Morgunblaðið - 26.08.2008, Síða 4

4 ÞRIÐJUDAGUR 26. ÁGÚST 2008 MORGUNBLAÐIÐ
FRÉTTIR
Eftir Unu Sighvatsdóttur
unas@mbl.is
ÓLYMPÍUGLEÐINNI er enn ekki lokið enda
varla að þjóðin hafi náð sér niður úr sigurvímu
helgarinnar. Á miðvikudaginn gefst Íslendingum
færi á að þakka fyrir skemmtun síðustu vikna og
bjóða strákana okkar velkomna heim með silfrið,
því þá verður ekið með handboltalandsliðið auk
hinna ólympíufaranna niður Laugaveginn og þeir
loks hylltir með viðhöfn á Arnarhóli.
Ríkisstjórnin, Reykjavíkurborg og Íþrótta- og
ólympíusamband Íslands boða til fagnaðarfund-
arins og má búast við fjölmenni í skrúðgöngunni
og við Arnarhól, en keppendurnir koma til lands-
ins frá Peking fyrr um daginn.
Morgunblaðið/Brynjar Gauti
Silfur Fálkaorðan bætist nú í orðusafnið.
Fagnaðarfundur og fálkaorða
 Boðað hefur verið til fagnaðarfundar íslensku þjóðarinnar við ólympíufarana
 Forseti Íslands hefur heitið handboltaliðinu fálkaorðunni fyrir frammistöðuna
Að athöfninni lokinni er stefnt að því að hand-
boltamönnunum fjórtán, auk þjálfara liðsins og
formanns Handknattleikssambands Íslands, verði
veitt fálkaorðan á Bessastöðum, í tilefni þess að
liðið vann til silfurverðlauna fyrir hönd íslensku
þjóðarinnar. Ólafur Ragnar Grímsson, forseti Ís-
lands, hefur sagst ætla að sæma landsliðið orðunni
við fyrsta tækifæri en þó án þess að athöfnin rek-
ist á við hátíðahöldin á miðvikudaginn. Allajafna
fer afhending orðunnar fram við áramót og á
þjóðhátíðardaginn 17. júní, en við sérstök tækifæri
eru þau veitt á öðrum dögum.
Ísland á fyrir þrjá ólympíuverðlaunahafa, þau
Vilhjálm Einarsson, Bjarna Friðriksson og Völu
Flosadóttur. Þau hafa öll einnig hlotið heiðurs-
merki hinnar íslensku fálkaorðu fyrir afrek sín.
Í HNOTSKURN
»Ferð ólympíufaranna hefstá Hlemmi kl. 18 á miðviku-
daginn og verður þeim ekið í
opnum vagni niður Laugaveg
að Arnarhóli þar sem þjóðin
mun hylla þá um klukkan
18:30.
»Hin íslenska fálkaorða eryfirleitt afhent tvisvar
sinnum á ári, 31. desember og
17. júní, eftir tillögum orðu-
nefndar. Forsetinn getur þó
veitt orðuna án tillögu orðu-
nefndar og utan hins hefð-
bundna tíma ef sérstakt tilefni
þykir til.
FRÉTTASKÝRING
Eftir Helga Bjarnason
helgi@mbl.is
EKKI hefur verið útfært hvernig
siðareglur verða settar fyrir stjórn-
sýslu ríkisins, hvorki að formi né efni.
Til stendur að skipa starfshóp á veg-
um forsætisráðuneytisins til að setja
saman drög að slíkum reglum.
Í stefnuyfirlýsingu núverandi ríkis-
stjórnar er kveðið á um að ráðherr-
um, alþingismönnum og stjórnsýslu
ríkisins verði settar siðareglur. Sam-
kvæmt upplýsingum frá forsætis-
ráðuneytinu er reiknað með að starfs-
hópur forsætisráðherra um málið
skili af sér í byrjun næsta árs. Unnið
hefur verið að undirbúningi, meðal
annars með gagnaöflun um það
hvernig þessum málum er háttað í
nágrannalöndunum.
Tilgangur siðareglna er að sporna
við spillingu og efla traust almenn-
ings á stjórnsýslunni. Í stefnuyfirlýs-
ingu ríkisstjórnarinnar eru ráðherrar
og alþingismenn nefndir til sögunnar,
auk almennu stjórnsýslunnar. For-
sætisráðherra getur sett ráðherrum
og aðstoðarmönnum þeirra reglur,
eins og gert hefur verið í sumum ná-
grannalanda, eða lagt til lögfestingu
slíkra reglna. Hins vegar er spurning
hvort ekki sé eðlilegra að Alþingi setji
siðareglur um þingmenn.
Flókið getur verið að setja sam-
ræmdar siðareglur fyrir stjórnsýslu
ríkisins vegna þess hversu ólíkar
stofnanirnar eru. Þannig er einungis
um fjórðungur af starfseminni á veg-
um ráðuneyta og stofnana sem fara
með opinbert vald. Meginhluti starf-
seminnar er í heilbrigðis- og mennta-
stofnunum þar sem fjölmargar fag-
stéttir hafa sínar eigin siðareglur.
Viðmið um góða starfshætti
Fjármálaráðuneytið tók saman og
gaf út með dreifibréfi í byrjun árs
2006 viðmið fyrir góða starfshætti
ríkisstarfsmanna. Auk almennra við-
miða er lagt fyrir stjórnendur stofn-
ana að meta það sjálfstætt hvenær og
í hvaða tilfellum sé rétt að setja frek-
ari viðmið í formi leiðbeinandi reglna
eða siðareglna. Þær eiga að fela í sér
nánari útlistun á því hvernig æskilegt
sé að starfsmaður bregðist við þegar
siðferðileg álitamál koma upp í starfi.
