Morgunblaðið - 12.07.2008, Síða 6

6 LAUGARDAGUR 12. JÚLÍ 2008 MORGUNBLAÐIÐ
FRÉTTIR
Eftir Önund Pál Ragnarsson
onundur@mbl.is
„VIÐ teljum að ríkið eigi að setjast aðeins niður
með okkur og reyna að semja um að draga úr
þessum kröfum. Sérstaklega eftir að kröfunum á
svæði 6, sem voru óvenjugrófar, var í flestum til-
fellum hafnað af óbyggðanefnd,“ segir Örn Bergs-
son, formaður Landssamtaka landeigenda á Ís-
landi. Stjórn samtakanna hefur lýst yfir furðu
sinni og vonbrigðum með að ríkisvaldið skuli ekki
draga lærdóm af úrskurði óbyggðanefndar varð-
andi austanvert Norðurland, sem nefnt hefur ver-
ið svæði 6, og afturkalla landakröfur sínar á vest-
anverðu Norðurlandi, sem samtökin segja
fráleitar.
Stjórnin telur með miklum ólíkindum ef ríkið
ætli sér að halda kröfum sínum og óbilgirni í þjóð-
lendumálinu til streitu eftir það sem á undan sé
gengið.
Ríkið fari hægar í sakirnar
Samtökin segja landakröfurnar ekki heldur í
samræmi við boðskap Árna Mathiesen fjármála-
ráðherra frá því í febrúar sl., þ.e. að ríkið ætlaði
eftirleiðis að fara hægar í sakirnar í þjóðlendumál-
um en áður. „Okkur sýnist að kröfurnar nú séu í
raun dauðadæmdar fyrirfram,“ segir Örn og vísar
í úrskurð nefndarinnar frá 6. júní síðastliðnum.
Kröfurnar nú séu svo líkar kröfum sem þá voru
hafðar uppi að málið hljóti að falla á sama veg.
„Það er bara verið að eyða lögfræðikostnaði í
þetta,“ bætir hann við.
Kröfur ríkisins á svæði 7, sem nær frá Fnjóská
að Blöndu, hafa þegar verið lagðar fyrir Óbyggða-
nefnd.
Vonbrigði með kröfur ríkisins
Morgunblaðið/RAX
Svæði 7 Vestur-Húnavatnssýsla og afréttir upp frá Svartárdal eru m.a. á svæði 7.
„Kröfurnar dauðadæmdar fyrirfram,“ segja Landssamtök landeigenda í harðorðri yfirlýsingu
ÞESSAR ungu stúlkur voru spenntar að fá að
komast á bak hestunum í Fjölskyldu- og hús-
dýragarðinum nú í vikunni. Þegar mest er stíga
um 50 manns, fólk á öllum aldri, á bak á degi
hverjum og fara í stuttan reiðtúr. Í garðinum er
að finna fjóra reiðskjóta, þrjár hryssur og einn
hest. Í hópnum eru mæðgurnar Dagvör og Gola.
Dagvör og hryssan Hilda eru reyndastar
hrossanna en ungum knöpum er þó fullgott og
allsendis óhætt að stíga á bak Golu og Fylki sem
eru yngri. Þó er allur varinn hafður á og eru all-
ir knapar með hjálma. skulias@mbl.is
Morgunblaðið/Ómar
Beðið með eftirvæntingu eftir að stíga á bak
FRÉTTASKÝRING
Eftir Þorbjörn Þórðarson
thorbjorn@mbl.is
STRÆTÓ þarf að hafa nokkra eig-
inleika til þess að virka sem raun-
verulegur valkostur fólks. Einn
þessara eiginleika er tímasparnaður.
„Þegar farþegi tekur strætó í Hafn-
arfirði og er jafn fljótur eða jafnvel
fljótari í vinnuna í Reykjavík en
einkabíllinn erum við fyrst orðin
samkeppnishæf. Því þá er bæði
ódýrara og fljótlegra eða jafn-
fljótlegt að komast á þann hátt á
áfangastað,“ segir Reynir Jónsson,
framkvæmdastjóri Strætó bs.
Fjöldi bílastæða í miðborginni
sem hlutfall af fjölda starfa er mjög
mikill í Reykjavík. Það er auðvelt að
finna stæði enda nóg af þeim.
„Við erum með 780 bílastæði á
hver 1.000 störf, samanborið við 250
að meðaltali í evrópskum borgum og
550 stæði á hver 1.000 störf í banda-
rískum borgum,“ segir Gísli Mar-
teinn Baldursson, formaður um-
hverfisráðs Reykjavíkurborgar.
Spurður hvort ekki sé erfitt að
snúa þessari þróun við úr þessu seg-
ir Gísli að það sé vel framkvæm-
anlegt. „Farþegum með strætó
fækkaði jafnt og þétt í 25 ár jafnvel
þótt ráðist hefði verið í hinar ýmsu
aðgerðir til að sporna við þróuninni.
Mitt mat er að við höfum snúið þessu
við með Grænu skrefunum þar sem
miklu betri strætó var fyrsta skref-
ið. Í því fólst bæði að færa náms-
mönnum námsmannakortið og bæta
þjónustuna. Bara sú breyting að
strætó sé ekki að keyra tómur um
borgina hefur mjög mikla þýðingu
fyrir ímyndina. Ég tel því að unnið
hafi verið þrekvirki, en það er alltaf
hægt að gera betur,“ segir Gísli
Marteinn.
