Náttúrufræðingurinn - 1995, Page 27

■ FAGMANNLEG FÖLSUN?
Eftir að flett var ofan af pilt-
downmanninum greindu forn-
mannfræðingar Bandaríska
náttúrugripasafnsins í New
York (American Museum of
Natural History) frá því að
þeir hefðu fyrir tuttugu árum
gert sér grein fyrir því að
hausinn og kjálkinn heyrðu
ekki saman og afsteypa af
beinunum í safni þeirra hefði
verið auðkennd í samræmi við
það. Af hollustu við breska
starfsbræður sína hefðu þeir
ekki gert þetta opinbert.
Víða sést enn staðhæft að
höfuðskelin hafi verið forn
steingervingur en kjálkinn
mun yngri. Nákvæm greining, þar sem beitt var
mörgum aðferðum, hefur leitt í ljós að báðar
leifarnar eru frá miðöldum. Hauskúpan mæld-
ist 620 ± 100 ára og kjálkinn 500 ± 50 ára.
Fyrsti Englendingurinn var augljóslega fals-
aður. Áhöldin og dýrabeinin, sem hjá honum
fundust og áttu að staðfesta forneskju hans,
höfðu verið grafin með honum og sum beinin
trúlega sótt til Egyptalands. Þar voru dýr af
þessum tegundum algeng á ísöld en leifar þeirra
hafa ekki fundist annars staðar á Englandi.
Þegar upp komst um svikin beindist grunur
manna og gremja að Dawson. Hann var þá
löngu látinn en óneitanlega hafði hann öðrurn
mönnum meiri frægð hlotið af gervimanninum
sem bar nafn hans. Hann hafði líka verið
staðinn að því að dekkja bein í lausn af
málmsöltum og var þar að auki ekki fræði-
maður um líkamsgerð fornmanna heldur lög-
fræðingur. Það er óneitanlega viss huggun fyrir
vísindamenn ef svik verða rakin til ófaglærðs
manns og stéttin heldur ærunni.
6. mynd. Frá uppgrefti í Piltdown
1912. Mynd á ensku póstkorti. (New
Scientist.)
Sú skoðun er þó til að fölsunin sé of fagmann-
leg til þess að ótíndur lögfræðingur hefði ráðið
við hana. Þessu hef ég skýrast séð haldið fram í
bók eftir skoskan blaðamann, Ronald Millar
(1972). Hann var að vinna að sagnfræðirann-
sóknum í Sussex og las í tengslum við það
7. mynd. Sir Arthur Keith afhjúpar
árið 1938 minnisvarða á „uppgötvun-
arstað “ piltdownmannsins. (New Sci-
entist.)
25