Samvinnan - 01.01.1949, Page 13
Verzlunarbúðir
á hjólum
FYRIR styrjöldina byrjaði sam-
vinnufélagasamband Svíþjóðar
(K. F.) á því að láta gera sérstaka sölu-
bíla, sem fóru um nágrenni stórborg-
anna og héruðin umhverfis þær til að
selja þeirn félagsmönnum vörur sem
erfitt áttu með að komast í kaupstað
inn.
Á styrjaldarárunum lamaðist þessi
starfsemi mikið vegna benzínskortsins
enda reyndist yfirleitt of dýrt að halda
bílunum úti með viðarkola-útbúnað-
inum. En eftir styrjöldina var svo starf-
semin hafin að nýju og með miklu
meiri festu en áður. Samvinnufélaga-
sambandið tók að sér að gera upp-
drætti að slíkum sölubílum og safn-
aði til þess reynslu.
Nú lætur sambandið gera margar
tegundir slíkra bíla, eftir því, til hvers
á að nota þá. Sumir bílanna hafa jafn-
vel litla kæliskápa og geta þannig flutt
nýjar kjötbúðarvörur langar leiðir, án
þess að þær skemmist (sbr. mynd), og
þannig náð til heimila og félagsmanna,
sem annars gætu ekki nálgast slíkar
vörur. Þótt þessum kæliskápum se
komið fyrir í yfirbyggingu bílanna,
taka þeir ekki meira'rúm en svo, að
hæglega er hægt að koma fyrir af-
greiðsluborði og hillum í aftari hluta
yfirbyggingarinnar.
Ein tegund af þessum bílum er sér-
staklega athyglisverð, en það eru fisk-
sölubílarnir. Það er í Svíþjóð, eins og
hér, mikið vandamál að koma nýjum
fiski til íbúa þeirra sveita, sem ekki
liggja að sjó. Sum kaupfélög hafa haft
(Framhald á bls. 26.)
Efsta mynd: Hér sést mynd af sölubil, eins og
þeim, sem samband scensku samvinnufélaganna
lœlur nu gera. Á bilnum stendur: Kaupfélagsbúð.
Miðmynd: Þannig litur innréttingin út, séð
inn i bilinn að aftan. Þarna er öllu haganlega
fyrirkomið, og okkur dettur i hug lítil, en snotur
búð.
Neðsta mynd: Hcr sjáum við kœliskáþ i einum
af sölubilum kaupfélaganna. Vegna þeirra er
hœgt að flytja kjötbúðarvörur út um dreifbýlið
og gefa þannig húsmœðrum þar kost á sams
konar vörum og stallsystrum þeirra i bœjunum.