Náttúrufræðingurinn - 1956, Page 23

JARÐSKJÁLFTAR ÁRIN 1954 OG 1955
85
AT'HYGLISVERÐIR JARÐSKJÁLFTAR ERLENDIS.
29. marz 1954. Mikill jarðskjálfti á Suður-Spáni, sem fannst
um Spán, Portúgal og á stóru svæði í Afríku, en var hvergi mjög
snarpur. Upptök jarðskjálftans voru undir suðurströnd Spánar á
um 630 km dýpi. Er þetta í fyrsta skipti í sögu jarðskjálftamælinga,
sem ákvörðuð hafa verið jarðskjálftaupptök á meira en 300 km
dýpi utan jarðskjálftabeltis þess, sem liggur umhverfis Kyrrahafið.
30. april 1954. Mjög mikill jarðskjálfti i Þessalíu á Grikklandi.
Talið er að 6599 hús hafi hrunið til gxunna, en að 22074 iiús hafi
skemmst meira eða minna, en 25000 manns urðu húsnæðislausir.
Jarðskjálfti jæssi varð 25 mönnum að bana, og 157 særðust af völd-
um hans.
9. sepiember 1954. Mjög mikill jarðskjálfti í Alsír. Bærinn Or-
leansville hrundi til grunna og fórust þar um 1400 manns, en 3000
særðust. Jarðskjálfti þessi fannst á 150000 km2, og var X stig að
styrkleika á 5000 km2 svæði, enda er þetta einn rnesti jarðskjálfti,
sem sögur fara af í Norður-Afríku.
27. jebniar 1955. Mjög mikill jarðskjálfti við Kermadekeyjar í
Suður-Kyrrahafi. Þessi jarðskjálfti var sá orkumesti, sem kom á
árunum 1954—1955 og var stærð hans um 8.
31. marz 1955. Mjög mikill jarðskjálfti við austurströnd Min-
danao á Filippseyjum. Olli hanrt stórfelldu tjóni og varð 432 mönn-
um að bana.
19. april 1955. Jarðskjálfti á hafsbotni við vesturströnd Suður-
Ameríku. Flóðbylgja myndaðist af völdum hans og gekk hún á land
á Chile-strönd og gerði mikinn usla.
12. september 1955. Mikill jarðskjálfti á botni Miðjarðarhafs-
ins skammt undan norðurströnd Egyptalands. Olli hann miklu
tjóni í norðurhluta Egyptalands og fórust þar 20 menn af völdum
hans.