Náttúrufræðingurinn - 1961, Síða 48

138
NÁTTÚRUFRÆÐINGURINN
Sigurður Þórarinsson:
Almennar náttúrurannsóknir
Dagana 28. og 29. ágúst s.l. var að tilhlutan menntamálaráðherra Dr. Gylfa
1>. Gíslasonar, haldin ráðstefna um raunvísindarannsóknir. Fór hún fram í Há-
skólanum undir forsæti háskólarektors, Ármanns Snævars. Á ráðstefnu þessari
mættu flestir þeir sérfræðingar íslenzkir, sem hér starfa á sviði raunvísinda,
svo og fulltrúar úr Stjórnarráðinu, frá Háskólanum og frá höfuðatvinnuvegum
þjóðarinnar. Fyrir ráðstefnunni lágu til umræðu: 1. Tillögur um rannsókna-
stofnun í raunvísindum við Háskóla Islands. 2. Frumvarp til laga um almennar
náttúrurannsóknir og Náttúrufræðistofnun íslands. 3. Frumvarp til laga um
rannsóknir í þágu atvinnuveganna. Framsögu um almennar náttúrurannsóknir
og Náttúrufræðistofnun íslands hafði Dr. Sigurður Þórarinsson og birtist liér
erindi hans.
Ritstjonnn.
Ég hef verið beðinn að segja hér nokkur orð í sambandi við frum-
varp það til laga um almennar núttúrurannsóknir, sem útbýtt liefur
verið til þátttakenda þessarar ráðstefnu. Frumvarp þetta er, að til-
hlutan Atvinnumálanefndar, samið af deildarstjórum Náttúrugripa-
safnsins í samvinnu við nefndina og reynt var að brúa bil beggja, er
um ágreiningsatriði var að ræða, sem ekki voru mörg. Því fylgir
allítarleg greinargerð, og er þar rakin forsaga þessa frumvarps og
einstakar greinar þess nánar útskýrðar. Þarf ég vart við það að bæta
hér, og mun ég því verja mínútum mínum til að segja nokkur
orð um almennar náttúrurannsóknir og lilutverk Náttúrufræði-
stofnunar Islands, eða Náttúrugripasafnsins, eins og stofnunin enn
heitir.
Svo sem segir { fyrstu grein lagafrumvarpsins er með almennum
náttúrufræðirannsóknum átt við undirstöðurannsóknir í dýrafræði,
grasafræði, jarðfræði og landafræði.
Það er venja að greina milli basic (fundamental) researcli eða
undirstöðurannsókna annars vegar og applied research eða hag-
nýtra rannsókna hins vegar. Hinar almennu náttúrufræðirann-
sóknir falla auðvitað undir fyrri flokkinn, og því er sú skipting
sem viðhöfð hefur verið, er boðað var til þessarar ráðstefnu, nokkuð