Sjómannablaðið Víkingur - 01.12.2000, Blaðsíða 64

Frumvarp til laga um breytingu á lögum um Lífeyrissjóð sjómanna
Framlag
launagreiðanda hækki
um tvö prósent
Guðjón A. Kristjánsson alþingismaður
hefur lagt fram frumvarp til laga um
breytingu á lögum um lífeyrissjóð sjó-
manna. Samkvæmt frumvarpinu skal ið-
gjald til sjóðsins nema 12% af heildarlaun-
um og greiðir launþegi 4% og launagreið-
andi 8%. Lög þessi öðlist þegar gildi. í á-
kvæði til bráðabirgða segir að tvö pró-
sentustig af greiðslu launagreiðanda myndi
ekki réttindi til lífeyris frá gildistöku laga
þessara til 31. desember 2006.
í greinargerð með frumvarpinu segir að
um alllangt skeið hafi eignir Lífeyrissjóðs
sjómanna ekki staðið undir framtíðarskuld-
bindingum sjóðsins samkvæmt trygginga-
fræðilegu mati. Stjórn sjóðsins hefur leitað
leiða til að minnka muninn milli eigna hans
og skuldbindinga. í nokkur skipti hafa verið
gerðar lagabreytingar sem allar hafa haft í
för með sér mikla skerðingu á lífeyrisrétt-
indum sjóðfélaga í Lífeyrissjóði sjómanna. Þrátt fyrir þetta vantar
enn um 2.185 millj. kr. eða 3,2% til þess að eignir sjóðsins standi
undir skuldbindingum hans samkvæmt tryggingafræðilegu mati
miðað við árslok 1999.
Háar greiðslur vegna örorku
Ennfremur segir í greinargerðinni:
Með því að hækka lögbundið framlag launa-
greiðanda í Lífeyrissjóð sjómanna um tvö þró-
sentustig, án þess að lífeyrisréttindi sjóðfélaga
aukist, er stigið mikilvægt skref í þá átt að brúa
það sem upp á vantar til að sjóðurinn eigi fyrir
framtíðarskuldbindingum sínum. Auk þess er það
réttlætismál að launagreiðendur leggi fram sinn
skerf og taki þátt í því að koma sjóðnum á réttan
kjöl. Til þess hníga ýmis rök, svo sem afar háar
greiðslur Lífeyrissjóðs sjómanna vegna örorkulíf-
eyris sem er afleiðing af því hversu hættulegt sjó-
mannsstarfið er. Á undanförnum árum hefur ör-
orkulífeyrir verið nálægt 45% af heildarlífeyris-
greiðslum Lífeyrissjóðs sjómanna. Sambærilegt
hlutfall hjá öðrum lífeyrissjóðum er mun lægra, í
sumum tilfellum allt niður í 20%.
í frumvarpinu er lagt til að þessi hækkun á hlut-
fallsgreiðslu launagreiðanda myndi ekki aukinn
rétt til lífeyris til 31. desember 2006. Þess í stað muni auknar
greiðslur í sjóðinn af þessum toga notaðar til þess að auka eignir
svo að þær geti staðið undir framtíðarskuldbindingum og bætt hag
sjóðfélaga.
Þjóðhagsáætlun fyrir árið 2001
Sjö prósent samdráttur
í framleiðslu sjávarafla
Iþjóðhagsáætlun fyrir árið 2001 sem lögð var fram í október segir
að útlit sé fyrir að þorskafli á íslandsmiðum verði 230 þúsund
tonn á fiskveiðiárinu 2000/2001, sem er um 9,5% samdráttur frá
síðasta fiskveiðiári. Reiknað er með að annar botnfiskafli aukist um
1,6%. Þá er gert ráð fyrir að annar afli dragist saman um 11%, þar
af er reiknað með að afli Uþþsjávarfiska, loðnu og síldar, dragist
saman um 15% og rækju um fimm og hálft prósent. Að öllu saman-
lögðu gerir Þjóðhagsstofnun ráð fyrir að framleiðsla sjávarafurða á
milli áranna 2000 og 2001 dragist saman um sjö prósent.
Fyrstu sjö mánuðina í ár var verðmæti útfluttra sjávarafurða 55,7
milljarðar króna og hafði dregist saman um 5,9% frá sama tíma
árið 1999. Verðlag sjávarafurða lækkaði minna eða sem nemur
2,5% og því telst magn útfluttra sjávarafurða hafa minnkað um
3,5%. Útflutningur landfrystra afurða minnkaði um 5,6% og útflutn-
ingur sjófrystra afurða minnkaði um 13.1%. Útflutningur afurða
botnfisksöltunar jókst um 4,8% en útflutningur loðnuafurða dróst
saman um 1% og verð þeirra lækkaði um 5%.
Við þetta er því að bæta að gert er ráð fyrir að útflutningur sjáv-
arafurða hafi rétt úr kútnum þegar líða tók á árið og búist við að
hann verði í heild óbreyttur frá fyrra ári.
64 - Sjómannablaöið Víkingur