Fálkinn - 18.04.1966, Blaðsíða 16
JOHNSON forseti hefur áhyggjur
þungar. Dætur hans eru orðnar
gjafvaxta stúlkur, Lynda 21 árs og
Luci Baines 18 ára. Því getur faðir
þeirra ekki breytt, þó hann sé voldug-
asti maður hins vestræna heims.
Um jólin trúlofaðist Luci Baines há-
skólastúdentinum Patrick Nugent, og
vakti fregnin um það mikla athygli, en
þó ekki aðra eins athygli og ferðalag
eldri dótturinnar til Mexíkó. Meðan
Johnson hjónin snæddu jólakalkúnann
á búgarði sínum í Texas, var Lynda
stödd í flugvél á leið til Acapulco með
ljósa hárkollu til þess að leynast fyrir
forvitnum augum. Hjá fréttaþjónustu
Hvíta hússins var farið með þessa mexí-
könsku helgardvöl forsetadótturinnar í
boði kvikmyndaleikarans George Hamil-
ton sem ríkisleyndarmál af fyrstu
gráðu.
16 FÁLKINN
En það stoðaði ekki, fréttin síaðist
út, og ijóslokkagervið kom Lyndu ekki
lengur að neinu gagni. En hún kærði
sig kollótta. og um kvöldið dansaði hún
við George Hamilton af hjartans lyst
í hinum iburðarmikla næturklúbb
„Tequila a go-go“.
Hollywoodstjarnan sá um. að ekkert
skorti á rómantikina. Hann fékk fjóra
gitarsöngvara til að syngja ljóð sin
undir glugganum á herbergi Lyndu að
mexíkönskum sið. Kunningjahjón John-
sonsfjölskyldunnar bjuggu á sama
hóteli og Lynda og gegndu hlutverki
siðgæðisvarða. Og auk þess voru banda-
rískir og mexikanskir leyniþjónustu-
starfsmenn alls staðar nálægir.
Þau undu sér greinilega mjög vel
saman, forsetadóttirin og hái, svart-
hærði kvikmyndaleikarinn. Helgardvöl-
in var framlengd um dag, og enginn
var lengur í vafa um, að George Hamil-
ton skipaði nú þann sess í huga Lyndu,
sem Bernard Rosenbach og siðan millj-
ónamæringssonurinn Brent Eastmann
höfðu 'áður skipað.
Eftir ástarævintýrið með Brent East-
Jk
Kunnuglegt andlit undir Ijósri hárkollu.
Lynda B. Johnson með Hollywoodleik-
aranum George Hamilton.
mann fékk Lynda ströng fyrirmæli
föður síns um að sleppa allri róman-
tík í bili. Þessu hlýddi hún, eins og
góðri dóttur sæmdi, en nú fyrir tveimur
mánuðum við opinbera móttöku Mar-
grétar prinsessu og manns hennar,
Snowdons lávarðs, stóð George Hamil-
ton við hlið hennar
George Hamilton átti erfitt uppdrátt-
ar í Hoilywood framan af, en er nú orð
inn þekktur og vinsæll leikari. Um-
boðsmaður hans gaf þá auglýsinga-
,,línu“ fyrir George, að hann skyldi
kynntur sem ungur maður af efnuðu
fólki“ í æviágripi hans var talað um
auðuga móðurætt hans, en vandlega
þagað um, að faðir hans, sem var blá-
fátækur tónlistarmaður, hafði sóað öll-
um þeim fjármunum, sem kona hans
lagði í búið. á skömmum tíma. í þess
stað var lögð þeim mun meiri áherzla