Ólafur sagt á fundi í borgarstjórn
að það hefði verið sérstök ábending Reg-
ínu að ekki þyrfti að auglýsa starfið og
hann hefði treyst sínum skrifstofustjóra.
Enn tekist á um
miðborgarstjóra
Óskar
Bergsson
BJÖRGVIN G. Sigurðs-
son viðskiptaráðherra
var útnefndur Evr-
ópumaður ársins af
Evrópusamtökunum.
Þetta er í fimmta
skiptið sem Evrópusam-
tökin veita þessa við-
urkenningu en Björgvin
fékk hana að þessu sinni
fyrir elju sína og sinna
samtaka að kynna Evr-
ópumálin fyrir Íslendingum, segir í frétta-
tilkynningu. Áður hafa Einar Benedikts-
son, Jón Baldvin Hannibalsson, Sveinn
Hannesson og Þorvaldur Gylfason hlotið
þessa viðurkenningu.
Valinn Evrópu-
maður ársins
Björgvin G.
Sigurðsson.
SEX Íslendingar stefna nú að þátttöku í Járnkallskeppni (e. Iron Man)
sem haldin verður í Köln í byrjun september. Þetta er met því aldrei
hafa svo margir Íslendingar reynt sig í þessari erfiðu þríþraut fyrr.
Sá verður Járnkall sem tekst að synda 3,8 kílómetra, hjóla 180 kíló-
metra og að lokum að hlaupa eitt maraþon, 42,2 kílómetra, allt saman
innan tilsettra tímamarka.
Þeir sem ætla í Járnkallinn eru Steinn Jóhannsson, Gísli Ásgeirsson,
Torben Gregersen, Eiður Aðalgeirsson, Trausti Valdimarsson og Er-
lendur Birgisson. Í hópnum eru m.a. gamalreyndir langhlauparar sem
hafa tekið þríþrautarbakteríuna og ekki sett það fyrir sig að sækja
sundnámskeið í undirbúningsskyni, þótt miðjum aldri sé náð.
Gísli Ásgeirsson, tilvonandi Járnkall, segir að mikill hugur sé í hópn-
um. Nýlega hafi þeir tekið þátt í hlaupinu í kringum Þingvallavatn (65
km) í vondu veðri og það hafi hert hópinn ofboðslega.
Sex í einum Járnkalli
Í GÆRKVÖLD var færð á fjall-
vegum og heiðum norðanlands og
austan víða mjög slæm.
Mikil hálka var m.a. í Öxnadal, á
Ólafsfjarðarvegi og í Víkurskarði.
Að sögn lögreglunnar á Akureyri
höfðu fjórir keyrt út af og fleiri lent
í vandræðum vegna hálku en engin
slys orðið á fólki. Ökumönnum á
sumardekkjum var því ráðið frá því
að vera á ferðinni á þessum vegum.
Éljagangur var á Holtavörðu- og
Laxárdalsheiði. Ófært var og stór-
hríð á Steingrímsfjarðarheiði.
Hálkublettir voru á Siglufjarð-
arvegi, hálka og skafrenningur á
Lágheiði, hálka og éljagangur á
Öxnadalsheiði. Á Norðausturlandi
var snjóþekja, hálkublettir og élja-
gangur á Mývatnsheiði og Mý-
vatnsöræfum. Á Austurlandi voru
hálkublettir, krapi og éljagangur
mjög víða. Snjóþekja var á Öxi,
ófært á Hellisheiði eystri og þæf-
ingur á Vatnsskarði eystra. Greið-
fært var á öðrum leiðum, sam-
kvæmt upplýsingum frá
Vegagerðinni.Ljósmynd/Arnar Ólafsson
Víða hálka
og ófærð
til heiða
ÞINGLÝSTUM kaupsamningum
á höfuðborgarsvæðinu fækkaði
um 61,4% í apríl miðað við sama
mánuð í fyrra. Alls var 310 kaup-
samningum þinglýst í apríl í ár en
804 í sama mánuði í fyrra. Veltan
dróst saman um 60,8%, úr 24,4
milljörðum króna í 9,6 milljarða
króna. Þessar upplýsingar koma
fram á vef Fasteignamats ríkis-
ins.
Tölurnar staðfesta að verulegur
samdráttur hefur orðið á fast-
eignamarkaði á þessu ári. Í síð-
ustu viku var þinglýst 62 kaup-
samningum á
höfuðborgarsvæðinu. Það er örlít-
il aukning frá vikunni á undan. Í
fyrrahaust var algengt að 170-200
kaupsamningum væri þinglýst á
viku. Viðskiptin náðu hámarki um
miðjan september þegar 250
samningum var þinglýst.
Tölur Fasteignamatsins sýna
einnig að mun minna selst af dýr-
ari eignum. Ekki liggja fyrir tölur
frá Fasteignamatinu um fast-
eignaverð í apríl, en nafnverðið
lækkaði örlítið í febrúar og mars.
Fjöldi þinglýstra kaupsamn-
inga um fasteignir við sýslu-
mannsembættin á höfuðborgar-
svæðinu í aprílmánuði var 310.
Heildarvelta nam 9,6 milljörðum
króna og meðalupphæð á hvern
kaupsamning var 30,8 milljónir
króna. Viðskipti með eignir í fjöl-
býli námu 6 milljörðum, viðskipti
með eignir í sérbýli 2,3 milljörð-
um og viðskipti með aðrar eignir
1,3 milljörðum króna. Þegar apríl
2008 er borinn saman við mars
2008 fækkar kaupsamningum um
12,4% og velta minnkar um
20,2%. Í mars 2008 var þinglýst
354 kaupsamningum, velta var 12
milljarðar króna og meðalupphæð
á hvern kaupsamning 33,8 millj-
ónir króna. Þegar apríl 2008 er
borinn saman við apríl 2007 fækk-
ar kaupsamningum um 61,4% og
velta minnkar um 60,8%.
Kaupsamningum
fækkar mikið
61% færri samningar en í apríl í fyrra