Fálkinn - 09.10.1963, Page 22

drottningin okkar hefur lagt sinn skerf
til þeirra. Myndiðn hefur tekið myndirnar,
sem notaðar eru í auglýsingarnar, en
Helga Sveinbjörnsdóttir, auglýsingateikn-
ari hjá SÍS, hefur unnið þær auglýsingar,
sem við birtum mynd af.
Á fyrstu síðunni sjáum við andlitsmynd
af Guðrúnu, og á sú mynd ekkert skylt
við auglýsingu. En á næstu síðu sjáum
við tvær myndir, sem notaðar eru við
prjónavélarauglýsingu. Á neðri myndinni
er Guðrún að prjóna með gömlu aðferð-
inni, en eins og oft vill verða, hefur garnið
hlaupið í flækju og útlitið er ekki glæsi-
legt, eins og svipurinn lýsir bezt. En auð-
vitað er vandinn leystur með því að fá
sér prjónavél, þá er engin hætta á því
að garnið flækist og afköstin margfald-
ast, — enda er svipurinn nú ólíkt ánægju-
legri.
Efst til vinstri sjáum við Odd Ólafsson,
annan ljósmyndara Myndiðnar hagræða
saumavél fyrir framan Guðrúnu, áður en
myndatakan hefst. Þá mynd tók Þorvaldur
Ásgeirsson, auglýsingastjóri SÍS. Hægra
megin er svo mynd af Singer-saumavél-
inni, sem nota á í auglýsinguna. Hér til
hliðar sjáum við svo margar myndir af
Guðrúnu, sem teknar voru á 35 mm filmu.
Ein þessara mynda var svo stækkuð upp
og notuð í saumavélarauglýsinguna. Við
sjáum þá mynd stækkaða til vinstri efst á
næstu síðu og svo efst til hægri á síðunni
sjáum við árangurinn, þegar þessum tveim
myndum hefur verið skeytt saman. Þannig
er auglýsingin tilbúin og þannig munuð
þið vafalaust eiga oft eftir að sjá hana,
lesendur góðir.
Neðan á síðunni er svo mynd af auglýs-
ingu á Smith-Corona rafmagnsritvél. Til
hægri á síðunni. sjáum við upprunalegu
myndina. Síðan er myndin „spegluð“, svo
hún minnir mjög á spil og texti settur
inn á. Þannig er auglýsingin tilbúin, eins
og myndin til vinstri á síðunni ber með sér.
Þanng urðu þessar auglýsingar til, og
vafalaust eigið þið oft eftir að sjá þær og
taka eftir þeim, enda er sá tilgangur góðr-
ar auglýsingar.
22 FALKINN