Sjómannablaðið Víkingur - 01.02.1952, Page 1

SJOMAIXIIM ABLAÐIÐ
U 1 K 1H Q U R
ÚTGEFANDI: FARMANNA- OG FISKIMANNASAMBAND ÍSLANDS
XIV. árg. 1.-2. tbl. Reykjavík, janúar-febrúar 1952.
SVEINN BJÖRNSSON
FORSETI ÍSLAIMDS
J^ORSETI íslands, herra
Sveinn Björnsson, er
látinn. Hann lézt árla
morguns hinn 25. dags
janúarmánaðar. Öll þjóð-
in varð harmi lostin. Hann
var einlægur vinur þjóð-
ar vorrar og ástmögur
hennar, sem hinn fyrsti
forseti að fengnu frelsi,
eftir alda áþján. Allir
þeir, er þekktu hann að
nokkru, vissu hve ant hon-
um var um heill og heiður
þjóðar vorrar. Allar stétt-
ir þjóðfélagsins áttu þar
vin, er hann var, hinn
vitri og ljúfi samninga-
maður. — Eigi hvað sízt
harmar hin íslenzka sjó-
mannastétt þennan höfð-
ingja þjóðarinnar. Þeir úr stétt vorri, er urðu
honum kunnugir, urðu þess fljótt varir, hve
skilningsgóður og víðsýnn hann var á þarfir
vorar að því er viðkom siglingum og sjó-
mennsku. Forusta hans og glöggskyggni við
stofnun hins fyrsta íslenzka skipafélags mun
seint úr minni líða. Þá er og öllum þeim, er
á mál hans hlýddu við
hátíðleg tækifæri, minnis-
stæður áhugi hans og vel-
vild í garð allra fram-
faramála þjóðarinnar á
öllum sviðum athafnalífs-
ins. Þjóðin er því við frá-
fall þessa mæta manns
og þjóðhöfðingja lostin
harmi, en um leið blessar
hún minningu ágæts son-
ar ættjarðar vorrar. For-
setafrú Georgiu Björns-
son og börnum þeirra
votta ég fyrir hönd sam-
taka vorra og frá eigin
brjósti einlæga samúð
vora. Minning forsetans
er oss kær. Svo helgar
þjóðin bezt minningu hins
látna þ jóðarvinar, að stíga
á stokk og strengja þess heit, að vinna að sí-
auknum framförum og samstarfi til sigurs
fyrir ættjörð vora.
Ástkær þjóðhöfðingi er látinn. Ættjörðin
lifir og kallar á manndómsmenn að nýju.
Ás(/. Sigurösson.

LANDSBOKAGArN
JV* 8S0G9
ISIANDS
V I K I N G U R
1