„Hér kostar ekkert að leggja, mið-
að við það sem það kostar erlendis.
Hér er refsingin við því að leggja
ólöglega, eða greiða ekki í stöðu-
mæli, mjög smávægileg miðað við
það sem þekkist erlendis. Þetta hef-
ur greinilega áhrif. Ef ökumaður
fengi mun hærri sekt, myndi hann
hugsa sig tvisvar um að leggja ólög-
lega. Það er ódýrara að fá sektina en
að borga í mælinn,“ segir Reynir.
Þétta þarf leiðakerfið
„Það þarf að þétta leiðakerfið
þannig að stutt sé fyrir farþega að
komast að næsta skýli, því það er
auðvitað hamlandi fyrir þá að fara
langar vegalengdir til að komast að
skýli meðan bíllinn bíður í innkeyrsl-
unni,“ segir Reynir.
Í mörgum þeim borgum sem
Reykjavík er borin saman við er við-
miðið um þéttni leiðakerfis um það
bil 350 metrar en í Reykjavík er hún
allt að 750 metrar. Er þetta einn
margra þátta sem spila inn í þegar
metinn er skortur á hvata fyrir fólk
til að hvíla einkabílinn.
Reykjavík algjör bílaborg
 Vantar hvata fyrir fólk til að hvíla einkabílinn í þéttbýli  Nóg af stæðum og lág-
ar bílastæðasektir hjálpa ekki til  Þétta þarf leiðakerfi Strætó svo stutt sé í skýli
Ingi Gunnar Jóhannsson hjá
Hugarflugi ehf. hefur gefið út svo-
kallað beinlínukort fyrir leiðakerfi
strætó. Er það hannað með að-
ferðum sem beitt hefur verið í
sambærilegri kortagerð víða er-
lendis og einfaldar framsetningu
leiðakerfis töluvert. Er kortið
þannig að miðað er við beina línu
frá öllum áfangastöðum strætó,
ekki ósvipað kortum neðanjarð-
arlesta sem menn þekkja til dæm-
is frá Lundúnum. Hægt er að nálg-
ast kortin hjá upplýsingamið-
stöðvum ferðamanna víða um
borgina og í anddyrum hótela.
Framkvæmdir standa yfir vegna
forgangsakreinar fyrir strætis-
vagna á Miklubraut frá Skeiðar-
vogi í austri að þeim stað sem for-
gangsakreinin er núna, til móts
við gamla Framheimilið í Skip-
holti. „Það var eitt af Grænum
skrefum að auka forgang strætis-
vagna í umferðinni og þær fram-
kvæmdir sem standa yfir núna eru
hluti af þeirri aðgerð,“ segir Gísli
Marteinn. Ráðgert er að fram-
kvæmdum ljúki í næsta mánuði.
Nýtt kort og forgangsakreinar
ÖSSUR Skarphéðinsson iðnaðar-
ráðherra segir gagnrýni bæjar-
stjóra Akureyrar á ákvörðun hans
um að láta Gjástykki í umhverfis-
mat á misskilningi byggða. „Það er
eins og bæjarstjórinn og aðrir sem
hafa tjáð sig um málið geri sér ekki
grein fyrir því að það er stefna
sveitarfélaganna að Gjástykki verði
aftast í framkvæmdaröð virkjana,“
segir Össur.
Hann bætir við að einnig sé yfir-
lýst stefna sveitarfélaganna að
virkja ekki í Gjástykki fáist nægileg
orka á öðrum svæðum. „Það er því
út í hött að halda því fram að þessi
ákvörðun leiði til tafa á fram-
kvæmdum ef Skipulagsstofnun
leyfir framkvæmdirnar á annað
borð.“
Landsvirkjun fer sér of hægt
Össur bendir á að norðanmenn
óttist greinilega að þeir hafi ekki
næga orku ef ráðist verði í stóriðju.
Hann segir þó að þeir ættu heldur
að beina spjótum sínum að Lands-
virkjun og spyrja hvers vegna
fyrirtækið hafi ekki hraðað bor-
unum á Þeistareykjum – þar sé
meiri orku að finna en talið hefur
verið.
Ráðherrann segir það einnig sína
skoðun að Landsvirkjun hafi farið
sér of hægt þar og undrast hve
seint gangi að hefja djúpboranir
enda séu þar fólgnir mestu mögu-
leikar landsins í orkuöflun til fram-
tíðar.
Össur telur ennfremur að Lands-
virkjun hafi lagt of mikið kapp á að
afla orku fyrir álver á suðvestur-
horninu en hefði þess í stað átt að
einbeita sér að því að afla orku fyr-
ir norðausturhornið.
Iðnaðarráð-
herra svarar
gagnrýni
ÚRSLIT liggja
fyrir í allsherj-
aratkvæða-
greiðslu Félags
framhaldsskóla-
kennara og Fé-
lags stjórnenda í
framhaldsskól-
um um breyt-
ingar og fram-
lengingu á kjara-
samningi Kenn-
arasambandsins og fjármálaráð-
herra. Samningurinn var sam-
þykktur með rösklega 74% at-
kvæða, 22,4% greiddu atkvæði á
móti samningnum. Á kjörskrá voru
1.620 manns. Auðir seðlar og ógild-
ir voru 25 eða 3,4%.
Kennarar
sögðu já
Kennarar hafa
flestir sagt já.
Össur skammar Landsvirkjun
mbl.is | Sjónvarp