Fréttablaðið - 15.10.2009, Page 24

24 15. október 2009 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
Fjöldi viðskipta: 17 Velta: 85 milljónir
OMX ÍSLAND 6
802 +0,19%
MESTA HÆKKUN
MAREL FOOD SYS. +1,53%
MESTA LÆKKUN
FØROYA BANKI -0,36%
HLUTABRÉF Í ÚRVALSVÍSITÖLU: Atlantic Petroleum 200,00
+0,00% ... Bakkavör 1,30 +0,00% ... Føroya Banki 140,00 -0,36% ...
Icelandair Group 1,90 +0,00% ... Marel Food Systems 66,20 +1,53%
... Össur 124,00 +0,00%
Atvinnuleysi í aðildarríkjum
Efnahags- og framfarastofnun-
arinnar (OECD) jókst um 0,1 pró-
sentustig milli mánaða og var 8,6
prósent í ágúst. Þetta er 2,3 pró-
sentustigum hærra en á sama
tíma í fyrra, samkvæmt nýbirt-
um tölum stofnunarinnar.
Atvinnuleysi í evrulöndum var
9,6 prósent í ágúst og munar þar
2,0 prósentustigum milli ára. Þá
voru 9,8 prósent atvinnulaus í
Bandaríkjunum, 3,6 prósentustig-
um fleiri en í ágúst í fyrra.
Í ágúst stóð atvinnuleysi hér á
landi í 7,7 prósentustigum, en var
1,2 prósent ári fyrr. Þar munar
6,5 prósentustigum. - óká
ATVINNU LEITAÐ Fólk bíður á vinnumiðlun í Duisburg í Þýskalandi. Atvinnuleysi mæld-
ist 9,6 prósent í evrulöndunum í ágúst. FRÉTTABLAÐIÐ/AP
Atvinnuleysi eykst
Breska fjármálaeftirlitið (FSA)
hefur bannað banka frá Lettlandi að
opna útibú í Bretlandi. Þetta segir
dagblaðið Telegraph, sem bendir á
að bannið sé í samræmi við kröfur
breskra fjármálayfirvalda um end-
urskoðun á reglum um starfsemi
erlendra banka.
Krafan var sett fram eftir að fjár-
málayfirvöld urðu að greiða þeim
sem lagt höfðu fé inn á Ice save-
innlánsreikninga Landsbankans í
Bretlandi 7,5 milljarða punda eftir
að bankinn fór í þrot fyrir ári.
Samkvæmt reglum Evrópusam-
bandsins (ESB) og Evrópska efna-
hagssvæðisins má banki í einu ríki
stofna útibú í öðru en lýtur eftirliti
í heimalandi sínu.
Efnahagskreppa hrjáir Letta
sem hafa fengið 7,5 milljarða evra,
jafnvirði tæpra 1.400 milljarða
íslenskra króna, úr sjóðum ESB, frá
AGS og Svíum til að forða greiðslu-
þroti þjóðarbúsins. Haft var eftir
Adair Turner, stjórnarformanni
FSA, í breskum fjölmiðlum í síð-
ustu viku að eftirlitsstofnanir ESB-
ríkja ættu að hafa heimild til að tak-
marka starfsemi útibúa erlendra
banka sem standa höllum fæti og
talið er að sæti ekki nægilegu eft-
irliti heima fyrir. - jab
Landsbankinn var
fordæmi í Bretlandi
KREPPAN Í LETTLANDI Bresk fjármála-
yfirvöld vilja ekki sjá útibú erlendra
banka sem þeir telja líkur á að geti alið
af sér vandræði. NORDICPHOTOS/AFP
Krónuhrun litar
verðbólguþróun
Verðbólga eykst um 0,5 prósent
í mánuðinum gangi spá Grein-
ingar Íslandsbanka eftir. Árs-
verðbólga lækkar þá úr 10,8
prósentum í 9,0 prósent.
„Síðustu dreggjar útsöluloka
munu væntanlega lyfta verði á
fötum og skóm nokkuð, ásamt
öðrum varningi,“ segir í álit-
inu. „Þá eru enn að seytla inn í
vöruverð áhrif af lækkun krónu
á fyrri helmingi ársins.“
Gert er ráð fyrir að hús-
næðisliðurinn verði óbreytt-
ur milli mánaða. „Raunar eru
vísbendingar af markaði frek-
ar til þeirrar áttar að markaðs-
verð íbúðarhúsnæðis kunni að
hafa hækkað milli mánaða en
hitt. Hins vegar hefur eldsneyti
lækkað nokkuð milli mánaða og
hefur það áhrif til tæplega 0,1
prósents lækkunar.“ - óká
ÚTSALAN BÚIN Búist er við því að
verðbólga aukist á ný þegar síðustu
útsölum lýkur. FRÉTTABLAÐIÐ/VILHELM
„Þetta hefur verið viðburðaríkur
tími,“ segir Jón Sigurðsson, forstjóri
stoðtækjafyrirtækisins Össurar, en á
sunnudag voru liðin tíu ár frá því að
fyrirtækið var skráð á markað, þá Verð-
bréfaþing.
