Vikan - 13.08.1964, Page 13

— Ég hef mörg nærtæk dæmi um það, ef þú vilt.
Fólk hefur farið — og fer afar mikið enn — til Kaup-
mannahafnar og þrammar fram og aftur eftir Strikinu
meðan sumarleyfið endist. Það er út af fyrir sig allt í
lagi, ef fólk langar til þess, en þá ber að geta þess,
að Kaupmannahöfn er dýr borg. Hún er ein hinna dýr-
ari. Að fl|úga til Hafnar og búa þar á miðlungs hóteli,
það kosfar svo mikið, að ég álít að þeim peningum
væri mun betur varið öðruvísi. Og nú skal ég seg|a þér
eitt ótrúlegt: Það er hægt að fara á vegum Útsýnar
allar götur suður á suðurströnd Spánar — með flugvél
að sjálfsögðu, og búa þar í hálfan mánuð í lúxushóteli
á fyrsta flokks baðstað, fullt uppihald innifalið, fyrir
álíka mikið og jafn löng ferð til Kaupmannahafnar
kostar. Ég vil taka það fram, að þetta hótel á Spáni er
splunkunýtt og alveg í toppklassa.
Hér getur þú eða hver sem er fengið farmiða með
Loftleiðum eða Flugfélagi íslands út til Evrópu og síð-
an með öðrum flugfélögum, eða járnbrautum, eða skip-
um áfram og áfram, og það að fyrirgreiðslan er feng-
in hér, sparar í mörgum tilvikum jafn mikið og uppi-
hald mundi kosta á þessum fjarlæga dvalarstað í viku
eða hálfan mánuð.
— Hvað er merkasta nýmæli, sem Útsýn hefur staðið
fyrir á þessum tíu árum?
— Ef við undanskiljum hnattferðina, sem er nú að
vísu ekki staðreynd ennþá, þá tel ég Austurlandaferð-
irnar merkasta framtakið. Nú í haust verður þriðja för-
in farin þarna austur á bóginn. Það má segja, að það
sé alveg sérstakt, hvað hægt er að sjá mikið á þó
þetta skömmum tíma. Að það skuli vera hægt að koma
að helztu uppsprettulindum vestrænnar menningar og
sjá mannlíf, sem okkur er alveg framandi. Þar fyrir
utan hef ég orðið var við það, að mörgum hefur orðið
það áhrifamikil lífsreynsla að koma á slóðir Krists í
landinu helga.
— Hefur beinlínis verið óskað eftir því, að þú efndir
til hnattferðar?
— Já, ekki get ég neitað því. Fleiri og fleiri langar
til að sjá nýtt og framandi umhverfi. Það voru nokkrir
viðskiptavinir Útsýnar, sem vöktu máls á þessu og nú
er hópur manna reiðubúinn að fara.
— Hvað kostar flugfargjald kringum hnöttinn?
— Flugfargjaldið eitt kostar um 60 þúsund krónur.
Þess vegna hlýtur hnattferð að sjálfsögðu að kosta
nokkuð mikið borið saman við smáferðalög suður til
Evrópu. Fargjaldið verður 90 þúsund krónur og það má
segja, að það sé ekki mikið þegar á allt er litið. Það
verður til dæmis einungis búið á lúxushótelum og fyrsta
flokks hótelum.
— Og það verður ekki gengið inn í ferð hjá ein-
hverri erlendri ferðaskrifstofu?
— Nei, þetta er algjörlega sjálfstæð þrjátíu og sjö
daga ferð.
— Það væri gaman að fá að heyra hvernig áætlunin
hljóðar.
— Já, það get ég sagt þér í stórum dráttum. Það
verður flogið héðan til Frankfurt í Vestur-Þýzkalandi,
laugardaginn 31. október, og gist þar. Það verður svo
flogið daginn eftir beina leið til Beirut í Líbanon. í þeirri
París Austurlanda verður dvalið í tvo daga. Fyrir þá
sem ekki hafa komið út fyrir hinn svenefnda vestræna
heim, verða það strax talsverð viðbrigði að koma til
Beirut. Þar mætast austur og vestur með einkennilegum
hætti. Yfirbragð borgarinnar er að ýmsu leyti
amerískt, en olíusheikar frá Kuwait og Arabíu koma
þangað til að skemmta sér og innan um allan glans-
inn eru austurlenzkar markaðsgötur.
— Ég kannast við það og skrifaði tals-
vert um þessa borg í Vikuna á sínum
tíma eftir fyrstu Austurlandaferð Útsýn-
ar hér um árið eins og þú kannski manst.
Hvert er svo ferðinni heitið þaðan?
— Þaðan verður flogið til Teheran,
höfuðborgarinnar í íran. Þar situr Sjahinn
og allt það fólk og þar með erum við
komin inn í ósvikið Austurlandaumhverfi,
sem hefur á sér hugblæ þúsund og einn-
ar nætur. í Teheran eru dýrleg bygging-
arverk með haglegu flúri og einkennum
þessarar afgömlu persnesku byggingar-
listar. Svo þarf nú varla að taka það
fram, að persnesk teppi hafa mikið að-
dráttarafl og það er hægt að fá þau
keypt fyrir ótrúlega lítið verð í búðun-
um í Teheran. Ég býst við því, að flest-
ir muni hafa með sér teppisstranga frá
þessu sólríka og fornsögulega landi.
— Þar verður sem sagt dvalizt í tvo
daga. Og síðan hvert?
— Næst er Indland. Mér hefur litizt
svo til, að Indland og Japan væri þeir
staðir, þar sem mest væri að sjá og dvöl-
in gæti orðið eftirminnilegust. Þess vegna
hef ég ákveðið að dvelja viku í hvoru
þessu landi. Fyrst komum við til Nýju
Dehli, sem er fremur norðarlega í land-
inu. Svalur andvari í þessu annars heita
landi, gefur til kynna nálægð við Himal-
ayjafjöllin. Mér skilst að borgin sé tví-
skipt í mjög ólíka hluta: Annars vegar
nýtízkulegan hluta breiðra stræta og
hvítra húsa, en hins vegar afgamlan borg-
arhluta með rúmlega faðms breiðum göt-
um. Þar er moskan fræga Jama Masjid,
eitt fegursta byggingarverk Indlands og
þá er mikið sagt. Og skammt þaðan frá
er sá heilagi staður, þar sem líki Gandhis
var brennt. Þarna er líka bústaður Nehrus
og hæsta mínaretta heimsins svo eitthvað
sé nefnt.
— Þú getur kannski komið mannskapn-
um í viðræður við indverska spekinga um
eðli og tilgang lífsins?
— Vafalaust. Það úir og grúir af spek-
ingum jafnt sem heilögum kúm. Indland
er undraheimur.
— Og enginn fer þangað svo að hann
reyni ekki að sjá Tai Mahal.
Japan.
Hong
Kong