Morgunblaðið - 31.08.2008, Blaðsíða 2

2 SUNNUDAGUR 31. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Andra Karl
andri@mbl.is
AUKNAR fjárveitingar og væntanleg ný rann-
sóknarstofa eru að breyta landslaginu í hjarta-
þræðingum á Landspítalanum. Um 200 manns
voru á biðlista fyrir rúmu ári og
lengdist biðlistinn þegar líða tók
á árið. Þegar mest var biðu um
250 manns eftir hjartaþræð-
ingu. Sá listi hefur styst mikið á
undanförnum mánuðum og
kemur til með að styttast enn
frekar á þeim komandi.
„Okkur hefur tekist að setja í
þetta kraft. Það voru settir svo-
litlir fjármunir í að vinna lengur
á daginn og meira um helgar en
einnig til að taka bráðatilvikin hraðar í gegn. Það
hefur gert okkur kleift að kalla fleiri inn og nú er-
um við komin niður í um 170 sjúklinga á biðlista,“
segir Guðmundur Þorgeirsson, sviðsstjóri lækn-
inga á lyflækningasviði. Afköstin hafa aukist veru-
lega á undanförnum mánuðum og enn er útlit fyrir
að hægt sé að gera betur.
„Við erum með tvær rannsóknarstofur og það
hefur verið einn flöskuháls. Nú er verið að setja
upp þriðju rannsóknarstofuna. Búið er að kaupa
tækin og verið að breyta húsnæðinu.“
Þokast allt í rétta átt
Með breytingum á húsnæði verður meðal ann-
ars aukið legurými fyrir þá sjúklinga sem hraðast
fara í gegn, þ.e. þurfa ekki að dvelja yfir nótt á
spítalanum. „Þetta þokast því allt í rétta átt.“
Á síðasta ári voru gerðar tæplega 1.800 hjarta-
þræðingar á Landspítalanum en 1.600 árið áður.
Enn er reiknað með að þeim fjölgi á þessu ári, lík-
lega í uppundir 1.900 þræðingar. Og ekki er útlit
fyrir annað en að eftirspurnin haldi áfram að vaxa.
Tvær ástæður eru fyrir því helstar. „Í fyrsta lagi
lifa Íslendingar sífellt lengur og lengur,“ segir
Guðmundur. „Og í öðru lagi lifa fleiri með hjarta-
sjúkdóm.“
Afar vel gengur að meðhöndla bráðakransæða-
stíflur, s.s. með skyndilegri eða tafarlausri krans-
æðavíkkun eða -þræðingu. Sérstakri vakt er hald-
ið úti allan sólarhringinn, árið um kring, og
bráðakransæðastífla því nær ávallt meðhöndluð
þannig.
„Fyrir vikið eru miklu fleiri sem lifa með krans-
æðasjúkdóm og það kallar auðvitað á aukna þjón-
ustu. Þetta fólk fær kannski sömu einkenni síðar,
þannig að umfang þessrar starfsemi mun í eðli
sínu, að öllum líkindum, halda áfram að vaxa.“
Vonast er til að rannsóknarstofan nýja komist í
gagnið í nóvember eða desember.
Styttri bið eftir hjartaþræðingum
Guðmundur
Þorgeirsson
Undirbúningur Hjartaþræðingum fer fjölgandi.
Í HNOTSKURN
»Árið 2006 voru gerðar um1.600 hjartaþræðingar á
Landspítalanum. Ári síðar
voru þær komnar upp í tæp-
lega 1.800.
» Í ár er gert ráð fyrir aðhjartaþræðingar á LSH
fari upp undir 1.900 og þeim
haldi áfram að fjölga á næstu
árum.
»Um mitt ár í fyrra voru um200 sjúklingar á biðlista
eftir hjartaþræðingu. Með
átaki hefur tekist að grynnka
á listanum sem telur nú um
180 sjúklinga. Útlit er fyrir að
hann styttist á næstunni.
ANDARNEFJURNAR tvær, sennilega kýr með
kálf, hafa haldið til á Akureyrarpolli í á þriðju
viku. Ekkert fararsnið er á þeim og virðist þeim
líka lífið á Pollinum. Þær vekja mikla athygli
gesta og gangandi, sérstaklega þegar þær leika
listir sínar, stökkva, berja sporðblöðkunni í vatnið
eða stinga hausnum upp úr sjónum, þá er stund-
um eins og þær séu að fylgjast með áhorfendum.
Myndin var tekin á stökkæfingu á fimmtudag.
Ljósmynd/Jóhann Óli Hilmarsson
Leika listir sínar á Pollinum
Eftir Þorbjörn Þórðarson
thorbjorn@mbl.is
UM 60 starfsmenn Rauða krossins,
frá 25 löndum, auk starfsmanna
Rauða kross Íslands [RKÍ], hafa
fundað á Selfossi nú um helgina.
Um er að ræða samráðsvettvang
landsfélaga Rauða krossins og
Rauða hálfmánans. Landsfélögin
koma saman árlega í þeim tilgangi
að samhæfa aðgerðir. Um er að
ræða landsfélög landa sem veita
mest fé til verkefna Rauða krossins
á heimsvísu.
„Þetta er hugsað sem samráðs-
vettvangur til þess að taka fyrir það
sem er efst á baugi í hreyfingunni og
eins að skipuleggja hvernig aðgerð-
um verður háttað,“ segir Sólveig
Ólafsdóttir, sviðsstjóri hjá Rauða
krossinum.
