Fálkinn - 18.04.1966, Blaðsíða 29

Úrslitin í skoðanakönnunni
Það hefur dregizt von úr viti að tilkynna lesendum
úrslitin í skoðanakönnuninni um efni þáttarins, sem fór
fram í janúar sl. Til þess liggja ófyrirsjáanlegar orsakir,
sem ekki verður farið nánar út í hér. Þátttakan var alveg
prýðileg, þó ekki eins góð og í skoðanakönnuninni um
vinsælustu hljómsveitina. Dregið var úr bréfunum og upp
kom nafn Vigdísar Hauksdóttur, Hjalla í Kjós. Verðlaunin
voru hin stórglæsilega bók Almenna Bókafélagsins, Fruman,
t og ætti Vigdís þegar að vera búin að fá hana, er þetta
birtist.
Niðurstaðan í þessari könnun var mjög jákvæð, og
voru flest allir hrifnir af þeim föstu liðum, sem ætlunin
' er að hafa í þættinum, eins og t. d. Stutt og laggott, Æsku-
fólk í leikarastétt og Topplögin 1959. í sambandi við er-
lendu hljómsveitirnar var m. a. beðið um að kynna þær,
sem þegar hafa verið kynntar, eins og t. d. Kinks, Rolling
Stones og Beatles. Það var dálítið á reiki hvort greinarnar
ættu að vera stuttar eða ítarlegar. Þá var beðið um efni
um beat- og þjóðlagasöngvara, að ógleymdum greinum um
íþróttastúlkur og pilta.
Tómas Þ. Jónsson vill fá efni um herra- og dömutízkuna,
bíla, flug og fleiri viðtöl, en stutt.
Svavar Björnsson mælist til þess, að birt verði viðtöl
við frjálsíþróttamenn, og greinarnar vill hann hafa ítar-
legar.
Sigurður Davíðsson vill hafa framhaldssögu um meðlimi
frægra ,,beat“-hljómsveita.
Erling Sveinsson vill hafa fleiri viðtöl og þá umfram
allt við bæði kynin.
Vinningshafinn, hún Vigdís, vill umfram allt hafa aðra
skoðanakönnun um vinsælustu hljómsveitina og þá ítar-
legri en síðast. T. d. vinsælustu tónskáldin og leikara. Síðan
segir hún orðrétt:
Ég er mjög hrifin af öllum liðunum sérstaklega Æsku-
fólk í leikarastétt. Mér finnst, að það eigi að kynna íslenzka
leikara ekki síður en útlenda.
Allar þessar tillögur verða teknar til vandlegrar athug-
unar, en ef ykkur vantar upplýsingar um leikara eða
söngvara, þá skrifið þættinum. Pósthólfið er 1411.
-X
SEIMDID ÞÆTTIIMUIU IUYIMDIR AF
HLJÓIUSVEITUIVI
Þættinum hafa borizt nokkur bréf með beiðni um að
birta meðfylgjandi myndir sem voru af hljómsveitum,
sem starfa úti á landsbyggðinni. Þessar myndir verða birt-
ar bráðlega, og vill þátturinn nota tækifærið og hvetja
þá, sem eiga slíkar myndir í fórum sínum, að senda þær
ásamt upplýsingum um viðkomandi hljómsveitir, til Fálk-
ans, merkt: Þátturinn I SVIÐSLJÓSINU. Box 1411.
Einnig er kærkomið að fá tillögur um efni. Slík bréf
eru ávallt vandlega lesin og innihald þeirra tckið til greina,
ef unnt er. Bezt stíluðu bréfin munu síðan birt í þættinum.
PHILIPS
JAPNGÓÐ PYRIR TON OG TAL
GERÐ FYRIR BATTERI
OG VENJULEGAN STRAUM - llo/22o
SPÓLURNAR SETTAR I
MEÐ EINU HANDTAKI - (MAGASIN)
HANDHÆG - ÞÆGILEG - SKEMMTILEG
18525
FALK.INN
29