Náttúrufræðingurinn - 1966, Blaðsíða 90

84
NÁTTÚRUFRÆ.ÐINGUR1NN
liðin, hefur sjónarsvið heimsmyndarinnar færzt út livorki meira né
minna en hundraðþúsundfalt.
Engin ástæða er til að undrast, þótt ekki liafi enn verið leystar
allar þær gátnr, sem í hinni nýju heimsmynd felast. Miklu fremur
hlýtur það að vera undrunarefni, hve langt skilningur mannsins
hefur náð á svo örskömmum tírna.
Sigurður Þórarinsson:
Merk ritgerð um myndun Aðaldals
Árbók Þingeyinga 1963, sem nýlega er komin út, flytur meðal
annars efnis ritgerð eftir Þorgeir Jakobsson bónda á Brúum í Aðal-
dal, sem hann nefnir Myndun Aðaldals. Þorgeir bóndi, sem er bróðir
Jónasar Jakobssonar, veðurfræðings, er áhugamaður mikill um jarð-
fræði og jarðsögu héraðs síns, glöggur og athugull og fékk ég hjá hon-
um margar mikilsverðar upplýsingar þau árin, sem ég vann að at-
hugunum á Laxárgljúfri og Laxárhraunum. Lfm þær athuganir
mínar birti ég fyrir 14 árum alllanga ritgerð, Laxárgljúfur and Lax-
árhraun, en um þá ritgerð hefur Þorgeir nú bætt verulega og er sú
umbótin mest, að hann sýnir fram á, að því er ég bezt fæ séð með
mjög góðum rökum, enda miklu kunnugri á þeim slóðum en ég, að
það er yngra Laxárhraunið, upprunnið í Þrengslaborgum við Mý-
vatn fyrir 2000 árum, sem nær norður undir núverandi strönd við
Skjálfanda, en norðurmörk eldra Laxárhraunsins, sem rann úr Ketil-
dyngju fyrir um 3800 árum, eru nærri norðurodda Fljótsheiðar milli
Garðsnúps og Nesfleka. í ritgerð minni taldi ég þetta vera norður-
mörk yngra hraunsins og að það væri það eldra, sem næði lengra
norður. Á hraðri ferð um hraunið í Aðaldal norðanverðum þóttist
ég sjá Ijósa öskulagið H.-s, sem er um 2800 ára gamalt, í holum í