Náttúrufræðingurinn - 1995, Blaðsíða 114

Á NÆSTUNNI
Nokkur fjöldi greina bíður nú birtingar
í Náttúrufrœðingnum. Það er liðin tíð,
a.m.k. í bili, að útgáfan tefjist vegna
skorts á aðsendu efni. Hér er tæpt á
efni nokkurra þeirra greina sem birtast
munu í næstu heftum.
Knattkol
Hin hraða tækniþróun sem við búum við á
m.a. rætur að rekja til mikilla framfara í
lífrænni efnafræði. Már Björgvinsson efna-
fræðingur greinir frá einni þeirra nýjunga
sem hvað mestar vonir eru bundnar við en
það eru knattlaga kolefnissameindir og
ýmis tilbrigði við þær.
Rjúpnatalningar
Ólafur K. Nielsen fuglafræðingur greinir
frá rannsóknum sínum á stofnstærð rjúpu á
undanförnum árum en tilgangur þeirra
hefur verðið að skýra breytingar á stofn-
stærð og afkomu fálka.
Haförninn
Kristinn Haukur Skarphéðinsson skrifar
um íslenska hafarnarstofninn, hvernig
honum var nærri því útrýmt um síðustu
aldamót og vöxt hans og viðgang á 20. öld.
ÁSTJÖRN í HAFNARFIRÐI
Nýlega var Ástjörn mikið til umræðu
vegna fyrirhugaðra breytinga á aðalskipu-
lagi Hafnarfjarðar. Af því tilefni tók
Gunnar Ólafsson steingervingafræðingur
saman yfirlit um myndunarsögu og lífríki
tjarnarinnar.
Sandmaðkur í FJÖRUMÖ
Leifur Símonarson og Páll Imsland hafa
tekið saman fróðlegan pistil um áhrif
landsigs á lífsskilyrði sandmaðks á fjörum
við Hornafjörð og aðlögun skepnunnar að
breyttum umhverfisaðstæðum.
Innfluttar nytjaplöntur
Áslaug Helgadóttir ptöntuerfðafræðingur
og formaður ritnefndar Náttúrufræðingsins
skrifar grein um nýtingu lands og inn-
fluttar plöntutegundir, en þau mál hafa
verið töluvert í sviðsljósinu að undan-
förnu.
Norðan Vatnajökuls III
í þriðju grein sinni um þetta svæði fjallar
Guttormur Sigbjarnarson um eldstöðvar
og hraun.
SUÐURLANDSSKJÁLFTABELTIÐ
Freysteinn Sigmundsson og Páll Einarsson
segja frá niðurstöðum mælinga á jarð-
skorpuhreyfingum á Suðurlandi með GPS-
mælitækni. Einnig kynna þeir hugmyndir
sínar um sprungumyndun á svæðinu.
Af Etnugosi 1991-1993
Þýskur jarðfræðingur, Richard H. Kölbl,
segir frá tilraunum hers og almannavarna á
Ítalíu til að breyta rennsli hraunár sem
stefndi á bæinn Saffarena í Etnuhlíðum
árið 1992.
ÍSLENSKAR FLÉTTUR
Hörður Kristinsson fer af stað með greina-
flokk um íslenskar fléttur. Hin fyrsta hefur
hlotið titilinn Krókar og kræður.
Af öðru efni sem bíður birtingar má nefna
aðra grein Ágústs Guðmundssonar um
berghlaup og urðarjökla, Leó og Kristján
Kristjánssynir fjalla um norska jarðfræð-
inginn Amund Helland, Guðrún G. Þórar-
insdóttir og Sólmundur Einarsson fjalla
um tilraunaveiðar á kúfiski, Kristinn
Haukur Skarphéðinsson fjallar um æðar-
fuglinn, Erling Ólafsson og Gunnlaugur
Pétursson fjalla um skríkjur í greina-
flokknum um íslenska flækingsfugla og
Örnólfur Thorlacius skrifar um fíla.
112