Sjómannablaðið Víkingur - 01.12.2000, Síða 41

lauk skömmu síðar en ekki kom Ijós á dekkið. Eitthvað var bilað og
ekki hægt að byrja veiðarnar. Því var snúið við og haldið aftur til
Reykjavíkur. Bátsmaðurinn varð reyndar ekki langlífur því nokkru
seinna kastaði hann sér fyrir borð og fannst ekki þrátt fyrir mikla
leit. Ekki lofaði upphaf togarsjómennsku minnar góðu og fyrsti túr-
inn á togara virtist ekki ætla að verða til fjár. Skipið var stöðvað á
ytri höfninni og viðgerðarmenn komu um borð og björguðu málum.
Síðan var haldið út aftur. Það gekk betur næst þegar ákveðið var
að kasta og trollið fór í sjóinn.
Það sætti nokkurri undrun að ég, viðvaningurinn, var settur á for-
hlerann sem þótti mikil en ótímabær upphefð. Ég þekkti auðvitað
hvorki haus né sporð á því sem var að gerast á dekkinu en var þó
ákveðinn í að láta ekki vaða yfir mig. Þegar verið var að taka trollið
var mitt hlutverk að húkka á pokann sem síðan var hífður inn fyrir,
venjulega með slink. Ég stóð vitlausum megin þegar átti að hífa í
pokann og þá kallaði einhver: „Ef þú ætlar lífi að halda helvítis fíflið
þitt þá skaltu vera réttum megin við pokann.” Ég tók ógurlegt við-
bragð og stökk aftur fyrir pokann með talíuna og húkkaði henni í
þaðan. Síðan kallaði ég til baka: „Steinhaltu kjafti. Heldurðu að ég
hafi aldrei verið á togara áður?” Þetta hljómaði víst vel og togara-
jaxlarnir tóku mig í sátt. Ég passaði bara upp á að öskra sem mest
á dekkinu og vera sem vígalegastur undir öllum kringumstæðum.
Enda kom á daginn að ég var orðinn pokamaður í öðrum túr sem
þótti mikil og góð staða.
Einhvern tíma var ég að slá úr blökkinni og í hugsunarleysi var
ég með afturendann yfir keðjunni. Þegar hún slóst útfyrir lunning-
una lenti hún í lærinu á mér og reif frá stórt stykki, alveg inn í bein.
Karlinn sagði mér, þar sem hann gerði að sárinu, að þetta væri í
eina skiptið sem hann hefði haldið að allt væri í lagi hjá mér. Venju-
lega hafi ég öskrað svo mikið að það hefði verið eins og himinn og
jörð væru að farast en þarna hefði hann ekki heyrt múkk. Hann
setti sárið saman með nælum og gekk ágætlega á því. Ég var auð-
vitað óvinnufær enda gat ég ekkert stigið í löppina. Skömmu eftir
þetta óhaþp brast á mokveiði og ég vildi ólmur fara út á dekk og
hjálpa til. Þá sagði karlinn að það kæmi ekki til greina: „Þegar ég
skila mönnum (land eru þeir með jafnmörg göt og þegar ég tók þá
út á sjó,” sagði hann og málið var útrætt. Hann sagði mér að annað
gæti ég gert. Ég skyldi sækja netadruslu og koma með hana upp í
brú. Hann kvaðst ætla að kenna mér að bæta. Það varð úr að hann
kenndi mér að bæta á meðan sárið greri og sú kennsla endist mér
ævilangt. Það kom á daginn að Jóhann skipstjóri var sómamaður
og ekkert í líkingu við það sem strákurinn lýsti þegar ég kom fyrst
um borð.
Eftir rúmt ár á Neptúnusi fór ég í Stýrimannaskólann. Að loknu
prófi úr fyrsta bekk fór ég aftur á togara en nú á Júpiter sem Jó-
hann hafði þá tekið við skipstjórn á. Ég var ráðinn annar stýrimaður
og leysti af sem fyrsti stýrimaður. Júpíter var einnig í útgerð hjá
Júpiter og Mars og þrátt fyrir að hafa verið þennan tíma á skipum
Tryggva Ófeigssonar hafði ég aldrei séð hann. Jóhann Þórðarson
var fyrsti stýrimaður á Júpiter og það kom upp sú staða að hann
þurfti frí á sama tíma og Jóhann skipstjóri. Þá segir karlinn við mig
að nú sé komið að því að ég fari með skipið. Ég sagðist nú kannski
ekki vera tilbúinn til þess enda reynslulítill í brú og ekki kominn með
full réttindi. Það varð nú samt úr að ég var sendur út með skipið.
Um borð hjá okkur var Valdimar Guðmundsson sem var nokkuð við
aldur en hafði verið skipstjóri hjá útgerðinni á árum áður. Hann
leppaði mig sem skipstjóra og var sjálfur stýrimaður. Því er ekki að
leyna að auðvitað var gaman að fá tækifæri til að fara sem skip-
stjóri á þessu skipi, sem var eitt hið öflugasta í flotanum. Ég var
heppinn með túrinn og hélt mig á Selvogstánni allan tímann og
náði góðum afla. Við sigldum á Þýskaland með 170 tonn af karfa
og þar seldum við vel. ►
EP
Efficiency Propeller
HSP
High Skew Propeller
HTP (KCA) AP(AU) DPO (Kaplan) NEP
(Gawn-Burrill) Aerofoil Uniform Propeller Drawforce Propeller Neo-Efficiency Propeller
X - In Nozzle A>
íH TP Thrust Propeller
* ejm Ito Salllng Propellnr
ilUM
FLUTTII
p
A
FISKI-
SLÓÐ
REKI HF. P.O.Box 8088 Sími/Tel.: +(354) 562 2950
Fiskislóð 57_59 128 Reykjavík Fax/Telefax: +(354) 562 3760
101 Reykjavík Iceland E-maiI: reki.ehf.@simnet.is
Sjómannablaðið Vikingur - 41