Vikan - 20.05.1965, Blaðsíða 21

Piper Apache, sjúkraflugvél Tryggva,
hefur reynzt afburðavel til sinna nota. t>
Tryggvi Helgason ásamt Erich Vergens,
svifflugkennara. Myndin er tekin í Þýzka-
Iandi. ^
<i Beechcraft vélarnar tvær, sem fá ekki
aS fljúga, af því þær komast ekki inn í
neitt hús á Akureyrarflugvelli.
skólaárunum smíðaði ég ótal flugvélalíkön
og litlar svifflugur.
— Ov svo hófst hið eiginlega flugnám.
Viltu segja mér eitthvað frá því?
— Vélflugnám byrjaði ég 12. maí, 1952.
Kennari var Viktor Aðalsteinsson, flugmað-
ur. Hjá honum lauk ég einkaflugprófi. At-
vinnuprófi lauk ég svo í Reykjavík 1955.
— Og þá gerist þú flugmaður hjá Flug-
félagi íslands?
— Já, þar var vorið 1957.
— Hve lengi starfaðir þú þar?
— f tæp þrjú ár.
—• Hvenær tókstu þá ákvörðun að helga
þig sjúkrafluginu?
— Það var ekki fyrr en eftir hið hörmu-
lega slys, er Jóhann M. Helgason, bróðir
minn, fórst á flugvél sinni og með honum
þrír menn. Hann hafði þá nýlega keypt eins
hreyfils sjúkraflugvél ásamt Rauðakross-
deild Akureyrar og Slysavarnafélagi kvenna
á Akureyri. Raunverulega var það því hann,
sem var brautryðjandinn. Ég tók við hlut-
verki hans, er hann féll frá. Þá tók ég þá
ákvörðun að helga mig því starfi, sem bróð-
ir minn hafði byrjað og reka fyrirtækið í
minningu hans. Tveggja hreyfla sjúkraflug-
vélin, sem ég keypti fyrst, ber fangamark
bróður míns sem einkennisetafi, og allar þær
flugvélar, sem síðar hafa bætzt við, bera
stafina TF-JM en síðasti og fimmti stafur-
inn er breytilegur.
— Það er álit kunnáttumanna, að þér hafi
tekist vel um val sjúkraflugvélarinnar, hvað
snertir gerð og öryggisútbúnað allan.
— Það má vafalaust telja það rétt. Ég
valdi þessa tegund eftir margra mánaða rann-
sóknir og athuganir á öllum þeim flugvéla-
tegundum, sem til greina komu. Hún hefur
reynzt í hverju smáatriði eins og til var
ætlazt. Hversu mörgum mannslífum hún hef-
ur bjargað getur enginn fullyrt um, en sjúkl-
ingarnir, sem hún hefur flutt í tæka tíð á
sjúkrahús, skipta hundruðum, þeir sem hafa
snúið aftur heim heilir heilsu.
— Hún hefur semsagt reynzt þér vel við
hin takmörkuðu skilyrði, sem fyrir hendi
eru, norðanlands og víðar.
— Já, alveg sérstaklega vel, bæði í lend-
ingu á hinum stuttu og ósléttu flugvöllum,
sem alltof oft mega heita ófærir vegna aur-
bleytu, og eins í hvassviðri og lendingum í
hliðarvindi.
— Vill það ekki henda, að veður hamli
sjúkrafluginu?
— Jú, það kemur alloft fyrir, einkum
vegna dimmviðris og ísingarhættu í skýj-
um.
— Hvernig er þér innanbrjósts, þegar svo
ber undir?
-— Þegar maður veit, að mikið er í húfi,
líður manni að sjálfsögðu ekki vel, Stóru
Beechcraft vélarnar tvær, sem Norðurflug
fékk í júlí síðastliðnum, eru búnar öllum
ísvarnartækjum og mjög sterkar og örugg-
ar að öllu leyti. Þær geta borið átta farþega
og hjúkrunarlið að auki með öllum sínum
tækjum. Ætlunin var að nota þessar vélar,
þegar veðurskilyrði hömluðu flugi á minni
flugvélinni, eða ef stórslys bæri að höndum,
en minni flugvélin tekur aðeins eina sjúkra-
körfu. En því miður hefur ríkisvaldið búið
svo að Norðurflugi, að því hefur reynzt ó-
kleyft að nota Beechcraft vélarnar og hafa
þær legið að mestu óhreyfðar á Akureyrar-
flugvelli öllu fólki í dreifbýlinu að gagn-
lausu.
— Hefir þú ekki einhverntíma komizt í
hann krappann, svo að í frásögu sé færandi? i
-— Stundum hefir það komið fyrir, ekki
er því að neita. Eitt sinn reyndi ég að sækja
sjúkling til Grímseyjar, en hvassviðri hafði
Framhald á bls. 30.
VIKAN 20. tbi. 2\