Sjómannablaðið Víkingur - 01.02.1973, Blaðsíða 2
öllum sviðum. Ný skip með nýjum
tækjum kalla á menntun og þjálf-
un þeirra manna, sem eiga að
stjórna þeim ef fyllsti árangur
á að nást. Þess vegna hefur F. F.
S. 1. beitt sér fyrir því, að haldin
verði námskeið við Stýrimanna-
skólann og Vélskólann þar sem
skipstjórnarmönnum og vélstjór-
um gefst kostur á námi í nýjustu
tækni á þessum vettvangi.
Á þessari stundu er ekki vitað
hvenær þetta getur orðið, því að
það þarf nokkum undirbúning.
Menntamálaráðuneytið á þakk-
ir skildar fyrir þann skilning,
sem það hefir sýnt þessu máli, en
það hefir veitt nokkurn fjárstyrk
í þessu skyni. Nú reynir á að út-
vegsmenn, sem hvað mestra hags-
muna hafa að gæta á þessum vett-
vangi bregðist vel við og veiti
mönnum, sem þeir hyggjast hafa
á þessum skipum stuðning til
námsins. 1—2 mánuðir í skólun-
um ættu að geta bætt nokkuð úr
brýnni þörf.
Þegar rætt er um menntun sjó-
manna verður ekki komizt hjá að
minnast á tillögu, sem samþykkt
var á aðalfundi L. 1. U. sem hald-
inn var dagana 28.—80. nóv. s.l.
þess efnis, að draga stórlega úr
námi vélstjóra frá því, sem nú er.
Það á að vera bót við því að ekki
hefir verið hægt að manna alla
fiskibátana vélstjórum, eins og
lög gera ráð fyrir vegna þess, að
tekjuvonin þeim til handa hefir
ekki staðizt samkeppni frá öðrum
atvinnugreinum.
Samgönguráðuneytið hefir oft
verið greiðvikið á undanþágur
frá tilskildum réttindum til vél-
stjórnar á fiskiskipin, þó keyrði
fyrst um þverbak eftir að ráð-
herra sá, sem fer nú með þessi
mál lét þau boð út ganga á síðasta
vori að undanþágur frá vélstjóra-
réttindum skuli vera undir eftir-
liti verkalýðs- og sjómannafélaga
á viðkomandi stöðum. Á sama
tíma og vélskólapiltar komu frá
námi á síðastliðnu vori og sóttust
eftir störfum á fiskibátunum þá
voru veittar hömlulausar undan-
þágur vítt um landið.
Ef til vill spyrja menn: Er
nokkur þörf á menntun sjó-
manna? Hvort það þurfi mennt-
un til þess að veiða fisk, eða til
þess að sigla á milli ákveðinna
staða? Þarf menntun til vél-
stjórnar, þegar sjálfvirkni er orð-
in svo mikil. Ég fullyrði, að
menntunarþörf sjómanna er af
flestum vanmetin.
Fyrir nokkru var þáttur í sjón-
varpinu þar sem rætt var um
menntun ýmissa starfshópa. Þar
komu fram fulltrúar iðnaðar-
manna, bænda og háskólamanna.
Þessir heiðursmenn komu víða
við í rabbi sínu, en enginn þeirra
minntist á að til væri í þessu landi
skóli fyrir sjómenn eða að hans
væri nokkur þörf.
Þegar þetta er ritað (21. jan.),
þá er ekki annað sýnilegt en að
vinnustöðvun. á togurunum sé á
næsta leiti. Framleiðsla frystihús-
anna í Reykjavík og nágrenni
stöðvast. Ég ætla ekki að deila á
neinn í þessu sambandi. Hér er á
ferðinni gamli di'augurinn, sem
helríður öllu, sem hann kemst í
snertingu við, þrjózkan og skiln-
ingsleysi, — oftast beggja aðila.
Allir vita að framleiðslutækin
mega ekki stöðvast. Það verður
að greiða áhöfnum skipanna það
góð laun, að þangað sæki sem dug-
mestir menn. Það er allra krafa
að lausn á launadeilum fáist með
öðru móti en því að stöðva aðal-
framleiðslutæki þjóðarinnar þar
til annar hvor deiluaðilinn gefur
eftir af kröfum sínum og þjóðfé-
lagið hefir tapað ótöldum milljón-
um.
Það er ósk mín að hið nýbyrj-
aða ár megi veita okkur þann
skilning og víðsýni að við getum
nýtt auðlindir okkar ágæta lands
í sátt og samlyndi. Á þann hátt
gerum við hagsæld okkar mesta.
Gleöilegt ár.
Nýjustu
Þrið j udaginn 16. janúar sl.
renndi hinn nýi skuttogari Bæj-
arútgerðar Reykjavíkur inn á
höfnina í Reykjavík.
Nafn skipsins er „Bjarni Bene-
diktsson“ og er fyrsta skipið af
sex togurum, sem Spánverjum
var falið að smíða fyrir íslend-
inga eftir samningi, sem gerður
var við Spánverja af fyrrver-
andi ríkisstj órn, Viðreisnar-
stjórninni.
Ætlunin er að Bæjarútgerð
Reykjavíkur eignist þrjú af skip-
unum, Hafnarfjarðarbær eitt og
Akureyrarkaupstaður tvö.
„Bjami Benediktsson" er 970
brúttólestir að stærð eftir nýju
mælingunni og 68 m langur. Sam-
kvæmt frásögn Tímans, en eng-
um frá samtökum sjómanna hef-
ur verið boðið að skoða skipið,
eru tvær aðalvélar í skipinu af
MAN gerð 1400 hestöfl hvor.
Reyndist ganghraðinn vera 16
sjómílur í reynsluför os kaup-
verð skipsins 150 milljónir króna,
sem hækka mun upp í 200 millj.
kr. um það leyti sem skipið verð-
ur talið sjóklárt, eftir því sem
forstjórinn Þorsteinn Arnalds
lét hafa eftir sér í fyrrgreindu
blaðaviðtali. Þá berast fregnir um
að heilmiklar stillingar fari nú
fram á hinum flókna vélbúnaði
skipsins. Bendir það til þess að
eftirlitið hafi ekki verið nægjan-
lega gott með smíðinni?
Þetta rifjar upp, hvort alveg
hafi verið rétt að fara eftir um-
sögn sumra þessara manna um
skip þau er samtök sjómanna
stóðu að - Úthaf hf. En samtökin
vildu fyrir tveimur árum festa
kaup á tveimur lítt notuðum skut-
togurum á Spáni fyrir meira en
helmingi lægra verð en þessi skip
eru keypt fyrir og hefðu auk þess
verið búin að afla drjúgt fyrir
kostnaðarverði sínu, meðan verið
var að smíða þennan dýrgrip. Um-
mæli fyrrgreindra manna um
skip Úthafs h/f urðu þess vald-
VÍKINGUR
2