Fálkinn - 17.01.1966, Blaðsíða 10

Bette Davis, er að eigin sögn, ótamið skass, sem
þráir að hitta þann karlmann, sem getur kúgað
hana til undirgeíni. Hún er ein aí þeim fáu full-
orðnu kvikmyndaleikkonum, sem ekki hefur verið
kastað á ruslahauginn mikla í Hollywood.
HVERNIG verður manngerðin Bette Davis til? Ruth
Elisabeth Davis varð Það á þann hátt, að á sama
augnabliki og hún fæddist sló eldingu niður í tré rétt
utan við gluggann á bernzkuheimili hennar. Sjálf segir
hún í ævisögu sinni:
— Alla tíð síðan hefur mér getist bezt að óveðrum.
Mér liður ekki fullkomlega vel í logni og mollu!
Og henni hefur áreiðanlega liðið vel alloft, svo marg-
ar ótemjur og kvensköss er hún búin að túlka í kvik-
myndum sínum í bráðum fjóra áratugi. Eftir því sem
hún segir sjálf, var hún mjög ung og saklaus kona,
hjólbeinótt lotin og köld með útstandandi stór augu,
sem þrátt fyrir allt báru vott um talsverðar gáfur,
þegar hún kom fyrst til Hollywood. Kvikmyndajöfrun-
um svelgdist á vindlareyknum og hóstuðu því framan
í nýliðann að hún hefði álíka mikið kynferðisaðdráttar-
afl og Slim nokkur Summervill — grínleikari, hvers
útlit var í nákvæmu samræmi við nafnið. En Bette
Davis minntist einnar af ljóðlínum Carls Sandburg:
Haldið hinum lifandi dauðu í hæfilegri fjarlægð... Og
til þess að deyja ekki smátt og smátt hvern dag af ótta
við fólk og verkefni, einbeitti hún sér að vinnunni. Hún
barðist fyrir rétti sínum til að túlka sannar og lifandi
persónur á sama tíma og „glamorinn“ lak eins og sykur-
bráð um alla framleiðslu borgarinnar. Hún var hædd
og henni var hvað eftir annað vísað á bug og hún var
hötuð, en almenningur tók ástfóstri við hana í hlut-
verkum einmana, ófríðra, fráhrindandi, óprúttinna og
ofsóttra kvenna. Bette Davis varð fljótlega vör við ró-
andi áhrif sín á fólk, sem átti í einhvers konar erfið-
leikum.
— Það gæti hafa verið ég, en þrátt fyrir allt var
svo ekki. Það voru hugsanir áhorfandans, segir hún.
í dag er Bette Davis 58 ára gömul og andlit hennar
er markað mörgum orrustum, sem hún hefur háð, bæði
í vinnu sinni og einkalífi. Hinar grönnu og vel til höfðu
kynbombur hafa liðið undir lok hver af annarri og aðr-
ar tekið við. Hvergi í heiminum er eins auðvelt að kasta
konum í glatkistuna eins og í Hollywood, en Bette Davis
er ein af undantekningunum. Hún hefur neitað að láta
kasta sér á ruslahauginn og hún hefur áunnið sér virð-
ingu fyrir hæfileika sína og sjálfstæði. Hún er vargur-
inn, sem enginn hefur getað tamið og því er kvikmynda-
stjarnan Bette Davis stolt af.
En Bette Davis á sína einkatilveru, þar sem hún heitir