Náttúrufræðingurinn - 1997, Side 78

reynslu og aðrar áherslur. Raunar er ekki
nóg að hafa reynslu af rannsóknum.
Nauðsynlegt er að viðkomandi hafi náð
árangri með rannsóknarstörfum sínum
þannig að viðhorf hans litist af slíkum
árangri. Ég held það sé borin von að rann-
sóknir í raunvísindum og tækni verði
byggðar upp á Islandi, þannig að þær skili
auknum árangri með tilliti til efnahags og
verndunar umhverfis og náttúruauðlinda,
nema ráðnir verði útlendingar að hluta til að
sinna störfum sem lúta að stjórnsýslulegu
skipulagi rannsókna og hafa það hlutverk
að undirbúa ákvörðun á hinu æðsta stjórn-
sýslustigi í þeim efnum. Allt skipulag verður
að taka mið af smæð þjóðfélagsins. Það
gengur ekki að miða við að skipulag í
þessum málaflokki á íslandi geti verið eins
og hjá milljónaþjóðum.
PÚSTFANG HÖFUNDAR
Stefán Arnórsson
Jarðfræðihúsi Háskólans
v/Hringbraut
101 Reykjavík
t
140