Morgunblaðið - 10.05.2008, Blaðsíða 51

MORGUNBLAÐIÐ LAUGARDAGUR 10. MAÍ 2008 51
KVIKMYNDALEIKSTJÓRINN
Gore Verbinski kemur til með að
leikstýra kvikmynd út frá handriti
sem unnið var upp úr tölvu-
leiknum BioShock. Leikurinn fer
fram neðansjávar og segir frá
fyrrverandi fyrirmyndarríki þar
sem hlutirnir hafa farið á versta
veg.
Það er Universal Pictures fyr-
irtækið sem framleiðir myndina og
líklegt að handritið skrifi John
Logan en hann á að baki handrit
að myndunum Gladiator og Swee-
ney Todd. Verbinski ku vera mik-
ill aðdáandi tölvuleiksins og því
upplagður í verkefnið. BioShock
hefur hlotið mikið lof í leikjaheim-
inum, sagan þykir nokkuð marg-
slungin og allt útlit til fyr-
irmyndar og ekki þykir verra að
hafa hrollvekjandi sögupersónur.
Verbinski leikstýrði kvikmynd-
unum um sjóræningja á Kar-
íbahafi og auk þess hryllings-
myndinni The Ring.
BioShock Myndin mun líkt og leikurinn gerast neðansjávar.
BioShock kvikmyndaður
LEIKSTJÓRI og framleiðendur
nýrrar kvikmyndar eftir skáldsög-
unni Wuthering Heights eru sagðir
æfir eftir að Natalie Portman hætti
fyrirvaralaust og án skýringa við að
leika aðalhlutverkið í myndinni.
Áður höfðu bæði Sienna Miller
og Keira Knightley komið til greina
í hlutverk Cathy Earnshaw, en að
lokum var ákveðið að semja við
Portman. „Það má segja að hún
hafi dregið okkur á tálar. Við hefð-
um átt að gæta okkar betur,“ sagði
ónefndur heimildamaður innan
kvikmyndafyrirtækisins í samtali
við Daily Mail. Leikstjórinn John
Maybury og framleiðslufyrirtækin
Ecosse og HanWay voru ekki að-
eins reiðubúin að fela henni aðal-
hlutverkið í myndinni, heldur átti
hún líka að hafa sitt að segja um
það hver yrði ráðinn í hlutverk
Heathcliffs, elskhuga síns í mynd-
inni.
Hætti snarlega við
Portman Hætti skyndilega við hlut-
verk í Wuthering Heights.