Í fimm ára gamalli skýrslu Ríkis-
endurskoðunar eru niðurstöður skoð-
anakönnunar sem benda til að 15%
stofnana í opinberri stjórnsýslu hafi
þá siðareglur og tæp 40% hafi það í
hyggju. Eftir að fjármálaráðuneytið
gaf út sín viðmið hafa einhverjar
stofnanir hafið þessa vinnu en ekki er
til yfirlit um hversu margar hafa lokið
henni með setningu siðareglna. Hins
vegar er víða komið inn á efnið í
gæða- og árangursstjórnunarkerfum
sem unnið er eftir í mörgum stofn-
unum, auk laga um stjórnsýslu og
ríkisstarfsmenn.
Spornað við spillingu
 Til stendur að stofna starfshóp til að leggja drög að siðareglum fyrir ráðherra
og stjórnsýslu ríkisins  Áformað að hópurinn skili áliti í byrjun næsta árs
Ítarlegar siðareglur hafa verið
settar fyrir stjórnsýsluna í Bret-
landi og Bandaríkjunum en mis-
munandi leiðir farnar. Þá hefur
umræða á Norðurlöndunum og
víðar leitt til þess að reglur hafa
verið settar um einstaka þætti.
Í bresku reglunum er m.a. kveð-
ið á um að ráðherrar skuli gæta
þess að opinberar skyldur þeirra
rekist ekki á við einkahagsmuni
þeirra. Þeir mega ekki þiggja gjaf-
ir eða greiða sem gætu haft áhrif
á dómgreind þeirra eða skuld-
bundið þá með óeðlilegum hætti.
Birtur er listi yfir gjafir til ráð-
herra sem eru meira en sem svar-
ar um 11 þúsund íslenskum kr.
Þegar ráðherrar taka til starfa
verða þeir að upplýsa ráðuneytið
um hagsmunatengsl sín, maka og
nánustu fjölskyldu.
Nýir ráðherrar í dönsku stjórn-
inni þurfa að fylla út eyðublað um
fjárhagsstöðu sína og maka og
fjárhagsleg tengsl og jafnvel um
aðild að vissum félagasamtökum.
Í Noregi hafa verið settar reglur
sem takmarka möguleika ráð-
herra á að taka við starfi hjá
einkafyrirtækjum sem eru á mál-
efnasviði sem ráðherrann sinnti.
Þurfa að upplýsa um fjárhagsleg tengsl
REYKJAVÍKURBORG greiðir enn
Marsibil Sæmundardóttur og Mar-
gréti Sverrisdóttur föst laun vara-
borgarfulltrúa þrátt fyrir að þær
starfi ekki lengur með þeim flokki
þar sem þær voru á lista í kosn-
ingum.
Varaborgarfulltrúar skiptast í
tvo hópa þegar kemur að launa-
kjörum. Annars vegar fær fyrsti
varaborgarfulltrúi hvers lista föst
laun og eiga þau að vera fullnaðar-
greiðsla fyrir öll nefndarstörf
þeirra. Þessi laun eru 70% af
grunnlaunum borgarfulltrúa en
geta bæði skerst og hækkað eftir
því hvernig störfum þeirra í nefnd-
um er háttað. Grunnlaun borgar-
fulltrúa eru aftur 80% af þingfarar-
kaupi, þannig að borgarfulltrúar fá
nú 433.376 krónur en varaborgar-
fulltrúar í þessum hópi 303.363
krónur.
Í hinum hópnum eru allir aðrir
varaborgarfulltrúar og aðrir kjörn-
ir fulltrúar í nefndum og ráðum.
Þeir fá þá greitt fyrir hverja nefnd
sem þeir sitja í sem aðalmenn og
jafnframt í hvert skipti sem þeir
koma inn í nefnd sem varamenn.
Marsibil hefur ákveðið að starfa
sem óháð með minnihlutanum frek-
ar en með Framsóknarflokknum.
Slíkt hefur ekki áhrif á launakjör
hennar. Sama á við um Margréti
Sverrisdóttur, sem var kosin vara-
maður Ólafs F. Magnússonar fyrir
F-listann en hefur nú sagt skilið við
þann flokk og situr sem óháð.
andresth@mbl.is
Marsibil
Sæmundardóttir
Margrét
Sverrisdóttir
Fá enn greidd
sömu laun
EFTIRSPURN hefur aukist eftir
Henson-íþróttafatnaði undanfarið.
Kemur það til vegna Ólympíu-
leikanna í Peking en íslenskir ól-
ympíufarar klæðast að mestu leyti
Henson-klæðnaði. Til dæmis var ís-
lenska handboltalandsliðið íklætt
Henson-göllum þegar það tók við
silfrinu á dögunum.
„Allir aðrir voru frá toppi til táar
[í Henson], þjálfararnir og far-
arstjórarnir og allt,“ segir Esther
Magnúsdóttir hjá Henson. Þá hafi
stuðningsliðið og Þorgerður Katrín
Gunnarsdóttir menntamálaráðherra
klæðst bolum frá fyrirtækinu.
Búningarnir eru ekki fáanlegir
eins og er en þeir eru væntanlegir á
næstu dögum. skulias@mbl.is
Henson í
ólympíusókn
SPENNANDI er að fara fótgangandi í skólann á fyrsta skóladeginum þó að
snúið geti verið að fara eftir umferðarreglunum og ganga á gangstéttinni.
Svona var umhorfs á sunnanverðri Bárugötunni í Reykjavík upp úr klukkan
átta einn morguninn þegar sex ára stúlka lagði af stað í skólann í fyrsta sinn.
Ljósmynd/Oddur Björnsson
Nú er úr vöndu að ráða fyrir unga dömu