Fálkinn - 06.06.1966, Blaðsíða 7
SVART
HÖFÐI
SEGIR
hefur hún haft mikil áhrif á væntanlega kjósendur, þótt
Bárður væri of neðarlega á listanum til að menn færu að
berjast fyrir honum sérstaklega. Samt fór svo, að hann getur
setið í borgarstjórn sem varamaður öðru hverju. En úrslitin
í heild eru Alþýðuflokknum eins og vítamínsprauta, sem
ætti m. a. að koma í veg fyrir það, að honum óhægðist í
stjórnarsetunni þegar dregur að þingkosningum. Þessi úrslit
eru því mikið meiri trygging fyrir áframhaldandi stjórnar-
samstarfi, en úrslit, sem hefðu fært Sjálfstæðisflokknum stóra
sigra, en Alþýðuflokknum tap. Samt var nú ekki verið að
hugsa um þetta í kosningabardaganum. Sjálfstæðisflókkurinn
varaði menn við Alþýðuflokknum, en bæði Alþýðublaðið og
formaður flokksins kallaði heim fylgi flokksins. Úrslitin sýna
að reikulir stuðningsmenn Alþýðuflokksins hafa hlýtt því
kalli.
Völdin kosta sitt
AÐ mun ekki vera einstæð saga bundin við fsland, að sá
sem fer með völd hverju sinni, verði að greiða fyrir með
fylgistapi. Yfirleitt hefur fylgi stjórnarandstöðuflokka alltaf
aukizt hér á landi meðan þeir eru í andófinu. Svo hefur farið
nú. Vegna ýmissa óvenjulegra nýmæla í núverandi stjórnar-
tíð, leikur grunur á því, að ýmsir, sem söðluðu um og kusu
stjórnarandstöðuna, hafi átt um sárt að binda, vegna þess
að þeir komu ekki fram fríðindum og undanþágum, sér í
hag, eins og þeir voru vanir. Engum þarf að detta í hug að
skattsvikarar hafi kosið Sjálfstæðisflokkinn að þessu sinni.
Ýmiss konar sníkjulýður annar er nú orðinn fullmóðgaður í
hinni löngu stjórnarsetu Sjálfstæðisflokksins og Alþýðuflokks-
ins, en báðum þessum flokkum hefur verið gefið það í ríkara
mæli en áður, að hefja stjórnarstörfin yfir sendiferðir eftir
saumnálum. Þeir hafa komið við ýmsum lagfæringum og
endurbótum, sem hitta margan manninn fyrir, virðast bera
gæfu til að þora að taka á sig óvinsældir, ef þeir telja að rétt-
lætið sé þeirra megin. Þeir eiga þó eftir að læra, að þegnar
landsins eru allir jafnir og eiga jafnan rétt. Þar getur engu
um breytt, hvort þegninn býr norður á Melrakkasléttu eða
er samvinnumaður. Nokkur misbrestur hefur verið á þessu,
og hefur þar mátt kenna gamla pólitíska einsýni og takmark-
aðan áhuga á þeim svæðum landsins, sem byggð eru utan
þéttbýliskjarnanna og atkvæðaakranna. Kannski lærist stjórn-
inni að hefja sig enn hærra frá gömlum stjórnvenjum og
músarholusjónarmiðum. Hún hefur þegar breytt mörgu til
batnaðar og þorað. Þetta að þora hefur skort svo tilfinnan-
lega í íslenzk stjórnmál, að hvenær sem maður sér örla á
kjarki í stjórnmálalífi finnst manni landið lyftast um nokkra
þumlunga.
