Skinfaxi - 01.12.1995, Qupperneq 52
Uppbygging í umhverfismálum
Kópavogsbœr byggöist mjög hratt upp og því sátu umhverfismálin oft á hakan-
um. Á síöustu 10 árum hefur þó oröiö mikil breyting á, eftir aö fariö var aö sinna
þessum málaflokki aö einhverju ráöi. Cert hefur veriö stórátak í frágangi opinna
svœöa og stofnanalóöa bœjarins. Einnig hefur stígagerö og gróöursetning trjá-
plantna veriö aukin til mikilla muna.
Útivistarsvæ&i
Aðalbyggðin í Kópavogi liggur nú á
Kársnesi og Digraneshálsi og afmark-
ast af skjólgóðum dölum, Fossvogsdal
og Kópavogsdal, en þar er verið að
gera stór útivistarsvæði. Vart þarf að
fjölyrða um gildi þess aö íbúar hafi
aðgang að slíkum svæðum í ná-
grenninu. Báðir dalirnir munu tengj-
ast neti útivistarsvæða þannig að
hægt verður að ganga eða hjóla, ör-
uggur frá bílaumferð, alla leið upp í
Heiðmörk.
„Lengi tekur sjórinn vflb"
Til skamms tíma var skólpi frá byggð-
inni veitt beint í sjóinn, og jafnvel í
Kópavogslæk, og mengun með
ströndinni slík að ekki var hægt aö
mæla meö leik í fjörunni. En fjaran er
mikilvægt útivistarsvæði sem hefur
upp á margt að bjóða. Nú hillir undir
að fjaran fái aftur sinn fyrri sess, líkt
og þegar sjóböð voru stunduð í Foss-
vogi.
Því er aö þakka einu stærsta verk-
efni á sviöi umhverfismála hérlendis
sem nú er langt komið og horfur eru
á að verði lokið á næstu 2 árum. Um
er að ræða hreinsun Skerjafjarðarins
og voganna með því að tengja skólp-
lagnir frá Kópavogi og Garöabæ hol-
ræsakerfi Reykjavíkurborgar. Skólpinu
verður dælt í sameiginlegri fráveitu að
hreinsi- og dælustöð viö Ánanaust þar
sem það verður grófhreinsað og síðan
dælt út fyrir Akurey þannig aö öll
mengun á fjörum hverfur. Við Akurey
taka straumarnir í Faxaflóa við, flytja
skolpið fjær landi og þynna það
þannig að gerlarnir brotna niður í
söltum sjónum.
„Fuglinn í fjörunni. . ."
Kópavogsleirurnar eru eitt helsta við-
komusvæði farfugla á höfuðborgar-
svæðinu og hafa lengi verið á náttúru-
minjaskrá. Þangað leggja fuglaskoðar-
ar oft leið sína og eru nú uppi
hugmyndir um að bæta aðstöðu
þeirra á svæðinu. í tilefni 40 ára af-
mælis Kópavogsbæjar 1995 samþykkti
bæjarstjórn að friðlýsa leirurnar í sam-
vinnu viö Garðabæ.
Umhverfisfræbsla
Aö undanförnu hefur verið mikil um-
ræða um umhverfisfræðslu í skólum
landsins. Umhverfisfræösla var fyrst
tekin upp í Vinnuskóla Kópavogs árið
1991 með styrk úr pokasjóði Land-
verndar, og hefur verið síðan. Mark-
miðið með fræðslunni er að vekja
unglinga (14-16 ára) til umhugsunar
um umhverfi sitt í víðu samhengi og
þá gjarna tengjaþemað við þau störf
sem unnin eru. Árið 1995 var starf-
andi sérfróður umhverfisfulltrúi við
Vinnuskóla Kópavogs. Hann heim-
sótti alla vinnuflokka og kom af stað
umræðum um umhverfismál. Sem
dæmi um það sem tekiö var fyrir var
fræðsla um skógrækt og jarðvegseyð-
ingu, mengun og sorp. Farið var á
námskeið í Sorpu, í náttúruskoðunar-
ferðir og skógræktarferð. Þessi fræðsla
heldur vonandi áfram, því auk þess að.
vera tilbreyting frá daglegum störfum
unglinganna er mikilvægt að þeir geri
sér grein fyrir að þeir eru einnig
ábyrgir og að „umhverfiö sé í þeirra
höndum".
Friðrik Baldursson
garðyrkjustjóri
Kópavogsbœjar
J