Fálkinn - 11.07.1962, Page 6
PANDA DG LANDKDNNUÐURINN MIKLI
„Puu“, andvarpaði Panda um leið og hann leit yfir
rústir vagnsins. ,,Þeir hafa ekki skilið mikið eftir“,
sagði hann. „Nei, en það er samt nóg fyrir okkur“,
sagði landkönnuðurinn leyndardómsfullur á svip.
Hann gekk að strút, sem hafði stungið hausnum í
sandinn. Batt hann við undirvagninn, sem var alveg
heill, dró höfuð strútsins upp úr sandinum, stakk upp
í hann nokkrum hnetum, skrúfum, sjálfblekungi, og
eitthvað af gamalli mynt. Nokkrum mínútum seinna
var fuglinn kominn á fleygiferð með undirvagninn
á eftir sér. Strúturinn virtist vera vel ánægður með
máltíðina. „Sjáið þið“, sagði landkönnuðurinn. „Það
þarf mikið til þess að buga þrautreyndan landkönnuð.“
Strúturinn hljóp eins og hann gat. ,,Húrra“, hrópaði
Panda, „nú komumst við á réttum tíma“. „Þettaerbara
þægilegri ferð en með járnbrautarlest“, bætti lög-
maðurinn við. Á meðan þetta gerðist var umsjónar-
maðurinn í lestinni önnum kafinn við að taka farmið-
ana af fólkinu og nú var hann kominn að síðasta
vagninum. Hann var næstum kominn út fyrir. „Rán,
rán“, hrópaði hann. „Þetta fer áreiðanlega lengra.
Ég er neyddur til þess að gefa skýrslu um atburðinn.
Einum vagni alveg stolið.“ Hann hristi höfuðið yfir
óheiðarleika fólksins og gekk aftur inn í lestina.
„Við nálgumst nú brátt“, tilkynnti landkönnuður-
inn. „Þegar við komum fyrir næstu beygju, munum
við líta niður í Hófadalinn. Er þeir komu fyrir beygj-
una, litu þeir niður í Hófadalinn. Þar var ekki sú
friðsæla sveit sem þeir höfðu búizt við og nafnið hafði
líka gefið til kynna. í stað sveitarinnar var þarna
iðandi stórborg með fjölda skýjakljúfa. „Það er varla
nokkur dalur eftir“, muldraði Panda vnnsvikinn.
„Dalurinn hefur breytt um svip síðan forfeður mínir
gerðu kortið“, sagði landkönnuðurinn. „En það er
skylda mín að draga fánann að hún í miðju dalsins“.
„Já og fyrir miðnætti“, sagði lögmaðurinn. „En hvar
er miðja dalsins nákvæmlega?“ spurði Panda. „Skýja-
kljúfurinn þarna“, sagði landkönnuðurinn, og upp á
honum þarf ég að draga flaggið að hún.
6 FÁLK' n n