Náin samvinna Norðurlanda
Fundinn sækja framkvæmda-
stjórar og formenn landsfélaga
Rauða krossins og helstu for-
ystumenn alþjóðasambands og al-
þjóðaráðs Rauða krossins. Lands-
félög Rauða krossins, sem eru 186
talsins, hafa haft sameiginlega
stefnu fyrir árin 2000-2010. „Nú
leggjum við línur fyrir helstu verk-
efni næstu tíu ára,“ segir Sólveig.
Rauði krossinn hefur lagt áherslu
á fjögur meginþemu sem öll lands-
félög starfa eftir; neyðarvarnir og
neyðarviðbrögð, heilbrigðismál og
heilsugæslu, útbreiðslu mann-
úðarboðskapar og stuðning við sam-
félög þannig að þau verði betur í
stakk búin til þess að bregðast við
áföllum. „Við erum að ræða hvort við
eigum að halda þessum fjórum þem-
um áfram. Eða hvort eitthvað hafi
breyst sem kallar á nýjar áherslur,“
segir Sólveig.
Rauði kross Íslands hefur að-
allega sinnt verkefnum í sunn-
anverðri Afríku undanfarið. Lands-
félögin mynda sín á milli bandalög,
þannig að norski, danski og finnski
Rauði krossinn, sem hafa allir starf-
að mikið í sunnanverðri Afríku,
standa saman og skiptast á að senda
sérfræðinga sem eru til halds og
trausts fyrir landsfélög viðkomandi
landa. Norðurlöndin hafa aðallega
sinnt verkefnum í Malaví, Mósambík
og Suður-Afríku.
RKÍ er aðallega í Malaví og Mós-
ambík. Sinna sjálfboðaliðar RKÍ
m.a. aðhlynningu í heimahúsum fyr-
ir alnæmissmitaða til þess að þeir
útskúfist ekki úr sínu samfélagi.
Einnig eiga sjálfboðaliðarnir náið
samstarf við Lækna án landamæra
[LÁL] og önnur hjálparsamtök. Sér-
fræðingar á vegum LÁL sjá um að
útvega viðkomandi sjúklingum lyf
og aðra læknishjálp meðan sjálf-
boðaliðar RKÍ líta eftir sjúkling-
unum og athuga m.a. hvort þeir taki
lyfin á réttan hátt.
Línur lagðar á Selfossi
 Landsfélög Rauða krossins á heimsvísu funda á Selfossi  Leggja línurnar til
næstu tíu ára í starfi samtakanna  RKÍ starfar aðallega í Malaví og Mósambík
LÖGREGLAN á Suðurnesjum leit-
aði um hádegisbil í gær enn manns
sem skaut af loftbyssu á íbúðarhús
sem stendur við Faxabraut í Kefla-
vík aðfaranótt laugardags. Hún
taldi sig þó vita hver var að verki.
Tilkynnt var um skotárásina
skömmu fyrir klukkan tvö og sáu
íbúar til mannsins þar sem hann
mundaði byssuna. Skot hæfðu rúðu
hússins.
Íbúar gátu gefið lögreglu grein-
argóða lýsingu á skotvopninu og
bifreið sem maðurinn var á við
þriðja mann. Að sögn lögreglu er
málið litið alvarlegum augum og
eru mennirnir hvattir til að gefa sig
fram. andri@mbl.is
Skaut úr loft-
byssu í rúðu
LÍKLEGT þykir að fellibylurinn
Gustav, sem þegar hefur orðið yfir
70 manns að bana á leið sinni yfir
Karíbahafið, skelli á New Orleans
og nágrenni á mánudag. Íbúum
borgarinnar er enn í fersku minni
er fellibylurinn Katrína skall á
borginni árið 2005 með þeim afleið-
ingum að yfir 1.800 manns létu lífið.
Lýst hefur verið yfir neyðar-
ástandi í Louisiana og Texas. Yf-
irvöld í New Orleans vinna nú að
undirbúningi og er ráðgert að fólki
verði senn gert skylt að yfirgefa
borgina, þeir sem verði eftir geri
það á eigin ábyrgð.
Borgaryfirvöld hafa gert ráðstaf-
anir svo fólk finni sér enga afsökun
til að verða eftir. Útvegaðar hafa
verið 700 rútur til að koma fólki
burt. Ráðgert er að útgöngubann
taki gildi eftir að tilskipun um
brottflutning rennur út. Lögreglan
mun um helgina verða á ferð um
hverfi borgarinnar til að tryggja að
enginn fari á mis við skilaboðin.
En fjöldi fólks beið ekki eftir
formlegri tilskipun. Umferð-
arþungi út úr borginni var þegar
orðinn verulegur þegar leið á
helgina og hafði fólk fyllt bíla sína
vistum. jmv@mbl.is
Undirbúa
brottflutning í
New Orleans
Hver eru helstu markmið Rauða
krossins?
Alþjóðahreyfing Rauða krossins og
Rauða hálfmánans, sem spratt upp
af löngun til að veita þeim sem særst
höfðu á orrustuvelli hjálp án mann-
greinarálits, reynir með alþjóðlegu
starfi og starfi landsfélaga að koma í
veg fyrir og létta þjáningar fólks hvar
sem það er statt. Tilgangur hreyfing-
arinnar er að vernda líf og heilsu og
tryggja virðingu fyrir mannlegu lífi.
Hún vinnur að gagnkvæmum skiln-
ingi, vináttu, samstarfi og var-
anlegum friði meðal allra þjóða.
Hvaða verkefnum sinnir RKÍ?
Um þessar mundir eru stærstu verk-
efni RKÍ í Malaví og Mósambík þar
sem samtökin sinna m.a. aðhlynn-
ingu fyrir alnæmissmitaða. Alnæm-
isverkefni RKÍ í Malaví er eitt það
stærsta sinnar tegundar í landinu.
S&S