Sjómannablaðið Víkingur - 01.03.1981, Qupperneq 13

Ég er kominn yfir
strikið fyrir löngu
Rætt við Halldór Hallgrímsson skipstjóra á Svalbak
Þegar blaðamaður átti leið um
Akureyri fyrir skömmu, frétti
hann að Dóri á Svalbak væri í
landi þessa dagana. Það var óðar
slegið á þráðinn til Dóra og spurt
hvort hann væri ekki til í að spjalla
svolítið um lífið og tilveruna. Er-
indið var auðsótt, en þó hnýtti
Dóri því aftan við að hann hefði
svo sem ekkert að segja.
Maðurinn heitir réttu nafni
Halldór og er Hallgrímsson, ætt-
aður frá Dagverðará undir Jökli.
Þessvegna lá beinast við að spyrja
Dóra að því hvort hann hefði
aldrei orðið var við æðri strauma
úr Jöklinum. Hann hlær við og
neitar því með öllu, um leið og
hann hellir kaffi i tvær krúsir sem
standa á borðinu.
„En fólki í minni sveit var tíð-
rætt um ýmis dulræn öfl sem voru
þá gjarnan tengd Jöklinum. Mað-
ur ólst upp við þetta og þótti ekk-
ert athugavert þótt maður heyrði
gengið um eða bankað á dyr án
þess nokkur gæfi sig fram. Ég trúi
ekki á drauga þótt ég vilji ekki af-
neita slíku. Ég er eins og hund-
arnir og hringa mig bara saman!
Mér hafa ekki áskotnast neinir
dulrænir hæfileikar þótt ég hafi
alist upp undir verndarvæng
Bárðar Snæfellsáss... er gjör-
sneyddur öllu slíku. Andskota-
kornið að mig dreymi nokkurn-
tímann. Aftur á móti hef ég oft
verið með berdreymnum mönn-
um til sjós, síðast í túrnum núna
um áramótin síðustu. Útlitið var
nú ekkert sérlega gott í byrjun
túrsins, en þá kom einn til mín og
sagði að við fengjum í skipið, sig
hefði dreymt fyrir því. Við yrðum
bara að bíða rólegir, það kæmi
ekki strax.
Og það stóð heima. í fyrstunni
var ekkert að hafa, en svo rættist
úr því og við komum að landi með
fullan bát.“
Halldór hefur starfað hjá Út-
gerðarfélagi Akureyringa frá ár-
inu 1956, að hann lauk við Sjó-
mannaskólann. Hann byrjaði
sem skipstjóri á síðutogaranum
Svalbak árið 1963 og síðan hafa
nöfnin Halldór og Svalbakur ver-
ið órjúfanleg. Flestir þekkja nú
Halldór Hallgrímsson undir
nafninu „Dóri á Svalbak“, og
togarinn Svalbakur er sjaldan
nefndur á nafn öðruvísi en minnst
sé á Dóra. Þegar skuttogarinn
Svalbakur kom til Akureyrar árið
1973, tók Dóri við honum.
„Ég kann skínandi vel við
hann,“ svaraði Dóri þegar hann
var inntur eftir því hvernig skipið
reyndist. „Það er ekki hægt að
hugsa sér það betra. Við smíði
togarans hefur verið mikið lagt
upp úr því að búa vel að mann-
skapnum og sú hlið málanna er öll
til fyrirmyndar.
Það er af sem áður var, þegar
kallarnir stóðu á meðan stætt var
og fleygðu sér svo kannski niður á
dekkið í nokkrar mínútur.
Annars hef ég nú heyrt menn
vera að hrósa sér af því nú nýverið
að hafa haldið sjálfum sér og
mannskapnum vakandi í 72 tíma.
VÍKINGUR
13