Sjómannablaðið Víkingur - 01.12.2000, Page 32

Árni Sverrisson, Guðlaugur Jónsson og Guðjón Ármann Einars-
son, Aldan
Magnús Guðmundsson, Halldór Guðbjörnsson, Verðandi og Högni
Skaftason, Sindri
Jónas Ragnarsson og Ingvi R. Einarsson FSK
Um virka samkeppni í sjávarútvegi
Formannaráðstefna Farmanna- og fiskimannasambands íslands,
haldin í Keflavík dagana 23. og 24. nóvember 2000, fagnar breyt-
ingum á samkeppnislöggjöfinni, sem taka gildi í desember 2000.
Þessar breytingar fela í sér m.a. öflugra eftirlit með samruna fyrir-
tækja og skerpingu á reglum varðandi misnotkun markaðsráðandi
fyrirtækja á samkeppnismörkuðum.
Formannaráðstefnan krefst þess að samkeppnisyfirvöld / stjórn-
völd grípi nú þegar til aðgerða og uppfylli skyldu sínu um að eðlileg
samkeppni ríki varðandi verðmyndun á sjávarfangi. Til að ná þessu
markmiði krefst formannaráðstefnan að útgerð fiskiskipa verði skil-
greind sem sjálfstæð atvinnugrein og fiskvinnsla sem önnur sjálf-
stæð atvinnugrein. Aðeins með aðskilnaði milli veiða og vinnslu er
hægt að sýna trúverðuga afkomu í rekstri greinanna tveggja. Með
þessu móti verða sköpuð skilyrði fyrir verðmyndun á fiski á sam-
keppnislegum grunni. Slíkt verðmyndunarfyrirkomulag er nauðsyn-
leg forsenda fyrir hagkvæmni og framgangsríkum rekstri í íslensk-
um sjávarútvegi.
Um endurskoðun laga um stjórn fiskveiða
Formannaráðstefna Farmanna- og fiskimannasambands íslands,
haldin í Keflavík dagana 23. og 24. nóvember 2000, beinir því til
sjávarútvegsráðherra að hann beiti sér fyrir því að sú nefnd sem
hann skipaði til þess að endurskoða og koma með tillögur til breyt-
inga á lögum um stjórn fiskveiða, hraði störfum og skili niðurstöðum
í síðasta lagi fyrir næstu áramót. Upphaflega var nefndinni ætlað
að skila niðurstöðum til ráðherra fyrir 1. september 2000.
Um útflutning á óunnum fiski
Formannaráðstefna Farmanna- og fiskimannasambands íslands,
haldin í Keflavík dagana 23. og 24. nóvember 2000, skorar á stjórn-
völd að afnema þá reglu sem gildir um vigtun á óunnum fiski til út-
flutnings. Einnig verði kvótaálagið með öllu afnumið. Jafnframt
telja samtökin það gróflega mismunun að fiskiskip á aflamarki skuli
lúta ákvæði um kvótaálag en afli krókabáta til útflutnings er laus við
álagið.
Greinargerð:
Við útgáfu reglugerðar nr. 496/2000 um veiðar í atvinnuskyni fisk-
veiðiárið 2000/2001, voru gerðar nokkrar breytingar á ákvæði sem
snertir álag á aflamark þegar botnfiskur er seldur óunninn á erlend-
an markað. Samkvæmt þessari nýju reglugerð er álagið lækkað úr
20% í 15% á þorski og sömuleiðis lækkað úr 15% í 10% á ýsu,
ufsa, karfa og grálúðu, en óbreytt í öðrum kvótabundnum botnfisk-
tegundum. Einnig er gerð sú breyting að álagið er fellt niður með
öllu ef fiskur er endanlega vigtaður hér á landi og skráður í afla-
skráningakerfið Lóðs fyrir útflutning. Sú úrtaksvigtun sem fylgir
þessu kerfi leiðir til þess að fiskur verður fyrir skemmdum sökum
umstöflunar sem síðan leiðir óhjákvæmlega til lægra verðs á er-
lendum mörkuðum. Slík niðurstaða skilar af sér lægri tekjum til sjó-
manna, útgerðar og þjóðarbúsins. Af þessum sökum telja samtökin
nauðsynlegt að afnema með öllu ákvæði um kvótaálag og sérstak-
ar vigtarreglur fyrir óunninn fisk til útflutnings.
Um Landhelgisgæslu íslands
Formannaráðstefna Farmanna- og fiskimannasambands íslands,
haldin í Keflavík dagana 23. og 24. nóvember 2000, beinir því til
stjórnvalda að Landhelgisgæslu íslands verði tryggt nægjanlegt
rekstrarfé til þess að geta haldið úti þeim skipum sem stofnunin
hefur yfir að ráða og án þess að skert verði annað rekstrarfé sem
nauðsynlegt er til að stofnunin geti sinnt öryggis- og eftirlitshlutverki
sínu til sjós sem henni er ætlað lögum samkvæmt. Jafnframt er
skorað á stjórnvöld að láta flýta smíði á nýju varðskipi sem sam-
þykkt var af stjórnvöldum fyrir rúmlega þremur árum.
Greinargerð:
Samkvæmt 1. grein laga nr. 25/1967 um Landhelgisgæslu ís-
lands er skýrt kveðið á um markmið stofnunarinnar hvað snertir ör-
yggis- og eftirlitshlutverk hennar til sjós. Úthald varðskipa hefur
dregist saman á undanförnum árum. Áform eru uppi um það að
draga enn frekar úr úthaldinu. Þetta eru slæm tíðindi fyrir sjómenn,
þar sem litið er á að öflugt úthald varðskipa hafi verið mikilvægur
hlekkur í öryggi sjófarenda hér við land.
32 - Sjómannablaðið Víkingur