Stoðtækjafyrirtækið var stofnað árið
1971 og tók Jón við forstjórastólnum
árið 1996. Hann segir margt hafa breyst
síðan þá. Starfsmenn þá hafi verið á
milli fimmtíu til hundrað en 1.600 í dag
og fyrirtækið með starfsemi víða um
heim.
Þegar fyrsta viðskiptadegi lauk með
bréf Össurar á markaði fyrir áratug
nam markaðsverðmæti þess rúmum sjö
milljörðum króna. Össur Kristinsson,
stofnandi fyrirtækisins, og fjölskylda
hans áttu þá um helming hlutabréf-
anna. Hann er nú skráður fyrir rúmum
átta prósenta hlut. Stærstu hluthafarn-
ir í dag eru danska fyrirtækið William
Demant Invest og Eyrir Invest með sex-
tíu prósenta hlut.
Össur er á meðal elstu fyrirtækja sem
skráð eru á markað hér. Markaðsverð-
mæti þess nam í gær tæpum 52,5 millj-
örðum króna og er það verðmætasta
íslenska félagið sem skráð er í Kaup-
höllina.
„Við vorum mjög lítið fyrirtæki árið
1999 og því mjög erfitt að skrá það
erlendis. Nú erum við miklu stærri,“
segir Jón Sigurðsson. Skref var stigið í
sögu Össurar í byrjun september en þá
voru hlutabréf félagsins skráð á markað
í Kauphöllinni í Kaupmannahöfn í Dan-
mörku. - jab
Össur á markaði í áratug
Virði skuldabréfa gamla Landsbank-
ans hefur lækkað eftir að íslensk
stjórnvöld, skilanefnd Landsbank-
ans og Nýi Landsbankinn skrifuðu
undir samkomulag á mánudag um
að tryggja að um níutíu prósent
fáist upp í forgangskröfur gamla
bankans. Kröfur vegna Icesave eru
fremstar í röðinni og bera aðrir
kröfuhafar minna úr býtum.
Líkt og áður hefur verið greint frá
er líflegur markaður með skulda-
bréf Glitnis og Kaupþings og hafa
áhættufjárfestar hagnast mjög á
viðskiptunum. Lítil velta er með
skuldabréf Landsbankans.
Skuldabréf Landsbankans urðu
næsta verðlaus eftir þrot hans
fyrir ári. Fyrir um hálfum mánuði
bundu fjárfestar vonir við að á bil-
inu fimm til sjö prósent af kröfum
myndu skila sér. Eftir því sem næst
verður komist benda nýjustu tölur
til að heimtur hafi lækkað niður í
rúm fjögur prósent og ekki er úti-
lokað að þær lækki frekar.
Skuldabréf Glitnis og Kaupþings
hafa hækkað lítillega á sama tíma
en spákaupmenn búast við á bilinu
23 til 25 prósenta heimtum.
Helst eru það bandarískir spá-
kaupmenn sem keypt hafa bréfin.
Ekki er útilokað að ástæðan fyrir
því sé sú að þeir hyggist geyma
hagnað á milli uppgjörstímabila.
jonab@frettabladid.is
Landsbankabréfin lækka
Samkomulagið um heimtur á kröfum Landsbankans á mánudag kemur illa við eigendur
skuldabréfa gamla bankans. Ekki er útilokað að bréfin verði næsta verðlaus á ný eins og
eftir hrun bankanna í fyrra. Á sama tíma hækka skuldabréf hinna bankanna í verði.
Fjárfestar víða um heim hafa
síðustu mánuði hreinsað beina-
grindur úr skápum sínum. Í einum
slíkum úti í heimi fannst skulda-
bréf Landsbankans sem gefið var
út árið 1924. Þetta er pappírsbréf
með 6,5 prósenta vöxtum. Nokkur
dæmi munu vera um að svo
gömul skuldabréf birtist á markaði.
Fjármálafyrirtækjum er óheimilt að
eiga ónýt skuldabréf sem þessi, bréf
sem ekki fást greidd og hefur dagað
uppi í hirslum fjármálafyrirtækja. Því
verður að selja þau á markaði þótt
óvíst sé með eftirspurnina áður en
þau eru afskrifuð.
FÉ Í FORNUM EIGNUM?
FORSTJÓRI KAUPHALLARINNAR OG JÓN Tíu
ára skráningu Össurar á markað var fagnað í
Kauphöllinni á mánudag.