Morgunblaðið - 12.07.2008, Blaðsíða 9

MORGUNBLAÐIÐ LAUGARDAGUR 12. JÚLÍ 2008 9
FRÉTTIR
FRÉTTASKÝRING
Eftir Andrés Þorleifsson
andresth@mbl.is
„FJÖLDINN hefur tvöfaldast frá
lok árs 2006,“ segir Valdís Ásta
Aðalsteinsdóttir, upplýsingafulltrúi
Flugmálastjórnar, um þyrlueign
landsmanna. „Þá voru þyrlurnar
fimm og höfðu verið þrjár til fimm
árin þar á undan, en fjölgaði á árinu
2007 um helming,“ bætir hún við, en
nú eru skráðar ellefu þyrlur á Ís-
landi. Af þeim eru átta skráðar á
opinbera aðila og félög, en þrjár til
einkaflugs.
Hverjir nota þyrlur?
Jón Kjartan Björnsson, flug-
rekstrarstjóri Norðurflugs, segir
viðskiptahópinn breiðan, til dæmis
sé um að ræða stofnanir, verktaka,
íslenska og erlenda ferðamenn auk
kvikmyndatökufólks. Hann segir
þyrluflug sérstaklega vinsælt meðal
útlendinga sem stoppi stutt við á
landinu, þeir fari gjarnan í flug upp
á jökul og taki slík ferð oft ekki
nema um klukkustund.
Sindri Steingrímsson, flugrekstr-
arstjóri Þyrluþjónustunnar, tekur í
sama streng hvað varðar breidd við-
skiptamannahópsins og fullyrðir að
þyrluflug sé ekki eingöngu fyrir ríkt
fólk, flestir viðskiptavina fyrirtæk-
isins séu „venjulegt fólk“. Fyrirtæk-
ið rekur nú fjórar þyrlur, en tvær
bættust við í fyrra. „Þetta sem við
erum að bjóða eru yfirleitt einn til
fjórir, fimm klukkutímar. Síðan
kemur eitt og eitt verkefni í
tengslum við aðra ferðaþjónustuað-
ila þar sem við fljúgum fyrir þá úti á
landi,“ útskýrir Sindri.
Tæplega 30 þús. fyrir flugferð
Forsvarsmenn beggja þyrluflug-
félaganna vilja meina að þyrluflug sé
ekki jafndýrt og margur haldi. Eins
til eins og hálfs tíma ferð um
Reykjavík, upp í Hvalfjörð og til
Þingvalla í fimm manna þyrlu kosti
25-30 þúsund krónur á mann, og
staðhæfir Sindri hjá Þyrluþjónust-
unni að Íslendingar sem fari í slíkar
ferðir komi nær undantekningar-
laust aftur í aðra ferð.
Fáar kvartanir
Aukin þyrlueign og fréttaflutn-
ingur af mikilli þyrluumferð virðist
ekki skila sér nema í litlum mæli í
kvörtunum til Flugmálastjórnar.
„Fjöldi formlegra kvartana vegna
umferðar þyrlna sem borist hafa
Flugmálastjórn það sem af er þessu
ári er innan við fimm en eitthvað
hefur borist af fyrirspurnum sím-
leiðis varðandi reglur um
lágmarksflughæð þyrlna og heim-
ildir til lendinga utan valla,“ segir
Valdís, sem heldur þó að um aukn-
ingu sé að ræða sem sé í samræmi
við aukna þyrlueign.
Sindri tekur undir orð Valdísar og
tekur sem dæmi að síðasta mánu-
dag, þegar mikið þyrluflug var til
Þingvalla, hafi hann fengið fyrir-
spurnir frá áhugasömu fólki sem
hafi tekið eftir þyrlunum, en engar
kvartanir hafi borist. „Það er einn og
einn í blöðunum sem er að kvarta yf-
ir því að ríka fólkið sé að gera eitt-
hvað, en menn gleyma því að þetta
er ekki bara ríkt fólk, þetta er [aðal-
lega venjulegt] fólk.“
Landið að þyrlast upp
Morgunblaðið/Árni Sæberg
Hversu lágt mega þyrlur
fljúga?
Lágmarksflughæð þyrlna er 500
fet (150 m) yfir óbyggðum og 1000
fet (300 m) yfir þéttbýli nema í flug-
taki og lendingu. Þessar reglur eru
þær sömu og í almannaflugi.
