Fréttablaðið - 25.09.2009, Side 6

6 25. september 2009 FÖSTUDAGUR
EFNAHAGSMÁL Löng hefð er fyrir því að lítið kvis-
ist út um útfærslu fjárlagafrumvarpsins. Við
lifum hins vegar á tímum þar sem hefðir skipta
litlu og síðan í júní hefur legið fyrir að ríkis-
stjórnin hyggst bæta afkomu ríkissjóðs um 63,4
milljarða króna á næsta ári. Í skýrslu fjármála-
ráðherra um jöfnuð í ríkisfjármálum 2009-2013
er tónninn sleginn og Fréttablaðið hefur heim-
ildir fyrir því að í grófum dráttum verði farið
eftir þeirri skýrslu.
Þótt nánari útfærsla sé enn á huldu um hvaða
skattar verði hækkaðir um hve mikið og hve
mikið verður nákvæmlega skorið niður og hvar,
gefur skýrslan hugmynd um hvernig fjárlaga-
frumvarpið mun líta út. Þar er að finna ýmsar
tillögur um skattahækkanir og útfærslu á hve
mikið sparast við þær.
Samkvæmt skýrslunni á að auka aðhald sem
nemur 179 milljörðum króna til ársins 2013.
Stærsta höggið kemur á næsta ári, umræddir
63 milljarðar.
Áform um einstakar skattahækkanir eru enn
ekki ljós, en af skýrslunni er ljóst að tekjuskatt-
ar verða hækkaðir. Að meðtöldu útsvari eru
þeir stærsti tekjustofn opinberra aðila og hefur
hlutur þeirra í tekjum ríkissjóðs vaxið og var á
árinu 38,5 prósent. Árin 2005 til 2007 var hlutur
beinna skatta til ríkisins um fjórtán prósent af
vergri landsframleiðslu, en var komið niður í
tólf prósent árið 2009.
Hækkun tekjuskatts um hvert prósent af
vergri landsframleiðslu skilar fjórtán milljarða
aukatekjum í ríkissjóð. Það skilar þrjátíu millj-
örðum króna að færa hlutfall tekjuskatts í sama
horf gagnvart vergri landsframleiðslu og það
var á árunum 2005 til 2007.
Tekjur ríkisins af áfengisgjaldi námu átta
milljörðum árið 2008 og í skýrslu fjármálaráð-
herra er lögð til tíu prósenta hækkun á því
1. janúar 2010 og 1. janúar 2011. Þá er lögð
til hækkun tóbaksgjalds um þrjátíu til fjöru-
tíu prósent í tveimur áföngum, 2009 og 2010,
en það skilaði 3,9 milljörðum í ríkissjóð 2008.
Hluti þessara hækkana hefur þegar komið fram
og óvíst er hvort farið verður eftir tillögunum.
Stóra myndin liggur því nokkuð ljós fyrir. Á
töflunum hér til hliðar má sjá hvernig sparað
verður í útgjöldum ríkissjóðs á næsta ári.
Skattahækkanir munu skila um 28 milljörðum
króna; spurningin er aðeins hvaða skattar verða
hækkaðir. kolbeinn@frettabladid.is
Stoppa í 63 milljarða gat
Fjárlög næsta árs verða lögð fyrir Alþingi á fimmtudaginn en bæta þarf afkomu ríkissjóðs um 63 milljarða
króna. Tekjur verða auknar um 28 milljarða og dregið saman í útgjöldum um 35 milljarða.
LEIÐTOGAR RÍKISSTJÓRNARINNAR Vinna við fjárlög er nú á lokastigum, en samkvæmt skýrslu fjármálaráðherra frá
því í sumar er ætlunin að draga saman í útgjöldum um 35 milljarða og auka tekjur ríkissjóðs um 28 milljarða. Það
þýðir umtalsverðar skattahækkanir. FRÉTTABLAÐIÐ/VALLI
Viðhald og stofnkostnaður
Vegaframkvæmdir 8.250
Aðrar framkvæmdir 1.750
Samtals 10.000
Rekstur
Almennt aðhald 14.250
Stjórnsýsla 10%
Menntamál 7%
Velferðarþjónusta 5%
Tilfærslur
Sjúkratryggingar 2.600
Barnabætur 1.000
Fæðingarorlof 350
Elli- og örorkulífeyrir 3.650
Önnur sértæk framlög 1.825
Almennt aðhald tilfærslustyrkja ráðuneyta 1.688
Samtals 11.113
Bætt afkoma 2010
Niðurskurður/sparnaður*
Rekstur 14.250
Viðhald og stofnk. 10.000
Tilfærslur 11.113
Samtals 35.363
Auknar tekjur, s.s. skattar 28.000
Samtals 63.363
*SJÁ NÁNAR Í TÖFLUM
TILLÖGUR RÍKISSTJÓRNAR UM HVERNIG BÆTA EIGI AFKOMU RÍKISSJÓÐS 2010
Nánari útlistun á því hvernig afla eigi ríkissjóði 63,4 milljarða á næsta ári. Allar tölur í milljónum króna.