Ögrun við flokksskipulagið
FRAMBOÐ óháðu listanna við þessar kosningar og þó eink-
um framboð óháða listans í Hafnarfirði hlýtur að vera
örðugur biti fyrir flokkana að kyngja. Þar hefur hönd skrifað
á vegginn og mega allir flokkar jafnt lesa sitt mene tekel,
verði ekki einhver breyting á því flokkaeinræði, sem ríkir
hér á landi. Raunar eru það fjórir menn, sem öllu ráða í
íslenzkri pólitík, sem síðan hengja utan á sig fimmtíu og
fjóra sprellikarla, eftir atfylgi og gjörfuleik. Ýmsir skrítnir
tittir hafa áhrif á þessa fjóra menn, vegna þess að fjórmenn-
ingunum er lagið að hafa utan um sig þá hirð eina, sem
ekki veður í gáfum enda gæti þá samkeppnin og hugmynda-
einvígið orðið nokkuð tvísýnt. Þessir fjórir menn eru for-
menn þingflokkanna á hverjum tíma. Spurning er hvað verið
er að gera með alla þessa þingmannatölu, þegar engin pólitík
virðist til í landinu nema handa þessum fjórum. Óháði listinn
er andsvar við fjarstýrispólitíkinni og því óréttlæti sem henni
fylgir. Endalausir jámenn í forustuhlutverkum áratugum
saman, geta Þýtt það að flokkaskipulagið riðlast. Það vita nefni-
lega margir góðir menn margt um pólitík. og þeir krossa
ekki við flokksjálkana. þótt þeir séu góðir aktygjamenn fyrir
flokksforustu, heldur vilja þeir menn sem kunna og geta
drifið pólitík, eins og hún á við á hverjum stað og með lands-
heill alla í huga. Óháði listinn í Hafnarfirði er því aðvörun,
sem kallar á breytt viðhorf, en á meðan þau viðhorf fara ekki
að segja til sín, geta menn unað við þá hugsun, að haldið
er áfram að stjórna landinu með skemmtilegra valdajafnvægi
í húsinu við Lækjartorg en ríkti þar fyrir þessar kosningar.
Kristjánssyni cand. mag. — ViO
þökkum annars brcjiO. Þaö er
gaman aö þessi tegund af efni
skuli vekja ánægju lesenda.
Ad læra Ijósmyndun
Fálki minn!
Gefðu mér nú upplýsingar
um myndasmiði. Mig langar til
að iæra myndasmíði. Ég er
búinn með gagnfræðapróf og
hef tekið svolitið af myndum
á gamla kassavél. Þið talið
stundum um ýmis störf og
hvernig maður á að snúa sér
i að Iæra þau. Hvað er iengi
gert að læra ljósmyndun? Er
til nokkur ljósmyndaraskóli?
Eru þau tæki sem ljósmyndara-
nemi Þarf að hafa mjög dýr?
Ég á heima úti á landi og hef
ekki aðgang að neinum sem ég
get talað við um þetta.
S. Þ.
Svar:
Ef þú ætlar aö gera Ijós-
myndun aö atvinnu þinni þá
skaltu skrifa formanni Ljós-
myndarafélags fslands. Hann
er: Oli Páll Kristjánsson,
Laugavegi 28. Þaö tekur fjög-
ur ár aö læra Ijósmyndun,
þaö er enginn Ijósmyndara-
skóli til, en hins vegar yröir
þú aö ganga í IÖnskólann og
þar er um aö ræða sérnáms-
möguleika fyrir Ijósmyndara
samkvæmt iönfræöslulöggjöf-
inni sem nú er aö taka gildi.
Skegg e&a ekki skegg
Kæri Fálki!
Mér datt í hug að senda þér
bréf í vandræðum mínum og
vita hvort þú getur ekki gefið
mér gott ráð. Þannig er að
mig langar til að safna skeggi
en veit ekki hvernig ég á að
fara að því, né með hvaða iagi
ég á að hafa það. Þarf það
mikla umönnun? Þarf að bera
eitthvað í það? Er ekki nóg að
þvo það einu sinni í mánuði
eins og hárið? Hvað tekur
langan tíma að fá svona sex
sentímetra skegg?
Skegglaus.
Svar:
Þværöu háriö bara einu sinni
{ mánuðif Þá held ég þú ættir
ekki aö fara safna skeggi.
FÁLKINN 7