Hvað eru margar þyrlur
á Íslandi?
Í dag eru þær 11, árið 2006 voru
þær fimm. Þrjár eru í einkaeigu, þar
af er ein heimasmíðuð.
Hvaða reglur gilda um
flug þyrlna?
Helsti munur á flugi þyrlna og
annarra loftfara er að lenda má þyrl-
um utan valla utan þéttbýlis með
leyfi landeiganda, en slíkt má ekki án
leyfis Flugmálastjórnar á flugvélum.
Vilji nágranni kvarta yfir lendingum
utan valla utan þéttbýlis þá er það á
grundvelli grenndarréttar sem ná-
granni getur gert athugasemdir, t.d.
ef meiri hávaði eða ónæði er af flug-
inu en eðlilegt má teljast.
S&S
Opið virka daga frá kl. 10-18 Laugardaga frá kl. 10-16
• Engjateigi 5
• Sími 581 2141
Glæsilegir sumarkjólar
á stórútsölu
50% afsláttur
Kringlunni • Simi 568 1822
www.polarnopyret.is
Afmælisþakkir
Öllum sem heimsóttu okkur á afmælishátíðina á
Staðarbakka 28. júní sl. færum við hugheilar
þakkir fyrir gjafir, góðar óskir og hlý orð. Kóra-
fólkinu fyrir ljúfan söng. Síðast en ekki síst
þökkum við þeim sem lögðu fram ómælda vinnu
við undirbúning og skipulag. Dagurinn verður
okkur ógleymanlegur. Guð blessi ykkur.
Anna Guðmundsdóttir,
Magnús Guðmundsson.
Hlýr nærfatnaður
í útileguna,
stuttar og síðar
Litir: Beinhvítt og svart
Óbreytt verð
Póstsendum
Laugavegi 82,
á horni Barónsstígs
sími 551 4473
Í EINA tíð þegar stjarna Michael Jordan skein sem
skærast í NBA-deildinni í körfuknattleik greip um sig
æði alls staðar í heiminum. Ungmenni klæddust Jord-
an-skóm og þegar menn voru ekki að æfa sniðskotið úti
á næsta velli voru þeir að skiptast á körfuboltamynd-
um. Rauða spjaldið var líka vinsælt og krakkar fylltu
möppur sínar með íslenskum knattspyrnumönnum.
Síðan kom poxið og ungmenni þessa lands köstuðu
járnhlunki í stafla af hringlaga pappaspjöldum. Snudd-
urnar nutu líka mikilla vinsælda og krakkar sáust vart
úti nema með hrúgu af misstórum snuðum úr plexigleri
dinglandi um hálsinn. Í dag safnar yngri kynslóðin svo-
kölluðum Yu-gi-oh-spilum.
Yu-gi-oh-spilið er byggt á vinsælum japönskum
manga-teiknimyndum. Spilið er gríðarlega vinsælt um
allan heim en þó aðallega í Bandaríkjunum, Evrópu og
Ástralíu. Spilið gengur út á að reyna að fella óvininn
með útsjónarsemi og beita svokölluðum skrímslaspilum
til þess. Skrímslaspilin eru mismunandi sterk og sér-
staklega merkt eftir stöðu, árásarstigum og varn-
arstigum. Hver leikmaður má hafa allt að fimm
skrímslaspil í leik á hverjum tíma.
Þeir sem eldri eru spila Magic, en það eru sambæri-
leg söfnunarspil. Í Magic er sá sem spilar galdramaður
sem setur niður ýmsa vætti og reynir að fella andstæð-
inginn með brögðum. Kortaspil af þessum toga eru
ekki hlutverkaspil og eru einfaldari í notkun en hlut-
verkaleikir eins og Djöflar og dýflissur, en slíkir leikir
eru í bókum, oft á ensku, sem krefjast töluverðrar yf-
irlegu af leikmanninum.
Verslunin Nexus á Hverfisgötu stendur fyrir mótum
á föstudögum í bæði Yo-gi-oh og Magic þar sem leik-
menn mætast í keppni og láta reyna á færni sína í spil-
unum. thorbjorn@mbl.is
Morgunblaðið/G.Rúnar
Yu-gi-oh spil njóta vaxandi
vinsælda hér á landi