P
IP
A
S
ÍA

9
1
2
6
5
Nýr matseðill
á Ruby Tuesday
Höfðabakka 9 & Skipholti 19 Sími 577-1300
17 nýir réttir
til að gæða sér á
Komdu í heimsókn
LÖGREGLUMÁL Rauðri málningu
var skvett í nótt á einbýlishús
Hreiðars Más Sigurðssonar, fyrr-
verandi forstjóra Kaupþings. Er
þetta í þriðja sinn síðan í ágúst
sem málningu er skvett á þetta
hús Hreiðars Más.
Lögreglan rannsakar málið
en síðast var skvett málningu á
hús Hreiðars Más aðfaranótt 14.
ágúst síðastliðinn. Þá nótt fékk
hús Karls Wernerssonar einnig
málningarslettur.
Skemmdarvargar að verki:
Málningu slett
í þriðja sinn á
hús Hreiðars
SVÍÞJÓÐ Lögreglan í Svíþjóð var
í gær engu nær um það hvar
þjófarnir bíræfnu, sem notuðu
stolna þyrlu til að stela pening-
um frá öryggisfyrirtæki í Stokk-
hólmi á miðvikudag, væru niður
komnir.
Tveir menn, sem voru hand-
teknir í gær, eru ekki grunaðir
um beina aðild að ráninu, að öðru
leyti en því að þeir eru sakaðir
um viðskipti með þýfi.
Gagnrýni hefur beinst að
öryggismálum í tengslum við
þyrlu lögreglunnar. Hún var
ónothæf þegar ránið var framið
vegna sprengjuefnis sem komið
var fyrir við flugskýlið. - gb
Þyrluránið í Svíþjóð:
Bíræfnir þjófar
ófundnir í gær
STOLNA ÞYRLAN Ræningjarnir skildu
hana eftir skammt norðan við Stokk-
hólm. FRÉTTABLAÐIÐ/AP
Ætlar þú að veiða rjúpu í
haust?
Já 12,9%
Nei 87,1%
SPURNING DAGSINS Í DAG
Líst þér vel á að Davíð Oddsson
verði ritstjóri Morgunblaðsins?
Segðu þína skoðun á vísir.is.
HEILBRIGÐISMÁL Meira en hundrað
starfsmenn Landspítalans fá ekki
endurnýjaða ráðningarsamninga
við spítalann í ár. Fyrstu samn-
ingarnir renna út um næstu mán-
aðamót.
Björn Zoëga, forstjóri Landspít-
alans, segist ekki vita nákvæm-
lega um hversu marga starfsmenn
sé að ræða og að það muni ekki
skýrast fyrr en í byrjun desem-
ber þegar síðustu samningarnir
renni út.
Þá munu fleiri hundruð starfs-
menn spítalans fá bréf um breyt-
ingar á starfskjörum um næstu
mánaðamót.
Breytingarnar snúa meðal
a n n a r s a ð
breyttu vakta-
fyrirkomulagi
og niðurfellingu
aksturspeninga
svo eitthvað sé
nefnt.
Ögmundur
Jónasson heil-
brigðisráð-
herra sagði í
blaðinu í gær að
niður skurður í heilbrigðiskerfinu
myndi bitna á þjónustu og störf-
um í faginu.
Björn segir aðgerðir stjórn-
enda spítalans hafa miðað að því
að komast hjá uppsögnum og að
halda uppi þjónustu en finna leiðir
til að gera hana ódýrari.
„Það má vissulega kalla það
skerðingu þegar við breytum
til dæmis sólarhringsdeildum í
dagdeildir og sjö daga deildum í
fimm daga deildir,“ segir Björn.
„Og það mun væntanlega bitna á
sjúklingunum og aðstandendum
þeirra.“
Björn býst við að þjónusta
skerðist og uppsagnir blasi við
þegar fjárlög næsta árs líti dags-
ins ljós. „Við erum komin á enda-
stöð með það sem er hægt að gera
án þess að skerða þjónustu eða
fara í uppsagnir,“ segir Björn.
- kh
Niðurskurður í heilbrigðisþjónustu bitnar á lausráðnu starfsfólki Landspítalans:
Hundrað fá ekki framlengda samninga
BJÖRN ZOËGA
BRETLAND, AP Ofþyngd og offita
gæti orðið helsta orsök krabba-
meins hjá konum á næsta áratug,
samkvæmt niðurstöðum rann-
sóknar breskra vísindamanna.
Um átta prósent krabbameins-
tilvika í Evrópu eru nú rakin til
ofþyngdar eða offitu. Sérfræð-
ingar telja að það hlutfall muni
hækka skarpt á næstu árum.
Sumar rannsóknir bendi til þess
að hlutfallið sé um tuttugu pró-
sent í Bandaríkjunum.
Ekki er vitað hvers vegna offita
veldur krabbameini, en talið er að
ástæðuna megi rekja til röskunar
á hormónastarfsemi líkama fólks
í yfirþyngd. - bj
Tengsl krabbameins og offitu:
Óttast áhrif
of fitu á konur
KJÖRKASSINN