Sjómannablaðið Víkingur - 01.03.1982, Page 61

íslensk skipasaga Fjölva:
V anþekking og fordómar
Meðal bóka, sem út komu fyrir
jól 1980, var Skipabók Fjölva
með sérstökum kafla, sem bar
heitið íslensk skipasaga. Um þessa
bók var fjallað í jólablaði Víkings
árið 1980 og þar segir m.a. um ís-
lenska kaflann: „Þessi íslenski
kafli er bæði fróðlegur og
skemmtilegur aflestrar og ætti að
vera kærkomin lesning öllum þeim
sem áhuga hafa á siglingum og
sögu skipa.“
Ástæða þess að ég sting niður
penna um þetta atriði hér, er að ég
er ekki sammála þessari umsögn
um íslenska kaflann í bókinni, því
þar er mikið af villum og einnig eru
ýmis ummæli í kaflanum á þann
veg að auðsjáanlegt er að höfund-
ar þjást af fordómum út í þá, sem á
landsbvggðinni búa og afla gjald-
eyris fyrir þjóðarbúið. Ég ætla hér
á eftir að gera nokkra grein fyrir
þeim villum, sem ég hef rekið aug-
un í, en vil um leið taka fram að
hér er ekki um f ullkomna úttekt að
ræða og verið getur að villurnar
séu miklu fleiri og væri gott að þeir
sem þckkingu hafa á þessum mál-
um bæti við þessar athugasemdir
mínar.
ísbjörn, en ekki Ásbjörn
Á blaðsíðu 264 (1. dálkur neð-
arlega) segir svo: „Kratafélög á
ísafirði stórhuga með 4 nýja 80
brl. Svþ.báta, Samvinnufélag
Finnbjörn og Ásbjörn . . .“
Ásbjörn Samvinnufélagsins var
ekki 80 brl., ég man eftir Ásbirni
hér á Isafirði og var það ca. 45
tonna bátur, þ.e. einn af „gömlu“
Samvinnufélagsbátunum. Hér
hefði frekar átt að standa Finn-
björn og ísbjörn.
Særún var í flutningum
Á einum stað (bls. 264, ofarlega
í 2. dálki) stendur: „Einar Guðf. í
Bolv. keypti 100 brl. Svíþjóðarbát
Hugrúnu. Þrátt fyrir lélega höfn,
heppinn að hún komst í Hval-
fjarðarsíld. en síðar í flutningum,
sks. Leifur Jónss.“
Ég man ekki eftir Hugrúnu í
flutningum, en man hins vegar
eftir henni hér um slóðir sem
fiskiskipi, sennilega fram yfir
1960. Verið getur að Hugrún hafi
VÍKINGUR
61