Sjómannablaðið Víkingur - 01.12.2000, Side 19

Togaraskipstjórar vilja breytingu á viðmiðunarmörkum við skyndilokanir á þorski
Nú er nóg komið
Skipstjórar á 21 togara sendu skeyti fyrir skömmu til
sjávarútvegsráðherra þar sem þeir mótmæla sí-
felldum skyndilokunum vegna smáfisks á togslóð fyrir
Vestfjörðum, Norðurlandi og Austurlandi. Þeir vilja
lækka viðmiðunarmörk á smáfiski úr 55 sentimetrum í
50 svo unnt verði að halda uppi veiðum. Sjávarútvegs-
ráðherra segir þetta ekki hafa komið til umræðu ennþá.
Hins vega sé staðan óþægileg og athugað verði hvaða
möguleikar eru fyrir hendi. í skeyti skipstjóranna segir:
„Þar sem á liðnu ári virðist vera aukin gengd af
smærri fiski en verið hefur síðastliðin 2 til 3 ár á veiði-
svæðum fyrir Vestfjörðum, Norðurlandi og Austurlandi,
er nú svo komið að skyndilokanir og nú síðast reglu-
gerðarlokun, sem nær frá Halamiðum allt austur á
Strandagrunn, gerir togurum nær ókleift að stunda
veiðar á þessu svæði. Fari svo fram sem horfir, verður
komin reglugerðarlokun frá Víkurál norður og austur og
suður um allt að Hvalbak. Við teljum að nú sé nóg kom-
ið. Reglugerð á Hornbanka, skiljuhólf í Þverál og nú
reglugerðin frá 6. desember. Það þarf ekki glöggan
mann til að sjá að allt að 90% af veiðislóð togara fyrir
Vestfjörðum og Norðvesturlandi er lokuð eða háð veru-
legum takmörkunum.
Við undirritaðir skipstjórar förum fram á að viðmiðun-
armörkum við skyndilokanir á þorski verði breytt og þau
færð niður úr 55 sentimetrum í 50 sentimetra, sem telst undirmáls-
fiskur. Fordæmi eru fyrir að það hafi verið gert í að minnsta kosti
tvö skipti, í 53 og 50 sentimetra. Við teljum að þetta sé eina leiðin til
að skapa frið um nýtingu á þessum svæðum. Aðrar leiðir, sem
ræddar hafa verið, svo sem stækkun möskva í 155 millimetra og
skiljunotkun, hafa að okkar mati það stóra óvissuþætti í för með sér
um það hvað verður um fiskinn eftir möskvasmug og það að fara í
gegnum skiljurist.” ■
Hvalveiðar að nýju
Enn er ekki Ijóst hvenær hvalbátarnir geta hafið veiðar á ný
í fjárlögum ársins 2000 er gert ráð fyrir að varið verði 15 millj-
ónum króna til kynningar á stefnu íslands í hvalamálum og sama
fjárhæð áætluð til kynningar á næsta ári. Greiddar hafa verið rúm-
ar átta milljónir króna til verkefnisins. Sérstök kynning á hvalamál-
um hefur verið undirbúin í Bandaríkjunum. Framkvæmd hennar
verður hafin eftir að nýr forseti hefur tekið við völdum vestan hafs.
Jafnframt er sjávarútvegsráðuneytið að skoða hver áhrif innganga
íslands í hvalveiðiráðið að nýju hefði og þar með hver lagaleg
staða okkar yrði.
Þetta kom meðal annars fram í svari Árna M. Mathiesen sjávar-
útvegsráðherra á Alþingi við fyrirspurn Svanfríðar Jónasdóttur um
kynningu á þingsályktun um hvalveiðar. í þeirri ályktur er kveðið á
um að ríkisstjórnin skuli hefja undirbúning að hvalveiðum, meðal
annars með því að kynna stefnu íslands í hvalamálum meðal við-
skiptaþjóða landsins. í svari ráðherra kemur fram að í samræmi
við þetta hafi verið lögð sérstök áhersla á að kynna stefnu íslands
í hvalamálum á fundum sjávarútvegsráðherra með fulltrúum ann-
arra þjóða, fulltrúum frjálsra félagasamtaka og blaðamönnum.
Ráðherra hefur til dæmis átt fundi með sendiherrum fjölmargra
ríkja. Meðal þeirra eru Bandaríkin, Kanada, Japan, Þýskaland og
Kína. Fréttamenn frá m.a. frönskum, breskum, bandarískum,
þýskum, kanadískum, spænskum og norrænum fjölmiðlum hafa
átt viðtöl við sjávarútvegsráðherra sem hefur gert þeim grein fyrir
stefnu íslands í hvalamálum. Sjávarútvegsráðherra segir að unnið
sé að málinu á grundvelli þingsályktunarinnar með það að mark-
miði að hefja hvalveiðar að nýju.
Sjómannablaðið Víkingur -19