Náttúrufræðingurinn - 1943, Page 9

NÁTTÚRUFRÆÐINGURINN
3
farvegs má með miklum líkum telja Hópana á utanverðri Skip-
eyri (sjá mynd 2).
Langá, sem kemur úr Engidal, er stærsta áin í Skutilsfirði,
og vel má vera, að hinar árnar hafi haft útrennsli á sama stað.
(Ef þær iiafa þá verið til). En það, að úlrennslið er meðfram
Kirkjuhólshlíð verður þess valdandi, að jökullinn sígur þar meira
í sjó, og þá eyðir brimið honum hröðum skrefum þeim megin,
á meðan jökullinn er óáreittur af briminu og vatnsrennsli við
Eyrarhlíð.
2. mynd. Horft út Skutilsfjörð. T. h. Skipeyri og Hóparnir. rl'. v.
SkutilsfjarSareyri. Snæfjallaströnd i fjarsýn.
Hugsum okkur að liðin séu nokkur hundruð ár og litum á
mynd 1. Skriðjökullinn fyllir Pollinn eða er í raun og veru að
mynda hann. Möl og grjót liefir hlaðizt upp með og inn með jökul-
röndinni, og mun landið þá hafa verið mun stærra en það nú er,
meðal annars Norðurtanginn, sem nú er ekki til nema nafnið,
að undanskildu grjótrifi, sem kemur upp úr sjó að nokkru leyti
um stærstu fjöru. Allt lil ]tess tíma, er mynd 1 táknar, hefir Langá
séð fyrir því, að sundið lokaðist ekki.
Enn hafa liðið nokkur hundruð ár. Skriðjökullinn er horfinn.
Innan við Skutilsfjarðareyri er Pollurinn, sem hefir nægilega stórl
yfirborð til þess að mynda straum í sundinu eftir sjávarföllum og
halda innsiglingunni opinni. Þætti Langár er lokið í sögu Isa-
fjarðar, en hún selti sitt merki þar sem Höparnir eru (sjá mynd 2).