Náttúrufræðingurinn - 1968, Síða 43

NÁTTÚRUFRÆÐINGURINN
37
dúkur, er aí öðrum uppruna. — Giktarsjúklingar hafa sums staðar
allt fram á okkar öld verið barðir með netlu í l.ekningaskyni. —
Súpa og grautur er soðinn úr netlu og Svíar o. fl. hagnýta hana
jafnvel senr salat, enda er hún bæði steinefnarík og fjörefnaauðug.
Netlan er stundum þurrkuð til vetrarneyzlu og þá látin í vatn
nokkra tíma fyrir suðu. Líka eru þurrkuð blöðin notuð í te. Sumir
telja netluna kennda við net og bönd. Kannski hefur netlugarn
einhverntíma verið notað í net? — Netluleifar hafa fundizt í göml-
um rústum á Bergþórshvoli. Var hún illgresi, eða ræktaði Njáll
hana í garði sínum til netludúksgerðar?
INGÓLFUR DAVÍFISSON og INGIMAR ÓSKARSSON: Garða-
gróður, 2. útgáfa, aukin og endurbætt. 480 bls. með fjölda mynda.
Útgefandi: ísafoldarprentsmiðja hf. Reykjavík, 1968.
Þessarar nýju útgáfu bókarinnar hefur verið beðið með eftirvænt-
ingu, enda hafa breytingar þær, sem á henni hafa verið gerðar,
ótvírætt aukið gildi hennar. Allmörgum tegundum, sem nefndar
eru í 1. útgáfu, hefur verið sleppt, en í þeirra stað koma nýjar, sem
reynzt hafa harðgerðar í ræktun. Bætt hefur verið við mörgum mynd-
um, einkum litmyndum, og gefa þær bókinni sérstakan glæsileik.
Þá hafa margir sérkaflar í fyrri hluta bókarinnar verið endurritaðir
með tilliti til breyttra aðferða og aðstæðna í ræktun. Og til að auka
hagkvæmni hefur fyrirsögnum um einstcik ræktunaratriði og fleira
verið komið lyrir á spássíu. í fám orðum sagt er bókin hin eiguleg-
asta, pappír ágætur og prófarkalestur og annar frágangur í bezta lagi.